رأيكم يهمني، تكفون أدخلو

مشكور فوفو وكل الي ردوا، انا إستخرت وتوكلت على الله وعربنت عليها الله يتمم علي

توكل على الله
والله الشتارجر كلام كبييييير
واتوقع ان حافظت علييه بإذن الله ماراح يجيه شي
اتوققع ان الوكيل حقها كويسس
انت شوف في الشوارع وش كثر التشارجرات والكلايزلرات

لا حول ولا قوة إلا بالله ، مابي أكون متطلب ومزعج...
بس الموقع فيه أكثر من 250 ألف عضو، واللي شاهدو الموضوع 63 عضو
ما أجد إلا ردين فقط؟

توكل على الله و خذها
التشارجر ممتازة و مواصفاتها ممتازة ايضا
و الوكيل في تحسن

مشكور أخوي بروك، السعر طبعا من غير اللوحات 110 باللوحات وهم عارضينها ب111 نفس ماقلت، وأنا مثلك أشوف انها افضل سته سلندر بفئتها،يعني إذا الواحد بياخذ مكينه متوسطة القوه ، يأخذ الافضل في الشكل ولا؟
وأنا مره عازم عليها بس متخوف شوي، والوالد أعجبته لأنه يحب السبورت كانت معه موستنج 5.0 موديل 88 مطلعها وكاله.

وأتمنى من بقية الأعضاء الإفاده خاصة المستخدمين

هلا اخوي

نفسك بالضبط كنت متحير جدا ولين الحين متحير وراسي عورني من كثر ما افكر

سيارتين في بالي كومارو وتشالنجير وطبعا كلهم V6

المهم رحت قبل اسبوع الجميح اللي بالخبر لقيت عنده كومارو 6 سلندر موب فل اوبشن

تقدر تقول نص فل الزبده قماش الاسيات وعادية جدا وما فيها قيجات

والسعر كان صدمه 144 الف على وش!! يارب انها 6 سلندر وشبه ستاندر

المهم ضاق صدري ويأست بسبة سعره الغالي

وقلت وش اسوي المهم اقترح علي اخوي نروح دودج نشوف المواتر

رحت لقيت التشالنجير بـ111 الف ومواصفاتها كانت اوك بس الاسيات قماش

يعني موب فول بس الصراحة سعرها فيها التشالنجر سيارة معروفة بالقوة والمتانه

وثقيلة يعني امان اكثر ولو نقول نبيها جلد نزيد 5000 مثلا لو جلد احمر بيطلع 116 هذا السعر ولا بلاش

وشكلي بتوكل على الله واخذها

وانا ملاحظ ان سعرها قل من كلامك لانها قبل اسبوع بـ111 !!

اتمنى افدتك واذا بتقارن سعرها مع غيرها من السيارات السبورت لاتخاف سعرها فيها

زي ما تشوف الكومارو سعر مرتفع جدا

بس مشكلة التشالنجر او الدوج عامة قطعه يقولون غالية ونادرة

حبيت اعلمك علشان ابري ذمتي وافيدك بأكبر قدر من المعلومات

بس اذا رجلك باردة على السيارة بتعيش معك لو 10 سنين

اهم شي الاستخدام ,,

والله يكتب لك اللي فيه الخير