ماهو افضل سفاري ( 91 ) او لاند كروزر ( 91 ) و مشكورين مقدما

ما اقدر اعبر عن شكري لكم

اشكر لكم تعاونكم و الله يجزيكم خير

بارك الله فيكم

ولا تنسى انه حتى الكروزر الـ 91 يشرب بنزين .....

اذا الميزانيه عندك حدها 25 الف انصحك اتشوف سفاري نظيف لانه الكفه ترجح له والسبب انه المحرك قوي عكس الكروزر الـ 91 محرك ضعيف وايضا يشرب بنزين!

واذا تبغي سياره دفع رباعي وماتستهلك بنزين بهذا السعر ممكن تشوف لك سزوكي فيتارا موديلات 2001 او 2002 اللي تجي 4 ابواب بمحرك 2000 سي سي

حجمها معقول (تتسع لـ 5 اشخاص) وقوه معقوله واستهلاك معقول ...... بس عيبها قطع الغيار غالي (الاصلي) لكن التقليد متوفر ورخيص (وانا ما انصح به بتاتا)

او باثفايندر موديل 1999 او 2000 ويجي بمحرك 3300 سي سي بقوة 170 حصان وعزم عالي (تقريبا 220 باوند في القدم)
او تويوتا برادو موديل 97 او 98 وهو معروف بانه اقتصادي جدا في البنزين

طبعا النباترول ...
وذلك للاسباب التالية :

اولا :( وهو من اهم الاسباب ) مثلما تفضل الاخوان
قوة المحرك : اللاندكروزر لين موديل 92 محركها ضعيف جدا ً ( محركها بسعة 4200 CC ) ... ولذلك الباترول افضل بكثير من ناحية القوة .


اما السبب الاخر :
هو الشكل ( الباترول ) وبالتحديد الشكل القديم شكلها مازال شبابي .. ومازال مطلوب كثير في السوق

هذا بالاضافة الى امكانية التعديل على المحرك ( وسهولة القيام بذلك ) بالاضافة الى التعديلات الخارجية ,,, وسهولة القيام بذلك ...

انا بصراحة افضل الباترول ,,, اما لو كان اللاندكروزر موديل 93 ( الكلام راح يختلف ) لان محركها اصبح اكثر قوة ( بسعة 4500 CC ) ... واصبح اقوى من محرك الباترول ,,,,

تحياتي

سفاري وانت مغمض

مشكورين ما قصرتوا

بارك الله فيكم

و جعله في موازين حسناتكم

سفـــــــاري

اي صحيح ... نسيت هالنقطه :bigggrin:

السيارتين ترى تشرب بنزين بشكل مجنون بس المشكله هذي انحلت مع الكروز في موديلات 94 وطالع
اما النيسان فتم حلها في موديلات 2002 وطالع

شكرا لك على ابداء رأيك

مشكور ما قصرت كفيت و وفيت

سؤال لو سمحت : هل السفاري يشرب بنزين واجد

سقت الباترول 91 وسقت الكروز91 وكلها محركاتها نظيفه
فرق السما والارض الكروز جدا ضعيف ومكينة تحن
لكن متماسك شوي خوصا الابواب
والباترول عزمه معقول ويجيب 200 اذا كان الكلبليتر صافي وومقاعدة اريح وافخم مخمل
والمواصفات كل السياراتين
مافيها مواصفات مكينة وقير وثلاجة وبسسسس

السفاري افضل ....
المميزات:
1- عزم عالي ومحرك قوي
2- وزن خفيف (يساعد كثير في الطلعات القويه والطعوس والرمال)
3- الداخليه احلى (اذا كان نظيف)
4- تلقى منه بدف لوك

عيوبه:
1- الديكورات الداخليه تطلع اصوات خصوصا الباب الخلفي (بس مش بشكل مزعج كثير)
2- صعوبة تشغيل المحرك اذا كانت درجة حرارة الجو اقل من 15 (في الشتاء)


ميزات الكروزر:
1- مافيه اصوات في الديكور (عكس النيسان)
2- قطع غيار متوفره اكثر (النيسان متوفر ايضا بس الكروزر اكثر بكثير)
3- اوسع واكثر رحابة من الداخل (بس تظل داخلية النيسان احلى)

عيوبه:
1- محرك ضعيف جدا (موديلات 90 , 91 , 92 , 93)
2- صوت المحرك مزعج (الموديل هذا يسمى في ابو حنه)
3- مايجي دف لوك
4- يتعبك كثير في الرمال والطلعات لانه محرك ضعيف ووزن ثقيل (اثقل من السفاري)



لو انا بختار السفاري بكل بساطه

اللاندكروز أجمل في الشكل الخارجي أما المواصفات فلا علم لي بها