مشكله صرفيه بنزين لقراند ماركيز 2008

حتى تعم الفايده ، نكمل الموضوع

طبعا قبل ما ادخل السياره من الوكاله كنت معبي بنزين فل و لما طلعتها يدوب مشتني 300 كم ، لما طبقت الكلام اللي في كتيب السياره و اللي ذكرته لكم في السابق ، عبيت السياره فل مره ثانيه و مشتني 430 كم و باقي شويه حتى أعبي فل مره ثانيه و صرفيه البنزين ( average fuel) وصلت 14.6 و أداء الماكينه ثابت و ممتاز


ياليت الإداره يثبتون الموضوع للفائده

^^^^^^^
احذر منهم هذولا اللي عندهم كمبيوتر شخصي بعضهم عنده برمجة خاصة به وبعضهم اصحاب تعديل يعني بيلعب ببرمجة سيارتك
يعني يلغي برمجة المصنع ويحط برمجته وبعض المبرمجين يضع رقم سري على كمبيوتر سيارتك يعني دوره اذا احتجته وكذا بتكون تحت رحمته او عليك تغير الكمبيوتر

نسيت أقول لكم سالفتي مع الورشه اللي بالصناعيه ، الورشه ذي كانت متخصصه بالفورد و كان فيها معلم فلبيني و كنت اتردد عليها من قبل سنتين او 3 سنين و حقيقه هذا الميكانيكي الفلبيني أمين وتعامله رائع جدا يعني ما يغش ابد و فادني أكثر من الوكاله يعني مره جبت له تسعيره إصلاح من الوكاله لسيارتي السابقه تكلف بحدود 6 الاف قام فحص السياره و قال لي هالقطع اللي طالبينها مالها داعي لان الموجود أصلا نص عمر و بعضها يتصلح و ماله داعي تغيرها .

المهم هالمره لما مريت هالورشه لقيت المعلم تغير و جاء واحد شامي و يبدو إن صاحب الورشه تغير أو جاب له شريك و حقيقه ما ودي أطعن بهالشامي لكن قال لي إن الدعسه تحتاج برمجه قلت له وين أبرمجها في ورشه كبيره يعني عندها جهاز قال لا نعرف واحد عنده كمبيوترات شخصيه و هو يقدر يبرمج لك اياها . طيب كم تكلف البرمجه يا لحبيب قال لي 350 ريال !

طيب بالله وش هاللي عنده كمبيوترات شخصيه و يبرمج كمبيوتر السياره ، طبعا أنا ما أطعن بالرجال بس لو قال لي رح لورشه سهم او رح لورشه الملحم ممكن بس واحد ماهو معروف و عنده كمبيوترات .

الله يعز هالانترنت سهل علينا التواصل و أخذ الخبرات من الآخرين ، للفايده حبيت أذكر هالقصه

الثروتل عندك الكتروني واكيد آحدى العمال فتح الثروتل بيده والمفروض يفتحه عبر دواسة البنزين ومع الوقت يضبط من نفسه خلال اسبوع او اعادة البرمجة كحل اخير
موفق اخوي

اشوفكم قلبتوها فول و قلابه ناقص كبده حاشي :smile:

اخوي عبدالعزيز الطريقه مذكوره في كتيب السياره و فيه ناس طبقوها في منتدى فورد وما ادري مسموح أحط رابط منتدىفورد أو لا ؟

مركز جوانا أنت تقصد انه مافي أمل تنضبط ؟ ياليت توضح

عل العموم اليوم كنت رايح للخبر وقفت السياره و طبقت الطريقه اللي لاحظته إن fuel averege نقص من 18.4 إلى 16.8 و كأن إستهلاك البنزين تحسن ( يبي لي يومين ثلاثه حتى تتضح الصوره ) هل المسافه كافيه او لأن السرعه ما كانت ثابته و لكني ما تجاوزت 100

لكن الريس يرتفع بقوه شوي إذا شغلت السياره في البدايه و ينزل بعد ثواني خاصه اذا السياره بارده و هذي يظهر لي ماكانت موجوده قبل لا ادخل السياره للصيانه و أيضا كأن المكينه قويه عن ماكانت قبل و هم يبدو لي نظفو الثروتل .

بالنسبه للطفيه هي طفت مرتين بعد ما طلعتها من الصيانه و بعدها صارت ما تطفي ،
على كل حال الظاهر لازم أمشي مسافه أطول و بسرعه ثابته يمكن تنزل صرفيه البنزين تحت 10 .


راح أوافيكم بالنتيجه لاحقا

و شكرا على مداخلاتكم

انا ما كذبت الرجال في اللي ذكره ولكن هذه الطريقة اللي ذكرها اشبه بطقوس ساحر افريقي حتى لو جت من كتيب او وكيل السيارة والظاهر المسئول عن وضع هذه البرمجة
من اصول افريقيه هههههههههههه

اي نعم حبيبي عبدالعزيز ماقول ان طريقتك مو صحيحه او انها غير فعاله
بس الطريقه الي ذكرها اخونا بارك الله فيه وفيكم جميع منقوله من كتيب الصيانه الاوليه لملاك فورد
هههه اما قولتك تقطع رزقنا ماتسويها ولا يجي منك الا كل طيب ياطيب
والفول يمدحونه كله بروتين

طريقتي هذي جربوها اكثر الشباب وعلى سيارات مختلفه من ضمنها الكابريس واللومينا
والماركيز وعندي تجربة لواحد سواها لجراند ماركيز 2006 وضبطت معه والجموس وغيره
والظاهر انك خايف اقطع رزق ورشتكم بالنسبة لاعادة البرمجة وطول ما انت تأكل فول فأنت محتاج
اعادة برمجة

شكلك بتتصفق (مركز جوانا) <<<<<< :ch19: امزح
ــــــــــــــــــــــــــــــــــــــــــــ

إذا غيرت البواجي بالصيانة الأخيرة ، تأكد من فحص الكويلات بالكمبيوتر ،، لأني احس انك بديت تدخل بداومه الصناعية والورش

واعتقد طفيه السيارة بتكون من الكويلات ،

،، جربت الطريقة اللي شرحتها لنا ؟؟
بإلاإإإإنتظار

لا لا ابو سعود هاذي طريقه صحيحه ومن كتيب السياره من المصنع فورد
وكل موديل بعد يجي له طريقه مختلفه
انت الي قديم وطريقتك ماتعمم على جميع السيارات

^^^^^^^^^^^^^^
(هذي اعادة برمجة والا طقوس ساحر افريقي هههههههههههه)



يأخي اعادة البرمجة كالتالي:
1- فصل اصبع البطارية الموجب 30 دقيقة0
2-تركب اصبع البطارية وتشده0
3-تضع المفتاح في السوتش على وضعيه الon فقط اضاءة لمبات الطبلون (من دون تشغيل) لمدة دقيقتين وبعدها تكون جاهزة ان شاء الله 0

مووووفق ,, في انتظار ردك
بالنسبه لارتفاع الريس وبرمجة الدعسه صفقني اذا نجحت معااك
الدعسه اذا الكترونيه واحد قام يعبث في الثروتل على طول ينمسح البرنامج او تتلخبط البرمجه القديمه ولا يكون هناك توافق بين المكينه والدعسه
بالتووووووفيق للجميع

شكرا للأخوان عبدالعزيز و hail

بحثت عن الموضوع و لقيت في منتدى فورد موضوع متعلق بمشكله سيارتي و شفت كتيب السياره مذكور فيه طريقه إعاده برمجه كمبيوتر السياره حتى تكون مكينه السياره مثاليه في الأداء و متوافقه مع كمبيوتر السياره .

طبعا المشكله هذي تظهر لما تفصل أصابع البطاريه أو عند تركيب بطاريه جديده ، و طريقه البرمجه كألتالي :-

1. توقف السيارة وتدوس على الجلنط ونطفئ جميع الاجهزة والأنوار بما فيها المحرك.

2. نشغل المحرك من جديد ونتركه لمدة لا تقل عن دقيقة واحدة

3. بعد كذا نشغل المكيف ونتركه لمدة لا تقل عن دقيقة واحدة

4. ندعس على الفرامل ونحرر الجلنط يدوياً، ومن ثم نعشق على الـ (D) وننتظر داعسين على الفرامل مع التعشيق لمدة لا تقل عن دقيقة.

5. نستمر في القيادة لمسافة 16 كيلو متر حيث أن عملية التعريف مستمرة
و أعتقد لازم تكون السرعه ما تتعدى 80 و ثابته .




النتيجه راح تكون ثبات في عزم المحرك السياره .


راح أجرب هالطريقه و أبلغكم بالنتيجه

جرب كلام عبدالعزيز انشاءلله تضبط