بسم الله الرحمن الرحيم
السلام عليكم ورحمة الله وبركاته
اللهم أجرني في مصيبتي وأخلف لي خيرا منها
صار علي حادث الأحد الماضي كان مشرك في الحادث 4 سيارات وسيارتي هي مازدا زوم 3 2009موديلها
طريقة الحادث\مسك فرامل صاحب السيارة الأولى وصدم فيه صاحبالسيارة الثانية وانا صدمت في السيارة الثانية وصدم فيني الطرف الرابع من الخلف ويعتبر هو الرابع
المهم باشر المرور الحادث لعدم وجود رخصة ولا تأمين لصاحب الكروز وطلبوا مني اروح أسعر السيارة عند شيخ المعارض وسعرتها وطلعت 45ألف قبل الحادث وبعد الحادث 32ألف يعني الصافي اللي لازم يندفع لي 13 ألف عشان أصلح السيارة المهم أعترض صاحب الكروز وقالوا ابي تسعيرة من الورش شيخ المعارض نصاب وأعطوه المرور ورقة تسعيرة للمؤخرة في السيارة لأن الطرف الرابع يتحمل المؤخرة فقط وفلوس أصلاحها وانا اتحمل المقدمة لان عندي تأمين المهم رحنا الورش وسعروا السيارة 2500ريال وقطع الغيار 3450ريال من محلات قطع الغيار
وأعتمدوا تسعيرة الورش
لماذا لم يعتمد المرور تقرير شيخ المعارض رغم أنه شيخ منتخب ومؤهل ليكون ممن يقومون بهذه التسعيرات؟
ولماذا عندما رفض الطرف الرابع اللي صادمني من الخلف تسعيرة شيخ المعارض وطالب بتسعيرة من الورش وافق عليها المرور بشرط انه يقوم بالاجراءات على حسابه الخاص بأن ينقل سيارتي على سطحه خاصه ويمر بها على الورش ويدفع قييمة كل تسعيرة 30ريال؟
هل هم من يملكون السيارة او أنا حسبي الله ونعم الوكيل؟
المشكلة أني مؤمن على السيارة تأمين شامل ضد طرف أخطار الطرف الثالث لأنها أجار منتهي بالتمليك والسيارة عبارة عن مازدا3 مالكها الرئيس بنك الرياض وأنا المفوض بالقيادة رحت الوكالة اليوم وقالوا تكلفة الأصلاح للمازدا 48ألف ريال
من الأمام والخلف وحنا بنرفع تسعيرتنا للتأمين ويمكن ما يصلحوها لك
رغم أن السيارة تلفياتها بسيطه من الخلف عبارة عن
1\صدام خلفي بالعاكسات اللي فيه 2\أصطب يمين ويسار 3\باب شنطة كامل جديد 4\قفل شنطة
5\قواعد صدام 6 \لمبة لوحة 7\كلبسات صدام 8\صاجة صدام خلفي 9\اسطب شنطة يمين واصطب يسار
اسطب صدام يمين 10\عظمه صدام خلفي ويبي لها سحب للصدام الخلفي حسب ماقال المهندس
أما تلفياتها من الأمام\كبوت يبي له تعديل+صدام أمامي كامل+راديتر+
وللمعلومية المبلغ المدفع لي من قبل الطرف الرابع يدفع للتأمين اذا ابي اصلح سيارتي على حساب التامين
والشركة تقول اذا خاطبنا التأمين مستحيل يسوي سيارة بقيمة 48ألف وأنا عارف أن أسعارهم مبالغ فيها والسبب لأنهم أي شيء يتصلح ما يصلحوه لازم جديد ووقلت لم ليش مايسويها التأمين دام أنه شامل قالوا لأنه مستحيل يسوي سيارة بقيمتها لأن التأمين يعتبر 48 الف قيمة هالسيارة ويمكن يسحبوا منك السيارة مادام قيمة اصلاحاتها كذا ويعوضوا مالك السيارة الأصلي أما أنت تخرج من الفول بلا حمص مثل ما قالوا يعني يتعوض بنك الرياض بسيارة جديدة وانت يا المفوض والمستاجر لهذه السيارة بالاجار المنتهي بالتملك تنسحب منك وأقساطك اللي دفعتها ومقدارها 35434.52ريال تقول عليها السلام قلت ليش قال هذا نظام التأمين كأنك مستأجر سيارة من شركات الأيجار حقت السيارات اللي برا
ملاحظة\ مضى من مدة التقسيط حوالي سنتين و5 شهور وهي مأجرة على 4سنوات ودفعة أخيرة 10 الاف وعليها
قلت حسبي الله ونعم الوكيل ماذا تشيرون علي؟؟؟
لو فرضنا اني سويتها برا راح تتصلح وراح تكون قيمة الأصلاح لا تتعدا 5000ريال او 6000ريال بالكثير هذا شغل اليد
أما القطع يمكن لو حصينها من الأمام او الخلف راح تكلف واجد لان قطع مازدا غالية كما تعرفون
يمكن تكلف اقل شيء 10آلاف
وانا صراحة ما املك هالمبلغ 16ألف خارج الوكالة
أبي مشورتكم يا اعضاء هالمنتدى الغالي