ميزة قير الـ C V T

الله يعوض على صاحبك ..

طيب ايش سبب التخبيط ؟ وللعلم 26 الف مقارنة بسعر السيارة مقبول جدا .. والقير يتوظب لكن الوكيل للاسف مايجيب قطع غياره.

القير اثبت كفاءته وكون الوكلاء مقصرين فهذا يعيبهم ما يعيب الشركة .. وبالنسبة للمبرد مثله مثل اي مبرد قير لو صار به شي ممكن تغيره بنوع ثاني موب شرط الاصلي وان كان خلف الصدام مباشرة مثل ما تقول فاعتقد ان نيسان اخطأت بها الشي..

بالتوفيق

ويييييين ميزة الله يرحم حالك ...

هذا القير اللي يجيب الهم ، اسألني وأنا راعي ألتيما 2010 CVT ، قير والله ميت خاصة في الاستخدام اليومي ، مع الدعس والرفع تحس السيارة مكانها يالله تمشي ، لازم تكتم الدعسة حتى تنشط السيارة.
أنا والله اغتريت فيه ست سرعات وحركات ... طلع كلام فاضي.

ميزته الوحيدة في السفر وصعود المرتفعات مريح وثابت (شهادة لله).

أضف إلى ذلك مشكلة التسارع من الصفر المعروفة ، وما يخفى عليكم مستوى الماكسيما الجديدة المخيب للآمال ، وهي كما تعلمون (CVT) - لايجي أحد يقول لي يمكن العلة في المحرك، الجميع يعرف محركات VQ الخارقة ، والدليل أداء الألتيما v6 بالقير العادي ، تسحيب في الأوريون وطقتها-.

اللي يبغى يستمتع بقوة ونشاط الألتيما -نصيحة لله- ياخذ قير عادي.




أما بالنسبة لرد أخوي عابر البيد : أنا أتفق معك على جودة الـCVT في سيارات ميتسوبيشي.

وراك معصب يا اخي سيارتي وانا اعرف منك فيها !

اقلك انا مجرب تقولي المواقع تقولي يا رجل جب لي الموقع وصحح لي خطأئ اذا مش 14 ليتر !

والحسبة انا جايبها على كلامك حولته الى لتر وكيلو متر ماهي من عندي

تحياتي يامعصب

هلا اخوي
اولا نحن نتعامل بالكيلو وباللتر مش بالجالون .

ثانيا حسب كلامك يعني كل 37 كيلو تصرف 4,5 لتر بنزين معناتها بشكل تقريبا تصرف كل 100 كيلو 14 لتر وهذي نسبة عالية جدا وهي نفس نسبة الاودي A8 واللكزس 350 rx

اخيرا :انا تكلمت عن تجربه .وقارنها انت بمنافستها الهوندا مثلا !
تحياتي

عابر البيد
و
FireBox
و
التويم

و لا يهونون الربع المشاركين الآخرين،


و الله كنت افكر شلون فكرة قير هالسي في تي CVT؟

انا اشهد انكم ما قصرتوا.

الله يجعلها في ميزان حسناتكم. و يغفرلكم و يصلح ذرياتكم، قولوا آمين.

:smilie16:

ياكثر ماتختلف بالرأي !:bigggrin:

الاختلاف لايفسد للود قضية , شوف حبيبي معاي التيما 2008 معناتها اني اقدم منكم في الاستخدام

والطلعات والسفريات (ولعن ابوجد السيارة) لذا ممكن خبرتي اعلى شويتين !!

الالتيما جربتها بنفس القير قبل لاتنزل السعوديه يوم كنت بكندا ومن يومها اتخذت قرار شراءها !

انا معجب بالسيارة وبالجير بس لاتقول انه مايصرف او يقلل الصرفيه ! كلام غير صحيح لأني قارنتها

بكل سياراتي ! انا اعبيها فل وامشي مسافة معينة بعدين اعبيها فل مره ثانية واقارن في الصرفيات

فرق كبير ! الالتيما اكثر صرفيه من الكامري والهوندا مثلا بس مش معناتها ان صرفيتها هائله !

غير صحيح هم اميركا اقتصاد الوقود لأنها اكثر دولة بالعالم تشتري كل انواع السيارات ذات

الاستهلاك العالي من الوقود لو قلت اوروبا ممكن اصدقك !

حتى الان ماحطو هذا النوع في الجير في السيارات الكبيرة او الكروس لأن العزم اللي يطلع من هذا

النوع من ناقل الحركة اقل من غيره من النواقل والسيارات الكبيرة او الدفع الرباعي تحتاج للعزم

الكبير الناتج من المحرج والجير ,لوتشوف مشاكل اللي معهم مورانو مثلا يمكن تقتنع شوف هالموضوع

http://www.assayyarat.com/forums/thread106732.html

نيسان غيرته اكثر من 3 مرات وانتجت جيل آخر مطور درءا للمشاكل السابقة ولازال في طور

التكوين يعني ماوصل مرحلة جير ماينخاف منه .

احترم رأيك واقتناعك الكامل جدا بالجير ولكن هذي رأيي البسيط من خبره بسيطه

تحياتي لك

حياك الله اخي التويم

اسمح لي اختلف معك .. نيسان تبيع ملايين المركبات بهذا القير وخاصة اوروبا واميركا وهي دول همها الاول الاقتصاد في استهلاك الوقود .. يمكن سيارتك بها خلل معين او ما مرنتها كما يجب ..
بالنسبة للضغط انت تتحكم فيه وهو فعلا منخفض اذا كانت سرعتك معتدلة لكن تطارح بالمحرك طبيعي يعطيك اقصى عزم مع اعلى ضغط دوران هذا ميزة وليس سلبية .

الحرارة حتى في القيور العادية تأثر على الاداء .. كثيرين عندهم نفس سيارتك ولا اشتكو يمكن كما ذكرت مشكلة في سيارتك , وللعلم سافرت بسيارتي اوتلاندر للجنوب ومحملة ركاب وعفش كامل ودعس في الطلعات واستخدام الغيار اليدوي في النزول للمنحدرات ولم الحظ اي ضعف او سخونة في القير ولا حتى رائحة تذكر .

تقول الشركات تحفظت هل سمعت او قرأت تصريح من اي شركة .. !! القير جديد وفترة وتلقاه في معظم او ربما كل السيارات بدأت بالسيدان والان الكروس اوفر والمستقبل في السيارات الكبيرة بما فيها الدفع الرباعي .. وللعلم المورانو كروس اوفر ماهي مخصصة للتطعيس وطبيعي مع الشد يسخن القير ..

شركات كثيرة تطبق هذا النظام في بعض سياراتها منها السوبارو والميتسوبيشي والمرسيدس والنيسان والاودي وغيرها ... تتوقع يعرفو العيوب ومع ذلك مستمرين في الانتاج حتى يقفلو مصانعهم ؟

اي شيء جديد تكون صيانته مكلفة في البداية .. في الثمانينات واوائل التسعينات كان توظيب مكينة الدفع الامامي العرضية ضعف سعر مكينة الدفع الخلفي الطولية وقليل من يفهم فيها ولكن بعد مرور الوقت اصبح كل الميكانيكيين يعرفونها تماما ونزل السعر مثل الباقي ..

تقبل تحياتي..