تعبت من زيت كاسترول ... طلب مساعدة

بالنسبة لسيارتي (تاهو 2008) فأستخدم كاسترول 10/30 أمشي فيه 7,000 كلم من أفضل ما يكون

وحالياً بسيارتي موبيل1

مكينة سيارتي بالكاسترول أهدأ من موبيل

والمره الجاية بأفكر جدي بكاسترول ما جناتيك

من رأيي إنه الكاسترول من أفضل الزيوت وجربة سابقاً بفورد ماشي الحين حول 500 ألأف كلم بدون توضيب

أنا أستخدم بترومين 10W30 للألتيما 4 سلندر و ممتاز جداً سواءً بالصيف أو الشتاء, المرة الوحيدة اللي جربت فيها الكاسترول 10W30 خلتني اغير الزيت قبل لا يوصل 1000 كلم

لأن حسيت صوت المكينه صار عالي و يطلع طقطقه واضحه و العزم حسيته ضعيف
و علطول لما رجعت للبترومين حسيت بالفرق و صار لي فترة طويلة استخدمه و لا فيه اي مشاكل و لله الحمد

أخوي جربـ غير زيت موتر كرافت 10W30

تحصله عند توكيلاتـ الجزيره أو الحاج حسين

سعر العلبه عند الحاج حسين بـ13 ريال
توكيلات الجزيره بـ15 ريال

الزيت ممتاز وتصنيفه من قبل معهد البترول الأمريكي SM
أما الزيوت المتوفره لدينا في الأسواق غالبها من تصنيف SL

تصنيق SM أعلى من SL

بالنسبه لزيت كاسترول 10W30 فهو من تصنيف SL

هلابك اخوي الترا7 هو نوع من انواع زيت بترومين لكن اذا بتغيير ببترومين انصحك بمراكز بترومين كسبرس اذا موجده بمنطقتك عليها وان بغيت تبدله بالبناشر العاديه اشوف انك تشتري من برا مع السيفونات وتغير ببنشر عادي وربي ييسر امرك وبالتوفيق..............

الحين هل الترا7 نفسه بترومين ؟؟؟؟؟؟؟؟؟

انا لااستطيع انصحك إلا بموببل1

طيب ليش ماتجرب زيت كاسترول 20/50 اعتقد راح ينفع خاصة مع محرك سيارتك

هلابك اخوي والله العظيم اردى نوع ببترومين اني ممشيه 9 الاف وباقي فيه ومن ناحية مراكز بترومين ضمن لي 12 الف 100 ربال وكسور لكن لوتغير عند البناشر يمكن توصل ل6الآف وتروح تغير شركه بترومين اخبر بزيوتهم وهي اقدم شركه متخصصه بالزيوت عندنا بالسعوديه من اول كنت افضل شل ثم تردى وجاء بعده سوبر جي تي وحده خمس الآف ويبداء يسود وينقص اما بترومين شي اسمه نقص شيله من راسك وانا اخووووووووووووووووووووووووك والله اني استخدم الترا 7 اللي بالبناشر ومخليه 12 الف بعز الصيف اجربه بس وحتى لونه ماقلب وباقي فيه لزوجه
واحب اصحح لأخوي emadahmed الكاتلوج يقول اقل نسبه لزوجه تستخدمها هي 5\30 او 10\30 وكذا مو يقول استخدم هذا وغيره راح يخرب عليك شي بالعكس المكينه بالصيف تحتاج زيت اثقل من اجل التبريد اما بالشتاء زيت اخف للتسخين وهكذا
ومن ناحية خراب الطرمبه وضعفها هذا يعود للسيفون التجاري لأنه يتسدد وكرتون من الداخل ويتفتت من الحرارة ويجمع الاوساخ اللي عند البناشر لوكنت تشتريها من الوكاله اصليه ومع كل تغيره تبدل السيفون بأذن الله ماراح تعاني من خراب الطرمبه او ضعفها مثل الرديتر لوماتسيخه راح يفجر عليك الطرمبه مابالك بالزيت واعذروني ان قصرت بشي يالربع وربي ييسر اموركم وبالتوفيق...............

ياعمي كاسترول جي تي اكس من افضل الزيوت الموجوده في السوق واكثرها ارتفاعا وابو يمكن ما يحب يركبها لأنه ربحه بها قليل
بس انتبه يوجد منه مضروب تأكد من ختم كاسترول اللي يجي على القصدير تحت الغطاء
ونصيحه تبي تشتري سيارتك وراسك لا تغير الى لزوجة مرتفعه 20\50 علشان ما تدخل في متاهة مضخة الزيت وضعف ضغطها وتبتلش
ولو كان ولا بد تبي تغير النوع الترا سفن حلو ولكن حسيته صار اسود كثير عند التغيير
اما موضوع محطات بترومين مر عليهم وغير عندهم واحكم على خدمتهم بنفسك انا اشوفهم نصابين من الطراز الثقيل ههههه

شكرا لكم اخواني

سيارتي 2008

يعني هل تنصحون ب الترا

اخوي انا استخدم بترومين 10-30 , في الصيف و الحر والحمدالله ماينقص الا بعد ال8 الاف كيلو

اخر مره مشيت عليه 9 الاف وكسور وكان نقص علبة , واستخدامي حار جدا

وبالنسبة للي يقولي مكاين ال6 سلندر والسي سي الكبير ماينفع معاها هالزيوت اقولو راجع كتلوج الوكاله...وانا دورت هنا ومنتديات اخرى وروحت صيانة الوكاله

وقلي (اتكلم عن مكينة سيارتي) قلي اول شي موديل سيارتك كلزلر 300 ام موديل 99-2004 من الداخل في بعض الامكان تيجي ضيقه ولو الزيت لزوجتو تقيله بعد مده طويلة بيوصل الزيت للاماكن هادي...الخ والحمدالله ليا فوق ال4 شهور استخدم 10-30 ولافي اصوات ولاخرابيط بالعكس احس المكينة مرتاحه وتتجاوب بسرعه

مع كاسترول 0w/30
يرتفع صوت المكينه لسياارتي
وزي ماقالو الشباب جرب البترومين
وفي الصيف ثقل الزيت عشان يتحمل الحر
ان استخدم في الصيف موبيل XHP

لو متعود على كاسترول .. بامكانك تستخدم كاسترول 20/50

لأن فعلا كاسترول 30/10 خفيييف جدا ، ولا اتوقع انه يمشي مع مكاين 6 سلندر وحجم السي سي فيها مرتفع .
شي ثانيي ايضا .. ممشى السيارة وبالتالي المكينة .. لو السيارة صارت قاطعه فوق 100 الف كم .. فما ينفع معها استخدام زيوت خفيفة جدا .
انا كنت استعمل كاسترول 10/30 ، ولما سيارتي صار ممشاها فوق 100 الف كم ، قالي أحد المياكنيكيين ان لزوجة الزيت اللي استخدمه صارت ما تتناسب مع محرك السيارة ..
وبإختبار عملي أجريته بنفسي في أحد محطات تغيير الزيوت .. قارنت بين كاسترول 10/30 و جي تي 10/30 وذهلت حينما وجدت أن كاسترول يشبه زيت القلي عافية !

لكن لم أعد أجد جي تي فوكس 30/10 الا نادرا .. فحولت الى الترا 7 20/50 .. آخر مرة مشيت عليه 6000 كم ولا نقص وكانت لزوجته مقبولة بعد الـ6000 .

كم موديل السيارة

جرب زيت سوبر جي تي خفيف علبته بيضاء

يقولون كويس

اصلا يابعدي كل 3000 الزيت لازم يغير .