خخخخخخ خياراتك حلوة
وانت مثلي تماماً تماماً بذوقك للسيارات
انا يوم جتني الفرصة اني اشتري سيارة نفس هالخيارات تماماً حطيتها قدامي وكانت ميزانيتي قريبة من ميزانيّتك , لكن للأسف الفرصة تلاشت والله يعوض علينا :bigggrin:
المهم شوف , من رأيي انك متلخبط مثل ما كنت انا , ودك شئ فخم واجد وحق كشخة وبنفس الشئ ودك بشئ شبابي وعلى عمرك ويصلح حق انك تكشخ فيه مع اخوياك كذا , تقريباً فاهمك وواجهت هالمشكلة :bigggrin:
شوف اذا تبي نصيحتي , الأودي الـ A8 الجيل القديم او الجديد , كلها سيارات في غاية الفخامة والتقنية وسيارة ممتازة جداً , لكن مشكلتها ان موديلها راح يكون قديم شوي , ومشكلتها الاكبر انها مستعملة وما تدري ان الاستعمال نظيف ولالا الي كان يستعملها محافظ او لا بالاضافة صيانة السيارات الالمانية مكلفة فمن رأيي الشخصي تستبعدها بالرغم من انها سيارة فعلاً ممتازة
شوف , المرسيدس C عند واحد من اخوياء اخوي , وسبق وراحو فيها البحرين ومسكو فيها خط ( اخوي واخوياه ) , هذا الي معاه الـ C ( كان معاه موديل 2009 ) باعها بعد استعماله سبع شهور , ما كان فيها مشكلة , لكن السبب يقول ان الـ C ما احسها ترتقي لعائلة المرسيدس , لأن ابوه عنده مرسيدس S وايضاً هو بالسابق كان عنده لكزس LS430 , يقول تقنيتها عادية وما تحسها من السيارات الفخمة واجد وانت جالس فيها ما تحس انك جالس بمرسيدس مافيه راحة وثبات وعزم سيارات المرسيدس , وباعها وما كملت معاه سنه حتى , يقول ما ارتحت لها نهائياً واحس اني شريت سيارة امريكية مو سيارة المانية وبالذات مرسيدس لأن سيارات مرسيدس طبعاً ثباتها وعزلها وراحتها الداخلية افضل من السيارات الأمريكية :)
بالنسبة للموستينق والتشالنجر , والله سيارات ممتازة وخصوصاً الموستينق الي اخترتها V8 وكشف سيارة ممتازة جداً , لكن مشكلة السيارات الكوبيه انها ماهي عمليه واجد واقصد بكلامي انك ما تقدر تشيل افراد كثيرين معك بالاضافة انك ما تقدر تمسك خطوط مع اخوياك اذا بغيت , اذا ما همك الموضوع من هالناحية اشوفها سيارة ممتازة :)
عندك التشارجر , اشوفها سيارة ممتازة جداً جداً جداً , سيارة بشكل رياضي وقوية وممتازة جداً , السيارة تحس ان يصلح تكون رياضية وبنفس الوقت رسميه والكبيرين بالعمر دائماً يشترونها وتحس فيها روح من الثنتين ( رسمية - رياضية ) اشوفها سيارة ممتازة جداً وانصحك فيها بالدرجة الأولى
اقتراحاتي لك , اذا قررت على سيارة رياضية وبابين انصحك بالموستينق الي كتبتها كشف V8 , واذا قررت على سيارة اربع ابواب فأنصحك بالمرسيدس C او بالتشارجر بالرغم من اني علمتك تجربه شخص مع المرسيدس C :)
بالتوفيق
الله يعطيك الف عافيه على الرد ،،
يعجبني الي فاهمني ههههههههه :tongue:
والله الصراحه لقيت اودي اي8 نظيف واعرف ناس في الامارات بيروحون يشوفونها فاذا كانت مكتوبه لي الحمد لله ...
واذا ما نفعت بفكر بسياره ثانيه ..
بالنسبه للتشارجر،انا رحت للوكاله قبل فتره ،، والصراحه السياره دخلت مزاجي راحه ووسيعه و تقنيه و و ..
لكن السياره ماهي موجوده في الوكاله مخلصه ويبيلي انتظر بحدود 3 اشهر !!:c0038:
ع العموم ما قصرت .،
واذا فيه اقتراحات ثانيه غير الي كاتبها انا وتكون السياره جديده اكون من الشاكرين ...:bigggrin:
