موب معقول يا وكالة هونداي الوعلان مواعيد شهر الصيانه

انا عندي سوناتا ولا مره سويت لها صيانه اروح الصناعيه افضل

صدمت بالسياره 5 مرات ماكلفتني كلها 7000

والحادث الاول وديتها الوكاله قالوا 4000

سويتها ب 1200 في الورشه

ليش ما تروح الناغي اعرف ناس يمدحونه

انا معي سوناتا 2011 الدفعه الاخيره خليجيه

فل كامل لا اصوات بالديكور

واي وكاله ابي ادخلها صيانه اختار الي ابي :)

وانا حاط براسي الناغي

وراسيه بالخط امشي 210 وربي كني امشي 130

شف وأنا أخوك إذا هذي مشكلتك فأتوقع لها حل بإذن

والسوناتا سيارة عملية وحلوة من خلال تجربة أكثر من ست سنوات

لكن مشكلتها في الوعلان مع الأسف وصيانة طريق مكة خريص اللي تحت كبري الخليج

أنواع النصب

قبل أربع سنوات دخلت بالسوناتا للبر وغرزت وشديت عليها لأني طحت في رمل ولا فيه أحد يساعدني
المهم رحت للوكالة لأنه طلع فيها صوت صرصرة من ورا وأخذوا مني ألفين ريال بدون ما يصلحون الخراب ويقولون تصليح خرابك هذا بكلف كثير
أخذتها وديتها لورشة في صناعية الشفا وصلحها بخمسمية ريال بس

وقبل سنة لعبت بنفسي في منظم الهوا وصارت السيارة تنتع بشكل قوي والفرامل ما تمسك وعداد الدوران صار يلعب
ومع الأسف وديتها للصيانة وتدري أنهم قالوا لي تصليحها ب 13 ألف ريال على الأقل.. يقولون السيارة تحتاج توظيب كامل وأروح لمديرهم السوري ويكلمني كنه يصرف علي
وأدفع 400 ريال حقت الفحص وأودي سيارتي لورشة في الصناعية القديمة عند واحد ذيبان سوري أسمه مازن وصار كل السالفة في الكمبيوتر وصلحتها وظبط الموتر ما شاء الله.
ويشهد علي ربي في اللي أقوله
لذلك وأنا أخوك لا تودي سيارتك للوكالة إلا لتغيير الزيت فقط أما الباقي فما هم كفو له.

وكالة الوعلان الي بالرياض
فرع الصيانة الرئيسي الي عند جسر الخليج
يخربون السيارة بدل مايصلحونها
كان عندي مشكلة بسيطه بالقير وهو تلف حساس دعسه الفرامل
طلعوا السيارة ومخربين كهرباء القير بل اتلفوه
شي يجنن صيانه اسوء من السيء

يبدو ان وكلاء هونداي شبعو وفسقو

وهذي بدايه النهايه لهونداي بالسعوديه

والله كل الوكالات كذا التجار ماحد يقول لهم شي

والله مدري عنهم بس علي في الوعلان الفاشل بقوة

اخوي والله لو يرجع الزمان شهر ونص مشريتها وربي يشهد سوناتا فاشله فاشله فاشله

من جد حتى المجدوعي الي بلاحساء معاملة خايسه واذ جيت تسال عن شي كلمك من طرف خشمه وكانه هو الي دافع الفلوس موانت كنت افكر بلازير بس يوم شفت معاملة الوكيل صرفت النظر على طول مع انه المعاملة والخدمة قبل لا ماترتفع مبيعات السوناتا كانت اوك لكن سبحان الي يغير ولاتغير !!!!!!!!!!

اخوي مشكلة الصوت بسيطة وهي في الطبلون وسبق شرحت في احد المواضيع حلها بالصور

احسن وكيل هيونداي هو جمعة الماجد . مافيه احسن منه

الحمدالله اشترينا من عنده 3 سيارات هيونداي

مرة جالوبر و مرة سوناتا 99 و اخيرا توسان 2010