السلام عليكم
اسعد الله جميع أوقاتكم بكل خير
قبل لا أبدأ بالمشكلة
السيارة ميتسوبيشي - لانسر - موديل 2002 - 4 سلندر
المشكلة كالتالي:
قبل ثلاثة أيام رحت أغير الكويل + البواجي + أسلاك البواجي + فلتر هواء
بسبب قلت العزم في السيارة و خاصة في الطلوع (الطلعات)
المهم اليوم الثاني في الصباح شغلت السيارة على أساس اسخنها (الجو بارد جداً)
و بعد التشغيل بعشرين ثانية تقريباً ينزل عداد الضغط بسرعة مفاجئة من 1.5 تقريباَ إلى تحت الواحد
مع نفضة (هزة واحدة ) و تولع لمبة المكينة لمدة ثانية وتطفي و السيارة كأنها بتطفي
أدعسلها بنزين ترجع طبيعية , تجلس فترة تقريباً دقيقة و يتكرر الكلام السابق . وبعد ما تسخن
أمشي عادي و بدون سابق انذار تنفض السيارة و تولع لمبة المكينة لمدة ثانية وتطفي وتكمل عادي ولا كأن شي صار
لما أوقف عند اشارة او عند محل ينزل عداد الضغط قريب من الصفر و بعض المرات تطفي السيارة
أشغلها و تشتغل بشكل عادي
المهم رحت أمس للميكانيكي قال لازم تنظيف بخاخات + تنظيف البوابة (الثروتل)
المهم نظفها و الحمد العزم أختلف بشكل كبير.
اليوم المشكلة رجعت بشكل جزئي و هي ان السيارة بعد التشغيل وهي باردة بدقيقة ونص تقريباً
تنفض نفضة واحدة ملحوظة + لمبة المكينة تولع لمدة ثانية و تطفي
آسف لكثر الكلام بس هذا أقل وصف ممكن أوصفه
اتمنى مساعدتكم لي
