السلام عليكم
حصل لي موقف غريب أمس بسيارتي Cayenne S 2012 وهو كالاتي :
كنت أمشي بطريق نظيف وبسرعه متوسطه فتفاجأت ببخار ابيض يخرج من الكبوت , وقفت على اليمين بسرعة وطفيت السيارة وفتحت الكبوت ورأيت بخار ابيض خفيف فقلت أكيد المكينة حارة شوي والجو كان بارد ودرجة الحرارة 5 , ركبت السيارة لأشيك على التحذيرات اللي على الطبلون فما وجدت شي .
كملت سيري ولم أتجاوز سرعة 80 بعدها تفاجأت بأن البخار يعود ولكن هذه المره الحرارة وصلت H , وقفت على اليمين سريعا وكان البخار موجود ولكن كان منبع البخار هو من موية الرديتر وكان موية الرديتر تطشر " تخرج من موقعها بسرعه " , انتظرت حتى بردت السيارة ودقيت سلف لأرى التحذيرات ووجدت تحذير ألا وهو" Check Coolent " اللي هو شيك على موية الرديتر فتحت الكتيب حق التحذيرات وقريت عن التحذير هذا وكان الحل أني أزيد موية الرديتر << وفقا لتعليمات الكتيب اللي مع السيارة.
بعدها قررت أني ما أتعبث وأن أتصل على طوارئ بورش , وفعلا اتصلت وفي خلال 30 دقيقة وصلت سيارة سطحة لتأخذ سيارتي لأقرب فرع .
طبعا الوكالة مسكرة أمس واليوم وبكره , ولكن سؤالي يا أخوان " ماسبب ارتفاع الحرارة المفاجئ ؟"
طبعاً السيارة ما كملت 6000 ,وعلما أني ما أكلت عليها مطبات .
وشاكر لكم جميعا
