*&&* تويوتا ونيسان احد اسباب الوفيات بالسعودية *&&*

السلام عليكم , لا تويوتا ولا نيسان فيها عيوب العيب في اللى يسوق السيارة وسيارات تويوتا ونيسان مالية الكورة الارضية لكن ما تشوف الارقام المجنونة بالحوادث الا عندنا تلاقي طفل توة طالع من الروضة ومعة كامري طبيعي انة يمشي ويسوق زي المجنون العيب من اولا من السواق ومن الاهل اللى هم سبب في رمي اولادهم للتهلكة خصوصا اللى توهم صغار ومراهقين مفروض ما يعطونهم سيارة الا لما يكون كفو للسواقة ولا عندنا انظمة صارمة بسحب السيارة للمخالف ومنعة من السواقة الى الابد زي ما يحصل في دول كثير اذا زاد عدد مخالفاتة المرورية على كل حال العيب في السائق ومال للسيارة اي مشكلة ابداااااااااااااااااااااا وش ماكان نوعها نيسان والا تاتا

اممممم انت ذكرت تويوتا ونيسان وهذا خطاك في الموضوع انا براي انه اسباب الوفيات هي استخدام السياره الخاطئ وليس تويوتا ونيسان .... وانا اقصد هنا انه تويوتا ونيسان لديها خيارات كثيره منها سيارات الدفع الرباعي وسيارات الفارهه وايضا السيارات الرياضيه وكمان السيارات الخاصه با التحميل كا الهايلوكس وددسن والقصد من هذا الكلام انه يجيك واحد معاه هايلوكس وماشي داخل المدينه بالطرق السريعه كاطريق الملك بسرعة 160 وصار عليه حادث كيف ماتبغى يكون فيه حالة وفاه وهو استخدامه للسياره خطا لانه السياره مخصصه للتحميل والبر والطرق الوعره اللي الحوادث فيها لا تتطلب جميع انضمة الامان الموجوده بالالماني وهو اصلا سيارته غير مجهزه للطرق السريعه وحتى نوع الكفرات الموجود عليها من نفس الشركه ليس للطرق السريعه وهو اهم وسائل السلامه وحتى تحمل الكفر للضغط لا يتجاوز سرعة 180 ومع الاسف نجد ناس يتجاوزون السرعه هذي برايك الخطا هنا من يتحمله نيسان وتويوتا ام الاستخدام الخاطئ للسياره؟؟....
وللمعلومه يوجد سيارات في نيسان وتويوتا تتفوق على سيارات المانيه حتى على مستوى العالم افالون وماكسيما واوريون والتيما ونضرائها من فولكس واجن وبيجو وسيتروين ورينو وبعض الفئات من السيارات الالمانيه الكبرى مرسيدس وبي ام دبليو اسعاره ب 150 الف وانضمة الامان في المكسيما افضل منها واستطيع فعل مقارنه لك ان ارد وهي اصغر فئه في بي ام دابليو وللمعلوميه سعر المكسيما لايتجاوز 130 الف ومع ذلك افضل من حيث التقنيه وقوة محرك وامان .....لكن اعتقد انت منحاز للشركات الالمانيه بشكل غريب ومستفز لملاك السيارات الاخرى .

كلام صاحب الموضوع صحيح لكن بغض النظر عن تويوتا و نيسان. لا ينبغي التحديد. ليس فقط هم الوحيدين بأمان متدني. صاحب الموضوع قال في البداية أن كل شيء بقدر من الله تعالى. لكن فعل الأسباب (اقتناء سيارة آمنة) هذا وينه مع السيارات المنتشرة عندنا؟! هذا الي يقصده. و هذا صحيح للأسف.

إذا كنت تتكلم عن ضعــف وســآئل الســلآمه والامـآن داخل المركبــه
اضف لقائمتــكـ
سيارات شفروليه من مصنــع دآيــو - اضافــه لغالبيــه الشركـآت اليابانيــه والكورـيـه من غير الفاخره !

من اسباب الوفيات وليس الحوادث

السلام عليكم ورحمة الله وبركاته

مممم ... هذا الموضوع غريب جدا !!!!
سبب الحوادث نيسان وتايوتا !!!!
يعني إذا كل الناس امتلكوا تشيري يعني مافي حوادث ^^ ...

وكأني قريت انه سبب رسوب اغلب الطلاب في المدرسة هما الكرسي والماصة !!

يشرفنا تعقيبك طال عمرك ...وشكرا على مرورك

عموما كل.واحد عنده وجهت نظر وانا احترم وجهت نظرك. لاكني لا اتفق معاك بجميع االكلام. بسبب غرابة وحساسيه الموضوع. ))انتقاد تيوتا ونيسان((( عموما مشكور عالموضوع

كلامك صحيح ... عندهم الخدمات الطبية متطورة
لكن المفروض ان ربعنا يبحثون عن السبب في الإصابة
مثلا : ABC المفروض انه يمنع الانزلاق والانحراف ..وموجود حاليا في اغلب السيارات
طيب : هل يعمل بنفس الكفائة بجميع السيارت ؟
يعني ABC في الأفالون زي ABC في الفولفو ؟ هذا الفرق في النظام هو سبب الكوارث
طبعا هذا مثال ...قيس عليه جميع اجزاء السيارة

لما تفقد السيطرة على السيارة ماهو السبب ؟ ليش تختلف بين السيارات مع نفس السرعة ؟
هذي التفاصيل الدقيقة تتميز فيها السيارات الاوروبية وتاخذها الشركات الاوروبية بعين الاعتبار لأن الشعوب الاوروبية تحب السرعة ومعروف ان الشركات الاوروبية تتنافس في هذه الميزه فلازم توفير عناصر الأمان في سرعات عالية ...
باختصار عناصر الامان ليست بالوسائد الهوائية فقط والانظمة ABC EBS . .. بل يوجد تفاصيل دقيقة لا توجد في الشركات الايابانية حتى الآن .

انشالله راح انزل موضوع عن هذه التفاصيل في موضوع مستقل .

المفروض هيئة المواصفات يكونون محترمين اكثر منا ويخلون السيارات تفصل عند 120 ك/س لكن مستحيل يسوونها لأنها بتضرب اقتصاد السيارات بتصير متساوية

ثانيا عرف السرعة الجنونية ؟ يعني 160 والا 180 تعتبر جنونية ؟

ثالثا : ثلاث اربع العالم قصدك شرق اسيا والخليج وهذا صحيح
بس دول شرق اسيا كل الدول زحمة ما يمديك توصل 80 ك/س يعني فعلا تصلح لهم والخليج كذالك يستثنى السعودية لأن مساحتها شاسعة وهذا بلا ابوك ياعقاب.

ونجاح الشركتين صحيح .. لكن ارجع للموضوع وشوف اسباب النجاح

inital D .... يابعد راسي مستحيل يطلع تقرير في هالأمور...لأنك كذا قاعد تحارب اليابان ..لكن نتكلم عن تجارب المجتمع .
ليش لما يبنشر كفر والسيارة ماشية 160 تنقلب ؟؟؟ وما نشوفها تحصل في الستروين والا فولفو
ليه الفولفو تنحرف عن المسار وانت ماشي 190 وترجع للخط بسهولة ؟ ( وهذي تجربة شخصية ولله الحمد )
والافالون وانت ماسك خط وماشي نفس السرعة 190 اذا مريت جنب تريلات تحس قلبك يوقف من نقزة الموتر ( برضو تجربه شخصية )
اما الفولفو تحس انه مشبص بالزفلت معا العلم انهم نفس السعر.

بالنسبة المقصود بالاوربي مو BMW والمرسيدس ... هذي خارج الحسبه مو اي واحد ياخذها الا مستعمله .
لكن اتكلم عن ستروين بيجو فولفو قولف هذي اسعارها قريبه من التويوتا والنيسان وبعضها ارخص .



ياخوي من قال لك انها منتشره بامريكا والله ما تشوفها الا بالنادر ... من ناحية المبيعات اليابانية في امريكا الهوندا مغطيه عليها بمراحل . مع العلم المواصفات تختلف عن الخليجي .. الولايات الجنوبية الكامري صناعة امريكية .. اما الولايات الشمالية فهي استرالية . وامريكا معروف ان السرعات محدودة اكثر من عندنا يعني مارحنا بعيد نفس المقياس .



ماجربت BMW لكن يعلم الله اني جربت الفولفو على طريق الرياض الدمام
ماشي فوق 190 طول الخط وانا متذكر لأني اخذت عليها مخالفة
وسقط علي تريله واضطريت اطلع على الجزيرة ( بين الخطين ) ورجعت الموتر بقدرة الله للخط ... تحس الموتر لازق فيك من جد والحمدلله قبل كل شي
لكن بعدين قعدت افكر ..لو كانت الافالون الي ترقص من هبة الهوى وش راح يصير لا سمح الله ؟؟؟ انا اتوقع كارثة لأني اسمع زي هالشغلات بسيارات تويوتا والدداسن

وانا معك ... اتوقع كثيرين الحين يؤيدون ساهر
دام انه اسهل طريقة لحل المشكلة .. يعني مايحتاج تروح تدقق بالشركات وهيئة المواصفات خل العالم تمشي 60 ك/س وماحد متضرر ... ومنها تمشي سوق جميع الماركات لأنها بتكون متساوية
بالنسبة للسرعات 200+ هذي قليل الي يوصلونها...يعني ماحد بيروح الدوام كل يوم ماشي 200
بس ياعزيزي نتكلم عن 160 او 150 يعني الي توصلها كل السيارات .
انت ماشي 160 بالافالون زي لما تمشي 160 بالفولفو ؟؟؟ هنا الفرق مع انها قريبه من بعض بالسعر

ليس كل شيئ مطبق في اوربا والمانيا صالح لنا !

قد يكون لديهم سرعات مفتوحة وبالمقابل لديهم خمات طبية متطورة واسعاف طائر واقسام طوارئ مدربة على التعامل مع حالات الاصابة

فمن المصيبة ان ناتي ونطبق هذا النظام هنا بينما الزملاء بالهلال الاحمر يبذلون ما يقدرون على قدر امكانياتهم لكنها تظل غير قادرة على الوصول الى المعايير العالمية ...

اقسام الطوارئ ليست كلها مجهزة للتعامل مع حالات الاصابة

لا يوجد حد ادنى للامان مطبق على جميع السيارات

لهذا من المصيبة ان ناتي ونقول افتحوا السرعة في الطرق الطويلة !

انا بتكلم من تجربة شخصية لأن السيارة فقدت سيطرتها و بغيت اشمع بحاجز الكونكريت لكن ربك لطف وكان هذا وانا راكب سيارتي الريو

كانت المشكلة ببساطة انني كنت طول الوقت اسمع صوت غريب في جهة الكفرالامامي اليمين ومطنش السالفة كذا مشوار . ولمن كنت ماخذ لفة مخرج في الخط السريع "بسرعة 60 كم \ ساعة " واذا بي افقد السيطرة كليا على السيارة وربي ستر و قدرت اوقفها ومن فضل ربي انها وقفت على طرف الشارع بحيث محد يصدمها

شلناها بسطحة وبصعوبة لأن الكفرات ما كانت تستجيب مع المقود . وكان التشخيص انه كان فيه مسمار مفكوك ما كان يسوى ربطه دقيقتين على بعض وهو المسؤول عن ربط حركة الدركسون بالكفر و لأنه انفك فقدت السيارة القدرة على التحكم + دفع السيارة امامي فتخيل انه الكفر المفلوت هو المتحرك بالضبط !!

جزء كبير من الحوادث ممكن تلافيها بالصيانة و اتباع ارشادات السلامة سواءا كانت اوروبية او لا

صحيح انه في فرق بين السيارات الاوروبيه واليابانيه مو بذاك الفرق الي تتكلم عنه

سوق سيارتك باحترام مهما كن نوعها ولا تتهور وانشاء الله تبتعد عن الحوادث اما اذا بتدعس على طول بالطرق السريعه وربي لو عندك اقوى نظام امن بالعالم مراح يسويلك اي شي جدام السرعه الجنونيه

ثانيا ثلاث ارباع العالم عندهم تيوتا ونيسان بتفهمني انه ولا واحد سال عن الامان وبالنسبه انك تقول الحوادث كلها تويوتا ونيسان لانه هالشركتين من انجح السيارات بالعالم وانتشارها بشكل اكبر من باقي الشركات الاخرى فلذالك انشوفهم باغلب الحوادث

بشكل عام انا ما اتفق معاك

كلامك مش مدعم بتقرير او دليل؟ جيب لي دليل على انه تويوتا ونيسان احد اسباب الوفيات في الحوادث؟
هل يعني لو واحد يسوق تويوتا ومع القلب ووقف قلبه وهو يسوق وصدم وانقلب ومات معناته تويوتا احد اسباب الحوادث؟

كلامك مب معقول ....



ويكون في علمك حوادث الطرقات السرعه اقل بكثيييييييييييييير عن الحوادث اللي تحصل داخل المدن ..... ونفس الكلام عندنا في دول الخليج!
تجد كثير من الحوادث المميته تحصل في المدن بالمقارنه مع عددها في الطرقات الخارجيه ....

وبعدين شوف اسلوب قيادة الناس هناك (كلن محترم الثاني ومحد يسقط على الاخر)
عجل تفكر نفس الشعب عندنا (يجيك من بعد 4000 كيلو يفلش لك العالي وانت تسوق 160 وهو 200 ومايعطيك فرصه انك تفتح له الطريق وفي الاخير يطلع من كتف الطريق ويشطف لك!!!! وين الذوق والاخلاق في القياده ......)



مب صحيح .... لانه في عوامل كثيره تلعب دور ....
ولو الكامري رديئه في الامان كان ماتجد انها تباع في اسواق امريكا وخصوصا انه تحمل علامه ممتازه في فئتها في اختبارات التصادم والامان (مع العلم انه هالاختبارات تتم على سرعة 64 كم وليس 64 ميل)
وشيء اخر ....
الكامري موتر سعره رخيص في الوكاله واغلب اللي يشترونها هم شباب من سن الـ 18 الى الـ 30 سنه (اي اغلبهم للحين في سن الطيش والتهور) وليش يشترونها لانهم توهم في بداية حياتهم بوظائف بسيطه ودخل محدود مايقدر يشتري بنز ولا بي ام
اما الاوروبي اغلب اللي ياخذونها ناس كبار في السن ومرتاحين ماديا (تخيل رجل عمره اكثر من 30 سنه ويسوق بتهور؟؟؟ ماتجد) لذلك اغلب اللي يسوقون هالسيارات اعمارهم تعدت سن الطيش والتهور وتجدهم يقودون بهدوء واحترام وعقلانيه



وشهد شاهدا من اهلها .... الناس هنا ماتفهم انه للسرعه حدود وخصوصا داخل المدن ..... يعني حتى لو عندي BMW 2011 واسوق وسط المدن 220 (والسيارات الاخرى تسوق 120 .... فرق 100 كم) سرعة استجابة السائق نفسه ماتسمح له بالتصرف بسرعه لو تفاجا بشي امامه خصوصا انه على سرعة 220 تحتاج لمسافة توقف اكثر من 300 متر وهذي على سرعة 220 تقطعها في اقل من 5 ثواني؟؟؟؟

سؤال؟؟ هل لو عندك هالسياره وتسوق 220 واعطيك اختبار توقف مفاجئ هل تقدر توقف في اقل من 5 ثواني؟؟ مع العلم انه اغلب الحوادث تحصل في ثانيه!!!



ارجع واقول كلام غير صحيح والسبب الرئيسي للحوادث هو السرعه الجنونيه

لذلك انا اؤيــد "ساهر" والمرور الســري وبقوه
في الدائــري الجديد "الغربي" في الريـآض اشــوف فيه اغــرب انواع الحوادث العجيبه والغريبه
يعني سيــآره ترتطم بحاجز اسمنتي ارتفاعه متر ونص تقريباً وتقفز السياره لتهوي في جرف وادي عمقه اكثر من 50 متر !!
الغريب والمشكلــه ليست سيارات تويوتا ونيسان فقط
بل شفروليه كابريس وميركوري ماركيز
وغيرها من السيارات لتكون ابطال حوادث المميته والمخيفه

الحــل
مع الســرعه العاليه جداً +200 لاتستطيــع التحكم بالسياره بعد ارتطامها برصيف او فقدان اتزانها لآي سبب كان حتى لو كانت اوروبيه
لذلك ارى بآن يفعــل المرور الســري لآيقاف التهورات وتفريغ الشحنـآت في السياره بقيادتها بآعلى سرعه اضافه إلى سوء التقدير او المغامره بتهور !

لا والله وانا اخوك خصوصا بالمانيا السرعة مفتوحة بين المدن الا في مناطق محدودة جدا
من جدك يصنعون سيارات سرعتها 350 ويخلونها محدودة
وهذا الدليل بالصور طال عمرك
متعة القيادة بالمانيا وهولندا
http://travel.maktoob.com/vb/travel158383/