السلام عليكم ورحمة الله وبركاته ،،،
قبل يومين السيارة رفضت تشتغل الصباح ، واللي صار إني أدق سلف وأسمع صوت تك تك تك من السلف بس السيارة ما تشتغل ، مع انه الأنوار والبوري كلها شغاله !
تركتها يوم كامل واقفة .. وجيت شغلتها وإشتغلت الحمدلله ، بس حسيت إن التشغيل تأخر لما دقيت السلف ( يعني اذا كان الطبيعي انك أول ما تدق سلف على طول السيارة تشتغل ، أما هنا فيمكن إحتاجت إني أبقى معلق على السلف لفترة ثانية أو ثانيتين لتشتغل السيارة ) .
وللآن الحالة على نفس الشي .. تأخير بسيط جدا لكنه لم يكن موجود في التشغيل عند دقة السلف للتشغيل .
وتوقعت ان بطارية السيارة تعبانه وتحتاج تغيير !
علما أني مغيرها قبل 12 شهر بالتحديد ، واالسيارة إنفوي 2005 .
الملاحظة التي لفتت انتباهي إني كل ما أشغل السيارة فإن ساعة السيارة ( ساعة الراديو ) تفقد برمجتها !
وهذا اللي شككني في الموضوع وخفت ان المشكلة أكبر من ضعف بطارية !
علما أني شيكت على كيابل البطارية وكلها راكبة زين ولا مرتخية ولا شي .
علما أيضا اني غسلت السيارة قبل بداية المشكلة بيومين ( غسيل عادي بدون مكينة ) لكنهم رشو لي ملمع للطبلون ولمعو كل الطبلون والدركسون .. فهل ممكن هذا الشيء يكون أثر مثلا ؟؟
رأيكم دام فضلكم ؟ هل المشكلة ضعف بطارية ؟ أم غير ذلك ؟ اتمنى الإفادة من واقع معرفتكم وخبراتكم