تحذير من شراء خزان الوادي(مهم)

عذرا على التطفل
ابووو سمر شكل الشوف شجر
الكميه 1 ماهي الف بس فواتير بعض البرامج تجي كذا 1.000 لاحظ نقطه ماهي فاصله

سوال اخوي ناصر
يعني لو راح اي واحد لمصنع الزامل و طلب حبه من خزان الوادي بيعطونه و بسعر 225 ريال
لان الفاتورة الرجال مشتري منهم 1000 خزان مو واحد

اخوي رح للمصنع
وارح تاخذه 260 ريال انا شاريه للباترول

الفاتورة اكبر اثبات

اضحكتني اضحك الله سنك
اجل ذا الاثبات الخطير اللي تهددون فيه بالفضايح؟

طيب اجل وش راح تسوون بخيام الوسم اللي عندكم في منتدى مكشات في قسم العدد والادوات.... نفس اسم خيام القاضي.... اكيد بتتهموا الرجال بالنصب مع ان عنده برائة اختراع

بالنسبة لفاتورتكم.... اذا ما كان عندكم الا هي فانا اعتبر ان ماعندكم اثبات لان اذا كلمة "خزان الوادي" ماهيب علامة تجارية مسجلة.. فمن حق اي شركة تسمي ذا الاسم وعلى المتضرر اللجوء الى القضاء

للاخوة الحق في طلب دليل يثبت بان خزان الوادي الذي يتم بيعه ب 560 هو نفسه خزان الزامل الذي يتم بيعه ب 225 ريال

صورة فاتورة





للمعلومية سمعنا بان خزان الوادي يحاول تدارك الفضيحة وراح ينزل 50 بالمئة من سعر خزانه

:xyxthumbs::xyxthumbs::xyxthumbs::xyxthumbs::xyxthumbs::xyxthumbs:

مرحبا بالاخت سوسو

عارف ان محد ضربني علي يدي وقال اشتر من الحرامي، بس لو كان به موضوع ينبه ويحذر من الحرامية كان ما طحت بيده.

وثاني شي فيه فرق بين الرزق وبين الحرام

الله يرزق بالحلال مو بالحرام

الرزاق هو الله
لا أنت ولا غيرك يالحبيب
يرزق النمل في جحورها
ويرزق السمك في بحورها
والله لو تسوي من اليوم لين بكرة أعلان
رزقه المكتوب راح يا خذه غصبن عليك وعلي
وما أحد يضرب على يدك وقلولك تكفى أشتري مني
روح مصنع الزامل حقك وقلهم يفصلولك واحد على مزاجك وركبه في سيارتك
تحياتي لك

جزاك الله خير... وما دام عندك اثبات و متاكد انشر ... خله يكون عضه و عبره لغيره من اللصوص...

البينة على من ادعى واليمين على من انكر

احنا قدمنا بينتنا ويمكنك مراجعة منتدى البرية "القسم الحقوقي" او مراجعة ماكتب في منتدى مكشات، اثبتنا بالادلة ان خزان الوادي من صناعة الزامل و الزامل يبيعه ب 200 ريال و صاحب الوادي يبيعه ب 560 ريال. واقمنا بينتنا على خزان الوادي الا انه هرب ولم يجبنا.

يمكن تقول بكيفه خله يبيعه لو ب 1000 ريال، احنا نقول لك كلامك سليم، لكن خزان الوادي انكر ان خزانه هو نفس خزان الزامل وهذا الشي فيه تدليس على الناس وكذب، واحنا اطلقنا الحملة وشعارنا "وتعاونوا على البر والتقوى والا تعاونوا على الاثم والعدوان" وخزان الوادي يرتكب عدوان -سرقة المكشاتية- واحنا نبي نكف يده.

والموضوع هذا انا احطه في ذمتي لاني متأكد من الادلة والبينة التي قدمناها في حملة مقاطعة اللص خزان الوادي.

^^^^^^^^^^^^^^^^^^^^^^^^
اخوي ترى اصحاب خزان الوادي ما قدروا يردون في منتدى مكشات
على الاتهامات وفي موضوعهم هم
وبأمكانك التاكد

اتمنى انك ماتاخذ في ذمتك شئ مانت متأكد منه وتنشر من منتديات اخرى بحجة منفعة اخوانك وتكون غلط
طيب اذا طلعت معلومتك غلط وش راح تسوي؟ تعمل دعاية ولا تطنش؟

مصنع خزان الوادي له اكثر من 4 سنوات يصنع الخزانات في مدينة القصيم واعتقد انه من اوائل من اورد خزانات الرحلات من مادة البولي ايثيلين بدلا من الفايبر او الالمونيوم
وسعره من البداية تقريبا نفسه ما تغير واجد
كان 550 تقريبا والان عندهم عروض ب 450
وفي البداية كانوا موفرين فقط 140 لتر واقف بعدين بسبب كثرة الطلب وفروا 90 واقف و 90 مسدوح

من جهة اخرى الزامل ما بدأ بعرض الخزانات الا عام 2009 وبسعر 250 لل 140 واقف

وانا حصلت خزان في القناص مكتوب عليه استيكر القناص _(خزان الوادي وبسعر 250)

واخيرا كثرة الخيارات من صالحنا وماحد جابرك تاخذ من الوادي.... عندك غيره كثير والجراكل ارخص وارخص

لكن لا تتحمل في ذمتك كلام مانت متأكد منه لانها ارزاق ناس وتسأل عنها يوم القيامة

يمدحون الجراكل والجالونات :)

مشكور على التنبيه

وأنا من زمان وماني مقتنع بأسعاره , أحس مبالغ فيها بزيادة

يكسب على حلالنا

خله يكسب!!!