السلام عليكم ورحمة الله وبركاته ...
اسعد الله اوقاتكم بكل خير اخواني الكرام ....
اخواني لدي مشكله وارجو من الله اني القى حل عندكم باسرع وقت ممكن ...
مشكلتي الا وهي ...
يوم السبت الماضي .. كنت في طريق سريع وجاء واحد وصدمني من الخلف ..
مع الصدام الخلفي ..
جاء المرور وسوو تخطيط للحادث وطلع الخطا على اللي صدمني بنسبة 100 %
المهم .. رحت للمرور بنفس اليوم . عطوني ورقة تسعيره للمعارض .
رحت لثلاث معارض وسعرت الصدمه. كلهم قيموها بـ 3000 ريال ...
المهم يوم الاحد رحت للمرور ووديت لهم تسعيرة المعارض . قالوا لي تعال لنا بكره قلت ان شاءالله ...
جيتهم ثاني يوم .وقالوا لي صاحب السياره اللي صدمك تامين سيارته منتهي وراح يعطيك المبلغ من جيبه قلت زين على زين .. للعلم ( حتى انا تامين سيارتي منتهي )..
المهم .. طبعا اللي صدمني .. السياره اللي معه مهي سيارته سيارة ولد عمه ..
وولد عمه يشتغل بالمرور بقسم الحوادث .. ولهم قريب ثاني يشتغل بالمرور بقسم الحوادث ..
المهم رحت لقريبهم يوم الاثنين لانه هو اللي ماسك موضوع الحادث ..
وقلت له الله لا يهينك ابي المبلغ لاني بصلح السياره ..
قالي لحظه اكلم صاحب السياره اللي هو يشتغل بالمرور طبعا ..
كلم صاحب السياره وقاله عشر دقايق وارد عليكم ..
انتظره عشر دقايق ما رد ولا شيء خليت قريبه يتصل عليه ولما اتصل عليه طلع جواله مقفل
رحت ادوره بالمكتب لقيته طالع من الدوام ...
طبعا من يوم الاثنين الى يوم الاربعاء وانا على هالحال .. وصاحب السياره وقريبه اللي بالمرور
يسلكون لبعض .. ويقفلون جوالاتهم ويطلعون من الدوام بعد ما يوعدوني انهم يسددون لي المبلغ !!!!
وانا بصراحه مدري وش اسوي لاني كل ما رحت لهم يسوون معي نفس الحركه الوسخه
يا يقفلون جوالاتهم يا مايردون يا يطلعون من الدوام بدري عشان ما اقابلهم !!
انا قلت لواحد من اخوياي الموضوع ..قالي ارفع عليهم قضيه بالمحكمه وراح تكسبها ميه بالميه
.................
الخلاصه يا اخوني ...
وش تنصحوني اسوي مع الناس اللي كذ1 ..؟؟؟
يستغبوني ويلعبون علي ومواعيدهم مهي مواعيد رجال وفوق هذ1 يماطلون بالموضوع ...
...........
للمعلوميه .. اللي صدمني السياره مهي سيارته سيارت ولد عمه ..
وولد عمه هو اللي يشتغل بالمرور ..
وطبعا ولد عمه .. كافل اللي صدمني !!
_________________________
اقدر اوقف الكفيل او وش اسوي بالظبط ..
واذا بغيت ارفع قضيه بالمحكمه ويش الاجراءات اللي اسويها عشان القضيه ...
_________________________________________________
للعلم الثبوتيات والاوراق حقت الحادث كلها بالمرور وانا ما معي ولا ورقه تدل انه صادمني ..
وفوق هذا ما اعرف اسمه كامل .. اعرف اول اسم بس ..
...............
والحل يا اخواني ؟؟؟
