نصيحتكم قبل لا اشتري تكفون ( ايدج 2012 )

الإيدج حلو خصوصاً مع التغيير الأخير 2011 بس يظل بشكل عام ماتغير شكله من 2007 فحط هالنقطة ببالك
الإكسبلورر أحلى برأيي وميزته ان شكله جديد ماتغير إلا 2011 بس المشكلة بسعر إيدج ليمتد ماراح تاخذ إلا إكسبلورر نص فل... إيدج ليمتد أحسن :)
الجراند شيروكي نفس الشي غااااالي إذا بتاخذ ليمتد، اللاريدو مايسوى هو ومكينته

اذا كنت شباب الأيدج خيار جيد جدن
وفيه برضو جراند شروكي بس الشروكي يعيبه الوكيل
عموما كل السيارتين حلوه
وبالتوفيق

يالغالي اليوكن و التاهو من فئة تختلف عن فئة الايدج ...

الايدج من فئة الكروس اوفر زي النيسان مورانو و التاهو و اليوكن من فئة الـــ SUV زي السيكويا تايوتا

و تعتمد السيارة على استخدامك اذا كنت من اصحاب التطعيس او عندك عائلة كبيرة ما تنفع لك ابد ...

اما اذا كان اكثر مشاويرك داحل المدن فالسيارة ممتازة و من تجربة ...

وشكرا ...

ياخي المشكله في اليوكن والتاهو ان في كل قرنه ومكان تلقاهم ما تم احد مشراهم مدري احس ان هذا شي مش حلو ان السياره تكون منتشره كثير كثير زي الكامري مثلا والفورد فيكتوريا غير كذا مع احترامي لليكون والتاهو صحيح ان مواصفاتهم كمكينه لا يعلى عليها يعني انهم 8 سلندر والمكينه عزمها قوي لكن احتمال شكلها يتغير في اي وقت لانهم من زمان وهم جالسين على نفس الشكل وغير كذا اسعارهم ارفعت سعر اليوكن صار 147000 وهذا الستاندرد اللي مافيه ولا دبل ولا حتى شاشه
والله انا اقول على حسب استخدامه ان كان هو راعي طلعات بر يروح لسيارات البر وهي معروفه مثل اللند واليوكن والتاهو والبرادو لكن يبي له يدفع زياده ولا يركز ع الفخامه
اما اذا كان يبي راحه وفخامه وسياره مدينه بالدرجه الاولى وبر بالدرجه الثانيه ياخذ له اكسبلورر او ادج او ترافرس

اما اذا كان عنده عيال فوق الثلاثه انصحك باليوكن او التاهو لانهم هم الانسب

يعني بالاخير هو على حسب الاستخدام

الايدج سيارة جميلة إذا كانت لاتتجاوز 130 ألف ريال ... أما 151 ألف أحسها كثيرة ...

يعني اقتراحي إنك تاخذ ايدج نوع SEL ... أما ليميتد فما أنصحك ...


حاول تراجع تفكيرك بالشيروكي الليميتد الجديد ... مواصفات رائعة لا تقارن بالايدج ... لكن بشرط السيارة تجلس معك خمس أو ست سنوات فما فوق ...

خيار موفّق والله يكتب لك اللي فيه الخير

الايدج سيارة جميلة جدا ..

ولكن من وجهة نظري يوجد افضل منها ...
مثل اليوكن او التاهو ....وغيرها من السيارات الرائعة

ياغالي تبي نصيحتي
استاجر ايدج يوم او يومين وجربها
واستاجر cx-9

وشوف الانسب لك واللي ترتاح معه ااكثر
والله يكتب لك وللجميع اللي فيه الخير يارب

اذا كنت ناوي على فورد انصحك بالاكسبلورر شكل اجمل واجدد واظمن انه ما يتغير على الاقل مده خمس سنووات وغير كذا انه اكبر واوسع وارخص

والمواصفات التقنيه تقريبا متشابهة
اللي يفرق شي واحد ان الايدج سبورت اكثر وشبابي اكثر

اما الاكسبلورر يجمع بين الشبابي والعائلي والله يوفقك

والله ياخوك الشروكي ماهو شين بس عند البيع يطيح سعره وثانيا وكيله جدا سييء لا من ناحية الاسعار او القطع الغير متوفره

عندك الشيروكي نفس حجم الايدج واكشخ

مشكور على ردك اخوي
بس اختلف معاك ...... بالنسبة للسيارات الفارهة اسعارها من من 200 الف وفوق ولاتجيب لي سيارة فارهه اقلل فئة ومن دون مواصفاتها !!! وشكرا .......

مشكور على ردك والله يكتب اللي فيه الخير

من حيث التجربة
لم اندم علي شراء الايدج ٢٠١١ بسبب الاكسبلورر
لانه ببساطة ما عجبني مع ان شركة فورد حققت مبيعات عالية بسبب التصميم الحديث
ولكن برضو الناس اذواق
وانا اقولك ما يعجبني وافضل الايدج
اليوم قبل مم ساعة صار لي موقف لو معي برادو كان جيت العيد
انا ماشي علي سرعة ١٥٠ تقريبا
متجه لقطر وياقي لي حوالي ١٠٠ كيلو
المهم وانا ماشي علي السرعة واذا بكفر شاحنة متسلخ وموجود علي الطريق
عاد انا شفته لو ضرب وجه السيارة بيلعب البدقن لعب لانه منطوي ومرتفع عن مستوي الارض
المهم واحذف ذيك الحذفه وابعد عنه ولله الحمد ربني فكني
والسيارة كانت ماسكة الخط صح
مجرد بعد ما حذفت اكتشفت ان سرعتي فوق ١٥٠
بس والله ماشاء الله ماسك الخط
لو برادو كان خبر قلبتي بالرادو

الله يوفقك بس خذ لمتيد
بوخالد

الايدج سيارة جيدة لكن هالسعر لي تحفظ عليه لكون السيارة ليست ضمن السيارات الفارهة من فورد (لينكون) وحجمها صغير نسبياً مقارنة بالجيوب الاخرى من فئتها .
اقترح عليك تشوف / الاكسبلورر + مازدا CX9
وبشطح عليك وبقولك شف جيب الطوارق اذكر عليه عرض بسعر مقارب لسعر الايدج .

توكل على الله سياره جميله ومواصفاتها رائعه وبدت تنتشر بشكل كبير بالشوارع