صيانة الوعلان

سيارتك جديدة 10 ألاف ك.م فقط وصيانة بـ 600 ريال !!

أجل إذا مشت 50 ألف كم بيأخذون ؟!

حسبنا الله ونعم الوكيل

--------------------------------------------

زيت مع الفلتر مع التشييك على السوائل الأخرى لدى خدمة الوعلان السريعة ما تكلف 120 ريال

أبي أفهم شغله وحده بس

480 ريال زيادة حقت أيش هذى يا وعلان ؟!

قياس هواء الإطارات مثلا ً !

انا سيارتيكيا (موهافي) 6 سلندر
صيانة 5000 كم مجانا اما الصيانة 10000 كم كلفت 240 ريال

اما صيانة 40 الف كم كلفت 800 ريال

إذا تبي تغير الزيت فقط فترى عندهم فروع في محطات الدريس وتغير الزيت وأنت واقف ومن الوكالة وحتى عندهم تشييكات وأنا مستمر على تغيير الزيت معهم فقط من أكثر من 6 سنوات.

وبالنسبة للصيانة فعندي تجربه مريرة معهم

http://www.assayyarat.com/forums/post2635346-11.html

ياالله والله مرا واجد وش مسويين حتى 600 وعليها ... عطنا الفلم وانا اخوك

600 اوب اوب وييييين عايشين انا سيارتي قولف جي تي اي 2011 ماتكلف كذا هذي وهي

المانيه (انا اتكلم عن صيانة ال15الف)

625 ريال حق صيانه 10 الاف

الله لايوفقهم

والله لو انك مسوي صيانه لجاكور

الله يهديك ياخي لا عاد تسوي لسيارتك صيانه في الوكالة الا اذا كان عندك مشكلة تحتاج الرجوع للوكاله عشان الضمان

غير كذا اعمل صيانه لسيارتك عند احد ورش بترومين

وخذ من عندهم فواتير واحتفظ فيها عشان لو صار بعدين مشكلة لاسمح الله وقالوا انك ماتغير زيت السيارة تكون الفواتير معك اثبات

والتغيير برى الوكالة ما يكلف اكثر من 100 ريال بالكثير زيت وفلتر وتشييك سريع
واكثر من كذا تعتبر سرقه !!!

و500 ريال تمشى فيها انت وعائلتك

سويت الصيانه اليوم الحمد لله خلاص

بس سويتها فوق ال600 ريال

الظاهر 625 ريال او 615 ريال

مدري متى تفتح بس اكيد الساعة 8 صباح
يغيرون الزيت والفلتر وينظفون فلتر الهواء ويشيكون على زيت الفرامل وموية الرديتر
ويعبون موية المساحات ويقيسون هواء الكفرات ....
بس هذا الي شيكت عليه في وكالة الناغي مدري الوعلان وش يسوون بس اعتقد نفس الشيء
... ان شاء الله افدتك وبالتوفيق...

ماعندي خلفيه لكن اتوقع زيت + سيفون + فلتر + تشييك عام ع السياره
واتمنى باقي الشباب يفيدونك لاني من اصحاب الافالون ....:smile: