طيب يالغالي هو على الضمان الحين
خلهم يغيرون الدفرنس
وريح نفسك
ترا الموتر والله يستاهل
ادري تبي تنغبن موتر وكاله ودفرنس مغير ومصدوم
لكن الشكوى لله دايم مالبيد حيله
تبي تلقاها عند ربك بآذن الله
ومسآله اني بآخذ حقي منهم صدقني صعبه , هذولا ناس والعياذ بالله ماتخاف الله وش ترجي منهم دام هالبلد دايم نسمع مثل اللي يصير لك واردى قولي ؟
الكفار وهم الكفار مايفرقون بين الناس , واكبر دليل الامير السعودي المسجون بلندن بين المجرمين و راعين المخدرات ! ولا احد درى عنه ولا صار مشاكل لآنهم على حق والمفروض يقص راسه بعد
اسمع كلامي , وخلها لوجه الله وربي ماتندم
ولاتدعي عليهم ولاتسبهم وتكسب ذنوب على ذا الناس
غير الدفرنس بس , وشد عليهم على تغييره عشان مايكون فيه غش بعد
وانزل تحت الموتر وجب لك قلم وحط رمز على الدفرنس او خط يكفي وخله بمكان مو واضح
ووده لهم يغيرونه [ وصور الرمز قبل ]
وبعد التغير وانت عندهم شف الدفرنس هو نفسه ولا لا
واذا هو نفسه خل معك الاوراق قبل , وبكذا يمديك عليهم
لآن الدفرنس مو لعبه انا بستخدم السياره ماني فاضي كل يوم جاي عندكم
والدفرنس لاخرب للمعلوميه ياتغيره يا يخرب عليك ومافيه احد يعرف له الا المصنع
لله يكون بعونك
وانصحك تخليها عند ربك وصدقني ماراح تندم بآذن الله
أخوي
الشي الأول
جاء في تفسر البغوي ..
قوله : ( لا يحب الله الجهر بالسوء من القول إلا من ظلم )( 148 ) سورة النساء
أي: لا يحب الله الجهر بالقبح من القول إلا من ظلم ، فيجوز للمظلوم أن يخبر
عن ظلم الظالم وأن يدعو عليه .
الشي الثاني
إذا أنا سكت وسكت الثاني والثالث راحت حقوقنا
لازم ندافع عنها ونوقفهم عند حدهم ، زي ما صار في جده قبل فتره يوم قفلوا السستم حق الجميح من كثر ما وردت عليه شكاوي
