البنزين المناسب لـــ سيارتك

بيض الله وجهك يشيخ لو فيه اثنين منك بس كان وصلنا للقمر وتسحرنا هناك << d
شريت اللي الصغير حق المكيف الصحراوي وطلع لفه كامله بعشرة ريال ،، يابلاش..

ومع سوء الحظ انحرق شاحن جهازي وبطريته على وشكـ << وداعاً سانقطع عنكم فترة :xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave::xyxwave: طفى طفى طفى ههههههههه

هذا الرابط

http://www.hondaarabia.com/club/t33309/

الله يعطيك العافيه بس ما تلاحظ ان عزل الهواء للسيارة مو كفو انا شفت موضوع عن لي المويه الصغير الي يركبونه بالجلد بس ما لقيته بقوقل ممكن يكون الموضوع عندك لاني شفت لك مشاركه او ممكن مشبه .. شوفه لي واذا لقيته ارسل الرابط او نزله .. سلام

ههههههههههههههههههههه

لا نكبته ولا شيء كل اللي سويته عطيته الفلتر وقلت له غيره عاد هو وخبرته ههههههههه
هذا وهو فاك غطاء التانكي بعد اجل لو ما فكه وش بيصير فيه.

موضوع الكشافات انصحك تروح لكهربائي ممتاز بعد شراء الكشافات والاسلاك والكتاوت والفاصل
ويكون كهربها مستقل تماماً عن كهرب السيارة يضع لك فاصل للكشافات في الطبلون في المكان اللي تحدده له هذا افضل واضمن لكهرب سيارتك علشان الكمبيوتر
والظفيرة ما يلعب فيها.

النترا 2011 ( الشكل القديم )

حسب الكتالوج ، البنزين الموصى به هو 91

:)

ههههههههههههههههههههههههههه اخص عليك نكبت الفليبني
هههههههههههههههههههههههههههههههههههههه
ذكرتي يوم كنت افك الردير كان وقتها اجرب السياره بالقراش توني مركب مكيف من التشليح للكرولا وشغلتها فترة الظهريه وما دريت الى الحرارة اتشش وعلى طول من هبالتي رحت افك غطا الرديتر والله لا يوريك نافوره الملك فهد طلعت بوجهي لكن الحمد لله نجاني الله منها لاني بعيد شوي لكن ملابسي ماسلمت ..

واخصرك من صاحب الموضوع تراه منقول ههههههههههههههههههههههه

بس ودي تفيدني عمرك ركبت كشافات على كابريس ls هل تجي الاسلاك جاهزه ولا لازم تاخذ اسلاك وحوسه اتمنى تفيدني اذا لك تجربه ..

لا الحمد لله ما صار شيء
السالفة شريت فلتر بنزين وعطيته العامل وقلت غيره لي وانا معه
الرجال ما يعرف وعجز يفكه وجاب زرادية وحاول والله ستر طبعاً هذا عامل فلبيني
واشواء صارحني وقال انا ما اعرف افكه ورحت لورشة ثانية ونفس السالفة ما عرف يفكه
وقال لي في مركز كبير فيه فلبيني ممتاز فعلاً رحت له ورفع السيارة بالرافعه
وقبلها فك غطاء البنزين علشان يطلع الهواء من التانكي انا قلت هذا واضح انه فاهم شغلته
وبعد رفع السيارة مسك لي البنزين اللي في الفلتر وكبس عليه وفكه وياساتر انكب البنزين على وجهه من قوة ضغط الهواء اللي في الليات وتقول لي انا بغيرها بنفسي اقول لا تفكر
تراك بتتروش بنزين
هذا وهو مسرع وبعد سوى كذا اجل لو ما وخر وش يصير فيه
وبعدها فك اللي الثاني بنفس الطريقة
كنت متفق معه على 30 ريال اجرته ولكن بعد ما شفت خطروة الامر عليه خليتها 50 ريال يستاهل .

موضوع لمبة الفلشر اللي في الرفرف هذي ايضاً كبس وتفكها من آحدى جوانبها
واذا ما عرفت روح اي محل زينه يفكها لك.

والسموحه من صاحب الموضوع على مداخلتنا خارج الموضوع

الليات عدمت عندك ؟ وش رايك انا باركبها بالبيت وفهمت من كلامك مايحتاج مفاتح مجرد فك ليات الكبس وسحبها يعني الشغله بسيطه ( كبسات مضغوطه ) باللحم طبعا <:bigggrin:

سوال خارجي الفلشر الي راكب بالباب كيف افكه من عند الكفر ولا كبس ولا وش قصته << ماعندي فتحه مثل 2006

صاحب الموضوع المعذرة ع الشطحات صار دردشه :bigggrin:

انتبه ترى تغيير فلتر البنزين يكون يدوياً من دون اي اداة يكون بالضغط باليد على مشقبيات ليات الفلتر ويسحب فقط
لا يجي احد ويعدم على الليات وتضطر لشراء ليات كامله وقيمتها غاليه.

موفق اخوي

ما عمري غيرتها ان شاء الله بعد اسبوع انزل جده واخذ كل ما تحتاج السيارة << انصح الناس بتغيرها وانا اخر واحد يغيرها :bigggrin:

كل اشغالي اقضيها بالكابرس 91 عشان كذا ما اهتم للثاني ...



وان شاء الله انظف الثروتل في اقرب فرصه ..

هههههههههههههههه

لا تخاف كلها بنزين وسيارتك تقبل الأثنين يعني ما عندك اي مشاكل ابد


اما موضوع الهزة اول تشغيل السيارة فنظف الثروتل وحساس الهواء تختفي ان شاء الله
وكم لك ما غيرت فلتر(| صفاية) البنزين.

يا بو سعود واضح انك بتنكبني بالكوكتيل بس تتحمل الاضرار اذا صار فيها شيء :bigggrin:

لي كم لفه على منتدى اس اس والاراء مضطربه وبعضهم جاته مشاكل ..

لكن ما علينا با اجرب وارد لك بس لحضه احيانا عند تشغيل السياره تبدا بعد ثواني تهز مع المكينه وادوس بنزين وتروح الهزه << اكيد مرت عليكـ صح ؟

هلا اخوي
بصراحة لاحظت ان البنزين الاخضر91 يخلص بسرعة والعزم لك عليه
ولكن عقب الكوكتيل تحسن في العزم والصرفية
فأنت طالما سيارتك تقبل الاثنين جرب اذا صار البنزين في التانكي على الربع عبي ب10 ريال 95 وبعد فتره اذا وصل على الربع عبي ب10 ريال 91 وعلى هذه الحالة تسوي احلى كوكتيل
وخلي بنزين 91 و95 يسلمون على بعض جوا التانكي ههههههههههه
والاكتين الاعلى يندمج مع الاكتين الاقل هههههههههههه
واللي يخاف او يأكل تشكن برجر لا يسويها .
ههههههههه

موفق اخوي

عبدالعزيز مساك الله بالخير ودي تذكر لي الفرق بينهم يعني لاحظت شيء غير العزم اقصد منو الي يخلص اسرع الاخضر ام الاحمر ..

الكابريس واللومينا من 2000 الى 2006 تقبل الاثنين معلومه متأكد منها 100%

معلومه مأخذها من موقع ارامكو ومن كذا منتدى

وخذها قاعده السيارة اللي يوصى لها 91 هي تقبل ال95
والسيارة اللي يوصى لها ب95 فقط فهي لا يوصى لها ب91

يالاخو تراك غلطان الكابرس واللومينا من 2000 الى 2006 يوصى بالاخضر 91وليس ما ذكرت

طيب احد يفيدني

لاندكروزر 2006

مشكور اخوي والله يعطيك العافيه
بالنسبة للكابريس واللومينا من موديل 2000 وفوق
يقبل الأثنين 91 و 95

بالتوفيق