الله يسعد أوقاتكم بكل خير
بصراحة كنت أجهل هالمنتدى وبعد البحث في النت والحوسة ما لقيت أفضل منه وأرقى من أعضائه واهني نفسي فيكم بصراحة وفي خبراتكم وفي شوركم
أنا من عشاق شي اسمه طوارق من عهد نوح :bigggrin:
لكن كنت أتجاهله كثير لأني كنت أشوفه غالي جدا وكانوا يخوفوني من الوكيل
قبل كم يوم اقنعوني ناس كثير في الانفنتي fx50 مع انه ما دخل مزاجي شكلاً
رحت وجربت وعجبني وبدأ يدخل مزاجي
في طريقي قلت بمر على الطوارق وبصراحة رجع الحنين خصوصاً بعد التطور الملحوظ في 2011
[COLOR="Red"]--------------------------------------------------------------
عموماً ما أطيل عليكم
لدي الآن خيارين
انفنتي fx50 وسعرها 214 ألف ريال
الخيار الثاني :
طوارق مع العلم أني خيرت بين 3 انواع منه
فئة >> بدون كاميرات وبدون نفقيشن وبدون هايدرولك : 198 ألف ريال
وفئة >> بدون هايدروليك مع وجود الكاميرات الاربعة والنفقيشن : 217 ألف ريال
وفئة >> هايدرولك وكاميرات ونفقيشن وفتح وتشغيل بدون مفتاح : 258 ألف ريال
بصراحة اللي بيرشح لي الخيار الأول شاكر له
واللي بيرشح الخيار الثاني فياليت يختار فئة من الفئات خصوصاً أن الفرق شاسع وما اعتقد اني بحتاج النفقيشن والكاميرات
ولو قلنا لازم من النفقيشن والكاميرات فما أعتقد الهايدرولك بذيك الأهمية خصوصاً أني متخوف من خراباته
تكفون يا شباب أنا مستعجل على القرار والقرار بدون مشوره فاشل
اقنعوني وموفقين يا الغالين
[/COLOR]
ملحوظة :
حسب كلام شخص عزيز علي يشتغل في سماكو .. يقول بالنسبة للصيانة تغير كل شي فيها والحين رح يرجعون مركز الخدمة السريعة وجاهم مدير جديد بريطاني نفض أم العالم النصابة نفض ووعدني أني رح اشوف تغير كبير واهتمام
مع العلم ان عندهم صيانة مجانية 3 سنوات
و5 سنوات ضمان على الجربوكس والمكينة
أما فيما يخص الانفنتي فصيانتهم مو مجانية حسب علمي من المنتدى والوكيل بعد مو ممدوح
