تكفون فزعتكم (كادينزا ومشكلة الصيانة بالوكالة )

وعشان تعرف نظام الشكوى على وزارة التجاره
اول شي تدق عليهم وترفع شكوى
بعدها بيتصلون عليك بعد كم يوم يحددون موعد لك في الوزاره
تروح الوزاره وتعلمهم نوع الشكوى وتشرح لهم يعني
بيعطونك ورقه من ثلاث نسخ او نسختين ( الرئيسيه بيضا والكربون او النسخه حقتها صفرا او خضرا )
المهم هذي الورقتين مكتوب فيها موعد وكلام فاضي
بيقولون لك ودها للوكاله وعطها المدير
تعطي مدير الوكاله الورقه وتخليه يوقع عليها وتاخذ نسخه وهو نسخه

بيجي وقت الموعد بتروح للوزاره وطبيعي ان مدير الوكاله بيطنش الموعد وبيعطونك نفس الورقه عليها موعد ثاني وتعمل نفس طريقتنا الاوله
المهم في حالة عطوك ثلاث مواعيد وما حضر احد من الوكاله عند مكتب وزارة التجاره طالب بحقك عند الموظف بطلب ايقاف السجل التجاري للشركه وان هذا النظام والروتين اللي يمشون عليه واذا رفض الموظف تقدر تشتكيه عند مديره او وكيل الوزير
في حالة ان مدير الوكاله رفضان يوقع ويستلم الورقه الرسميه الخاصه بوزارةالتجاره لازم تفهمه انها تعتبر هذي قضيه عليه وممكن يسجن واذا هو اجنبي عليها سجن وتسفير نهائي لخارج المملكه

في حالة حضور الموظف الخاص بالشركه لاتتنازل عن ريال واحد ولا عن طلب واحد واذا تبي تسوي طريقتي اعمل مثلي
اشتكيت على شركه وبعد حضور مدير الشركه طلبت ان ياخذو سلعتهم الخربانه اللي شريتها لانهم لعبو علي وهالشي خلا الموظف ينلخم ويرتاع لاني كنت اقوله ابيهم يصلحونها عادي اي شي يبونه وكان يحسبني حبوب وطيوب مادرى اني شرير ههههههه


تقريبا بس انت اطلب اللي تبيه لكن في الحق المفترض انك تطلب يصلحونها واذا ماقدرو يصلحونها يغيرون السياره بسياره جديده بدون ماتدفع الفرق في السياره
لان سيارتهم خربانه والمفترض انهم مايقدرون يبيعون سياره خربانه على اي شخص المفترض انهم يصدرون السياره لكوريا يعني بالعربي يتفاهمون بطريقتهم مع المصنع وبس

بالتوفيق

انا مدري ليش الناس مايعرفون يشتكون

يعني تبي تشتكي احد تروح لابوه او اخوه الكبير ؟؟
مدري شلون تجي هذي

المهم قدم شكوى لوزارة التجاره على الرقم المجاني
واذا طنشوك وزارة التجاره ومارجعو لك حقك ارفع برقيه لوزير التجاره واذا ماصار شي ارفع برقيه للملك
واذا ماصار شي المحكمه ياحلو اخر المطاف
وحاول ترتب طلباتك وتختصرها وتخلي لك طرف واحد انتبه لايقعدون يلفون ويدورون ويقولون ارفع شكوى على الوكاله او ارفع على المعرض ومدري ايش
شكواك على الوكاله اللي هي الشركه وبس


بالتوفيق

اذا مافي فائده لالالا تتردد ادخل على عمر الجبر وليس عبدالسلام

لان عبدالسلام لو عندك مشكله مع المبيعات وعمر مسؤول عن الصيانه والورشه جدااا محترم جربته مره على ايام النيسان قامت الورشة ولا قعدت وصار الكل لما توصل سيارتي يحسب الف حساب هههههههههه

انا مافتريت بس طلبت حقي

انت جرب مش خسران شي والله يوفقك

السلام عليكم

ادخل على مدير الصيانة واذا مافادك ادخل على عبدالسلام الجبر مكتبة في نفس المعرض بالدور الثاني وقوله انك عضو في في منتدى السيارات وماراح يقصر معاك

الله يسرها وبيض الله وجهك ع المشاركه

عطهم العين الحمرا ماينفع لهم الا هالشي
هذا حقك ولا تتنازل عنه