للأهمية .... من عنده فكره عن عروض رمضان في التوكيلات العالمية

الاكيد انهم عشموووونا على مااافيش

حسبي الله ونعم الوكيل

هذي عاداتهم
لكن المشكلة انهم صاروا يتفقون علينا

نفس ما قال الأخ هذا العرض لأنه مافي سيارات عشان يسوون عرض رمضان دفعة 13 رمضان كلها محجوزة بس كاسرهم في السعر

كلنا بانتظار العروض الحقيقية

هناك سحب على كوبونات ممشتريات من 1000 إلى 5000 ريال:a1120(82):

يعنى مافى امل على عروض رمضااان

كم وصلت الاسعار حاليا
خصوصا اليوكن بدون دبل
وماهي الالوان المتوفره ؟؟

ماقصر أخونا الكينج :ch19:
تغطية قوية ومصورة لاسعار شيفروليه + فورد + لينكون مع عروض رمضان !!! حصري
على ها الربط : http://www.assayyarat.com/forums/thread244704.html

يا شباب ألي بيشتري يشتري ألحين في مواضيع سابقه ذكرت أن التاهو lt بدون دبل 2011 باعها بالبيد 124 ألف طبعا المبلغ ما كان متوفر والكلام هذا أول السنه
أنتظرت ألين شهر 7 وسألت بالبيد قالي ب 128500 ولا رضى ينزل ريال طبعا التوكيلات ب127500طبعا خفت أستنى رمضان وترتفع الأسعار طبعا قررت أبيع سيارتي من نوع فورد أطلق واحد دفع 18000 ألف عليها ووقفته في معرض عن طريق واحد وحديته ب25000 وأنباع ب 22000ألف عرفت وقتها أن السيارات في أرتفاع حتى المستعمل أرتفع في أمريكا بعد . أخذت التاهو من الجميح بضمان 5سنوات 125000ريال بعدها بأسبوع زاد 1500 ألحين وصلت الزياده 3000 وكل الأسعار في أرتفاع والعروض أكثرها في الربع الأخير من السنه الميلاديه يعني شهر 9 وطبعا العام الماضي 2010 في أخر السنه وصل 120000 وألي بيشتري يشتري أحسن له لأن كل شيء في إرتفاع.

في فرع الدمام في دفعة بتوصل 13 رمضان ودفعة في 21 رمضان :ch19:

مرحبا....انا في الشرقية لكن ما تفرق...التوكيلات ممكن يشحنوها للفرع اللي بتشتري منه السيارة

السعر مثل ما ذكرت هو 179 ألف قبل خصم شهر رمضان وانا لسه ما رحت للوكالة عشان اعرف السعر النهائي

ممكن تتواصل معي على الجوال عشان انا ألغي الحجز و انا في نفس الوقت تنسق مع موظف المبيعات من جهتك عشان يحجز السيارة طوالي...برسل لك رقمي على الخاص

يا شباب...انا غيرت رأيي و نويت ألغي حجز التاهو LTZ اللؤلؤي اللي كنت ناوي اشتريه من التوكيلات والسبب هو حجم السيارة...انا متعود على سيارات صغيرة و ما ودي فجأة اشتري تاهو ضخم...كنت في الحقيقة ادور عن اكسبلورر و لسه ما لقيت لي مستخدم نظيف و يمكن انتظر موديل 2011 ينزل.

التاهو غير متوفر بهذي المواصفات واللي حاب انسق وياه قبل لا اكنسل الحجز يعطيني خبر

يا جماعة الي قاعد يصير قمة السخافة ..
الله الشاهد اني ما ازود في كلامي ولا ابالغ لاني صار لي اكثر من شهر صابر انتظر عرض رمضان ويا للاسف ؟؟؟؟

قبل رمضان سمت السيارة تاهو بدون دبل مع كاميرا بقيمة 127000 الف .. وقالت للموظف في عروض برمضان قال تقدر تنتظروتشوف ان شاء الله فيه ..
قلت خليني انتظر لعل الله ينفعني بخصم كم ريال بالخصوص اني بالموت قدرت اجمع المبلغ ..

صرت اتنقل بين التوكيلات والجميح بالدمام ومن هنا واهناك كل واحد يعطي سعر ...
قبل رمضان بيومين نزل اعلان لشركة GMC في كل الصحف السعودية وعلى مدى كم يوم واهو ينزل هالاعلان قلت اسبق الهوا وألحق على سيارة لا تفوتك ...
رحت الجميح قالوا لي بعد ما تبين شي !!!
رحت التوكيلات ونفس الكلام ؟؟
وثاني يوم من الاعلانات في الجرايد قبل رمضان بيوم قلت يالله اسرع قبل ما تروح العروض ..
ونفس الشي لا عرض ولا هم يحزنون .

المشكلة :

أمس ( ثاني رمضان ) رحت للجميع قالي يا الحبيب السعر 130000 الف ريال يعني زود 3000 آلاف !!!!!!!

قلت له ياخوي انت تمزح ولا تتمسخر كيف هالسعر وين العروض الرمضانية الذهبية !!

قالي يا اخي قلنا لك من قبل مافي عروض ولا شي التعرفة الجمركية زادت !!!

شديت الرحال وسابقت الريح الى التوكيلات العالمية لعلي اشوف العرض الحقيقي ..

ونفس الكلام يالربع الاسعار بدل ما تنقص زادت ؟؟
كيف هالكلام وين وزارة التجارة من هالاسلوب الحقير والنصب واللعب على عقول الناس ؟؟؟

يقولون جيوب تيويتا لاند الكروزر نزل في سعرها 25 الف
وشي طبيعي ان نزل في سعرها الامريكي راح يخفض لكن المشكله العالم كبو علي الجنرال وسحبو كل التاهو واليوكون بس وهذا يعطيهم مبرر في عدم طرح العروض ممكن هديه بسيطه لان سيارتهم بتمشي ياهيك ياهيك

انا اليوم رحت التوكيلات في الدمام ودفعت ألفين مقدم لتاهو ال تي بدون دبل دهبي سعره 127800ريال بواسطة جارنا استشاري مبيعات شغال عندهم وما بتوصل إلا في 21 رمضان ( في الباخرة ) وما عندهم ولا سيارة في المستودع كل مبيوع ، في دفعة بتوصل في 13 رمضان كل محجوز واللون الأسود واللؤلؤي مافيه .. ولا في عروض رمضانية ولا شيئ والناس زحمة . ويقول احتمال في هدية ؟؟؟ بس:confused1::confused1::confused1::confused1:

ههههههههه الصيام مأثر عليك
حتى انا انفجعت لاني دافع 126500 لتاهو ال تي من التوكيلات ومستحيل ينزل 17 الف
ههههههههههه كنت ناوي اروح اتضارب معهم
اتصلو فيني البارح وقالو تعال استلم سيارتك جاهزة واليوم بروح استلمها وان شاء الله
احصل على عروض رمضان حتى لو تخفيض على الاكسسورات او اي شي