*&&* تويوتا ونيسان احد اسباب الوفيات بالسعودية *&&*

كل الكلام إلي قاله صحيح 100%
أقول موقف مر على الوالد وأنا معاه
كان عند الوالد مرسيدس موديل أواخر السبعينات
مر علينا يوم كنا بنسافر فيه فأتخرنا وباقي للمطار كثير وقرب موعد الطيارة
المهم الوالد وصل سرعة 160 فجأة ينفجر التاير يمكن ما تصدقوني بس والله أنه كل إلي حسينا فيه صوة التاير أما إنفجر
وبعد ما وقفنا وشفنا التاير ما بقي منه شي كله تقطعه وما نقول إلا الفضل لله ثم للمرسيدس
لو نها اي سيارة ثانية أتحداك إذا ما قلبت
والدليل أنه مرسيدس تستخدم الدفع الخلفي في كل سياراتها
وثاني شي أنه في المرسيدس ميزة الجاذبية إلي تخلي السيارة ثابتة على الأرض ولو تلاحظ أن المرسيدس من أندر السيارات إلي تقلب

اذا بنشر الكفر على سرعة 160 وماقدرت تسيطر على الموتر هذا مو عيب في السواق
اذا الفرامل على سرعة 160 تخلي السيارة تزحف وتصفق باللمبه هذا مو عيب بالسواق
اذا السيارة على سرعة 160 و تحذف كل ما تجاوزت تريله هذا مو عيب بالسواق

السلام عليكم , لا تويوتا ولا نيسان فيها عيوب العيب في اللى يسوق السيارة وسيارات تويوتا ونيسان مالية الكورة الارضية لكن ما تشوف الارقام المجنونة بالحوادث الا عندنا تلاقي طفل توة طالع من الروضة ومعة كامري طبيعي انة يمشي ويسوق زي المجنون العيب من اولا من السواق ومن الاهل اللى هم سبب في رمي اولادهم للتهلكة خصوصا اللى توهم صغار ومراهقين مفروض ما يعطونهم سيارة الا لما يكون كفو للسواقة ولا عندنا انظمة صارمة بسحب السيارة للمخالف ومنعة من السواقة الى الابد زي ما يحصل في دول كثير اذا زاد عدد مخالفاتة المرورية على كل حال العيب في السائق ومال للسيارة اي مشكلة ابداااااااااااااااااااااا وش ماكان نوعها نيسان والا تاتا

اممممم انت ذكرت تويوتا ونيسان وهذا خطاك في الموضوع انا براي انه اسباب الوفيات هي استخدام السياره الخاطئ وليس تويوتا ونيسان .... وانا اقصد هنا انه تويوتا ونيسان لديها خيارات كثيره منها سيارات الدفع الرباعي وسيارات الفارهه وايضا السيارات الرياضيه وكمان السيارات الخاصه با التحميل كا الهايلوكس وددسن والقصد من هذا الكلام انه يجيك واحد معاه هايلوكس وماشي داخل المدينه بالطرق السريعه كاطريق الملك بسرعة 160 وصار عليه حادث كيف ماتبغى يكون فيه حالة وفاه وهو استخدامه للسياره خطا لانه السياره مخصصه للتحميل والبر والطرق الوعره اللي الحوادث فيها لا تتطلب جميع انضمة الامان الموجوده بالالماني وهو اصلا سيارته غير مجهزه للطرق السريعه وحتى نوع الكفرات الموجود عليها من نفس الشركه ليس للطرق السريعه وهو اهم وسائل السلامه وحتى تحمل الكفر للضغط لا يتجاوز سرعة 180 ومع الاسف نجد ناس يتجاوزون السرعه هذي برايك الخطا هنا من يتحمله نيسان وتويوتا ام الاستخدام الخاطئ للسياره؟؟....
وللمعلومه يوجد سيارات في نيسان وتويوتا تتفوق على سيارات المانيه حتى على مستوى العالم افالون وماكسيما واوريون والتيما ونضرائها من فولكس واجن وبيجو وسيتروين ورينو وبعض الفئات من السيارات الالمانيه الكبرى مرسيدس وبي ام دبليو اسعاره ب 150 الف وانضمة الامان في المكسيما افضل منها واستطيع فعل مقارنه لك ان ارد وهي اصغر فئه في بي ام دابليو وللمعلوميه سعر المكسيما لايتجاوز 130 الف ومع ذلك افضل من حيث التقنيه وقوة محرك وامان .....لكن اعتقد انت منحاز للشركات الالمانيه بشكل غريب ومستفز لملاك السيارات الاخرى .

كلام صاحب الموضوع صحيح لكن بغض النظر عن تويوتا و نيسان. لا ينبغي التحديد. ليس فقط هم الوحيدين بأمان متدني. صاحب الموضوع قال في البداية أن كل شيء بقدر من الله تعالى. لكن فعل الأسباب (اقتناء سيارة آمنة) هذا وينه مع السيارات المنتشرة عندنا؟! هذا الي يقصده. و هذا صحيح للأسف.