السلام عليكم ورحمة الله وبركاته
اخواني ( عشاق الكابرس القديم من79 الى 90 )
الله يمسيكم - يصبحكم بالخير
معلش ياعيال لو طولت عليكم بس والله الموضوع محيرني وصار لي اسبوع قاعد افكر فيه وحبيت تشاركوني الرأي .
مع العلم ان صدري وسيع وتقبل مشاركاتكم بصدر رحب يعني شارك باللي في خاطرك .
اخواني سالفتي على النحو التالي :
اخوكم مجنون سيارات قديمه >>> بس الأخ مايحب الا المخزن بالعربي النظييييييييييف .
المهم أنا اتجاهي من زمان صوب المورسيدس والجمس الحوض .. واللي حصل
ان فيه كابرس موديل 82 فكه الوالد من الوكاله من ايامه ومستخدمه استخدام دلع .
ووقف الموتر من عام 1413هـ الى عام 1421هـ او 1422هـ فالسنتين ذي بس مااذكر بالظبط الى متى كانت وقفته .
المهم انه قعد واقف مايقارب 8 الى 9 سنوات فالقراج بس نشغله كل شهر شهرين ساعه ولا نص ساعه ولا تحرك من مكانه .
من بعد الفترة ذي صار الموتر متعدد الاستخدام مرة مع اخواني الصغار مرة معي مرة مع السواق مرة مع العمال المهم انه صار مفتاحه فالسوتش اي واحد ينزنق مايحصل سياره بس يشغل ويمشي .
بس عشق الوالد لهذي السيارة ماخلاه يبيعها مع انه ياكم جوه الشريطيه للبيت ورفض بيعها وكذلك مهتم بزيوتها واقمشتها والحاجات الاستهلاكيه .
الحين الموتر ماشي 156431 كلم
وداخليته ممتازه
وبديه بعد ماشالله مافيه الا دقه فالرفرف الخلفي الايسر ولا زالت على وضعها .
المهم .
أنا مدري وش اللي طق في راسي قبل يمكن اسبوع ان والله الموتر يحسر اخليه يتدهور وفكرت اجدده>>اخومكم اذا قال يجدده يعني يرجعه وكاله مايخلي سلك ولا مسمار.
واستخدمه لانه والله لوجيت ادور كابرس وابغى مخزن ماراح اظن اني باحصل مثله .
قمت واخذته وشف وش يبغاله بالكامل وراح اسردها لكم على النحو التالي
* البودي :
- الصدام الامامي وزنيته مدموره وجلده وجلد وحده من الدعامات متقطعه >>بالعربي صدام جديد
- كتابة كابرس اللي تجي في طرف الشبك الامامي الايسر طاحت يبغاله وحده .
- فرشة الكبوت اللي من داخل متقطعه ومنفكه من طرف يبغالها تغيير .
- الفيابر البلاستيكيه اللي تجي نهاية الرفرف الامامي بين الرفرف والصدام واللي بين الصدام والشبك والنور متكسرة ابغى اغيرها .
- المرايات الجانبيه فيها القزازه صارت تلعب معدهي مثبته في جرم المرايه ولا عاد تتحرك من جوا بعد تتغير .
- الصدام الخلفي جلدته متطعه مدري اغير الجلده بس ولا الصدام كامل .
- الفيابر اللي في نهاية الرفرف الخلفي اللي بينه وبين الصدام اللي فيها الاصطبات الجانبيه الحمر الصغيره مكسرة .
- الانتل مكسور مع العلم اني اذا شلغلت الرادي اسمعه يرتفع وينزل اذا طفيته .
*نجي للموتر من داخل :
- ماشالله تبارك الله مهو مفقود فيه الا اللي يرفع الصوت حق المسجل ومفتاح القزازة الخلفيه اليمنى.
- والتنده من جوا بدأت تتقشر من ورى السواق يبي لها منجد يشتغل اطلق من الوكاله .
- مرتبة الراكب مهي كهرب عيدي المساكه حقتها مفكوكه ابغالي وحده بأحصلها ؟
*نجي للكهرب :
- اخواني فيه المكيف اذا عبيته فريون مايطول اظن فيه تهريب بس ماادري وين .
- فيه بالطارة عاليسار فوق اللي يرفع الدركسون اظنه مثبت سرعه مكتوب ريست نفس اللي فالسيارات الثانيه مدري هو مثبت سرعه ولا وشهو>> تدرون اخوكم ماله فالكابرس من قبل ؟
المهم انه اذا هو مثبت سرعه شغلته ما اشتغل .
- القزاز اذا جيت ارفعه بطيْ مرة مدري هل الاسلاك او المكينة ؟
- اللمبات الداخليه كلها شغاله بس معلقه ماتطفى حقت الباب واللي عند الرجلين مدري التماس ولا وشو ؟
- لمبة الفلشر معلقه فالطبلون .
- مكينة مرتبة السواق يبغالها تغيير .
نجي للميكانيكا :
- الموتر يلعب يروغ يمين ويسار بشكل مخيف الظاهر والله اعلم انها الاذرعة الخلفيه اللي فالكرونه مدري وش رايكم انتوا اخبر ؟
- الموتر مكينته الزرقاء وعلى ما اعتقد انها 454 ماشالله عليها ماتنقص بس فيه زيت طالع عالمكينه من برا ومتخوف منه مدري وش سببه ؟
- القير 350 مدمور يهرب والنمرة نفسها فالطبلون تتحرك اذاكان فR تفكرة فN
مدري هل مشكلته تتصلح ؟او اغيره؟ وذا اغيره وش القير اللي يناسب مكينته وكرونته ؟
- علبة الدركسون اعاير الزيت ما اشوفه ينقص بس افتح الكبوت اشوفها تلعب تتحرك اذا السيارة شغاله ؟؟؟؟
- عضلاته كل ابوها ابغيرها من جلد وجوزات وصوف ..إلخ........
- الموتر اخبرة اول صوته نازل ولا فيه قرقرة الكوابرس وبعدين طلع فيه صوت تقول مفرغ الكنداسه وبالفعل وديته لحق الشكامين وغيرت كنداسه وطني ورجع الصوت الطبيعي وحتى عزمه فرق معي ولا كملت اسبوع الا ورجع الصوت من جديد وعزمه طاح شوي. وش الراي ؟؟؟؟؟ ابغى صوت الوكاله اللي سلك معي الاسبوع الماضي ؟
- السيارة اذا شغلتها ماشالله مافيها كربون وبرضه اذا مشيت بس اذا كبست له وانا ماشي يطلع كربون الين يغير القير بعدين ينقطع ؟؟؟؟؟؟؟؟؟؟؟؟ وش السالفه؟
* الرديتر يالربع مليان صدأ مع ان ماشالله الحرارة ماترتفع الا شي بسيييييييييط اقل من الربع حتى . ولاينقص ماشالله تبارك الله. اصيخ ولا اتركه؟
أخواني أنا ممكن طولت عليكم ولكن والله العظيم تعبت في كتابة الموضوع والله العظيم اني من النوع اللي اذا حب السيارة يتعب فيها تعب مايطري على بالكم بس ياذيابه انا ماقد استخدمتها ولا لي فيها خبرة فلذلك ماودي ابدأ وأتعب وإذا صرت فالنص أوقف عشان كذا سردت لكم كل اللي ابغى اعرفه فأرجوا منكم الوقوف بجانبي والتعاون معي في استفساراتي وهي:
اولاُ : وضحت لكم القطع اللي ابغاها من بودي ومن ديكور ومن كهرب ومن ميكانيكا فهل انها موجودة كلها ؟مع العلم اني من اهل ابها يعني وين بالقاها في ابها او في خميس مشيط .
(واذا مافيه في ابها وين اللي باحصل عنده جميع القطع خارج ابها )
- أنا أسأل اهل خبرة وإذا كان فيه لو قطعه وحده لو حتى من قطع الديكور مهي متوفرة راح اكنسل الشغله كل ابوها لاني ابغى ارجعها اطلق من الوكاله . فتأكد لو سمحت من القطع اللي انا ذاكرها جميعاُ أو لا تفتي من فضلك .
ثانياُ : لوقلنا وإن شاء الله ان كل القطع متوفرة كم تتوقعون راح تكلف الشغله كامله ؟
ثالثاً : يالربع هل تنصحوني بالاستمرار في فكرتي ولا لا ؟ يعني بالعربي يالربع هل الموتر يستاهل التعب ؟ هل هو حق خطوط ؟ وكفو لو تعبت عليه التعب هذا كله ماعاد يبهذلني بعدها ؟
رابعاً : إعذروني يالربع اذا طولت عليكم ولكن يقول المطاليق لو انقطعوا من بعضهم طاحوا ولذلك مالي الا انتوا واذا تبغون اخدمكم في اي شي متعلق بالمورسيدس والونيتات انا تحت امركم
وشكرا لكل من قرأ موضوعي ولو كان لن يرد علي .
