خبرتكم في توضيب مكينة كابرس 93

البرنس الشهري @user_78569 · 25-02-2012

السلام عليكم ورحمة الله وبركاته

أخواني انا عندي كابرس 93 والمكينه مبوشه

رحت عند الميكانيكي وقال تبغى توضيب والا تغيير مكينه

طبعا يقول تغيير المكينه اوفر لك لأنها من ( 2500 - 3500 ) مع ضمان شهر

بس ما ادري احس اني ماني مرتاح .. لأني خايف تطلع فيها مشاكل بعد شهر لا سمح الله وما راح استفيد شي ..

اما التوضيب فحبيت اسألكم عنه كم راح يكلف تقريبا ...

وابغى ورشه متخصصه اذا احد يعرف ومجرب .. ( في الرياض )

وثانيا والله يسعدكم بغيت القطع اللي احتاجها كامله للتوضيب ( مع مصطلحاتها بالانجليزي اذا فيه امكانيه )

لأني ناوي اطلبها من برااا لأنها ارخص بكثيييير من هنا ..

والله يسعدكم ولا يهينكم وييسر اموووركم

comandor @user_246696 · 28-02-2012

التوضيب افضل انا بوشت معي المكينة واشتريت وحدة جديدة بعد اقل من شهر
رجعت بوشت فعليك بالتوضيب لانك ادرى بمكينتك

البرنس الشهري @user_78569 صاحب الموضوع · 26-02-2012

الله يسعدكم ويسهل اموووركم

كلامكم ع العين والراس وراح امر الورش هناااك

والتوضيب ان شاء الله هو اللي راح اسويه

الحنوني ما قصرت حبيبي لكن وش قصدك باشياء مالها داعي طبعا الميكانيكي لو قال غير القزاز غيرته لأني ما افهم في السيارات شي وبالذات الميكانيكا وانا بغيت مصطلحات القطع بالانجليزي لاني ناوي اجيبها من برااا ومن امريكا بالتحديد لأنها هناك الاصلي ولا راح يغشوني ان شاء الله مثل اخويانا

والورشه ما قصرو الشباب وان شاء الله اروح واشوف كم تكلف

الله يسعدكم ويبيض وجيهكم

واللي عنده رأي والا شي لا يبخل علينا

بالتوفيييق للجميع ولا خلا ولا عدم

الحنووووني @user_218758 · 25-02-2012

وعليكم السلام ورحمة الله وبركاته

نصيحه اذا تبي توظب السيارة وانت راح تستخدمها كم سنه قدام يعني 5 سنين مثلا

فأنصحك يالغالي انك تقول للميكانيكي اظبـط الماكينه وركب قطع اصلي وشيك على راس الماكينة

نصيحه لوجه الله لا تغير شي ماله داعي مثل كلام بعض الناس

وبالتوفيق ،،،

Bader-M @user_3304 · 25-02-2012

وعليكم السلام
بنسبة للورشة في ورشة السعوي بالصناعية القديمة
شارع زيد بن الحارث (العويضة ) قبل نهاية الشارع 100 م من جهة الغرب على يمينك
رقم سوف ارسل لك على الخاصة

هذا موضوع عن التوضيب

http://www.assayyarat.com/forums/thread64420.html

موفق

Made for ksa @user_184992 · 25-02-2012

وعليك السلام ورحمة الله وبركاته

التوظيب أفضل من تغيير المكينة .. لأن المكينة اللي بتشتريها غالبا تكون رجيع ووضبت قطع تجاري بتمشي معك سنة بالكثير وتخبط ..

والتوضيب يحتاج ورش ممتازة .. اللي أعرفه لك .. عندك ورشة مشعل العتيبي في الصناعية القديمة .. أنت أسأل عن ورشتة وأسأله عن ورش ممتازة للتوضيب راح يدلك لأنه قديم بالصناعية .. ورشته تقع على نفس الشارع الذي يقع عليه ميزان العضيب وميزان البلاد .. والله ييسر أمرك