طلبتكم رايكم يهمني الجميح او العيسى اشري من اي واحد فيهم

السلام عليكم ورحمه الله وبركاته

صراحه ياشباب خوفتوني وربي كل مواضيعكم تخلي الواحد يفكر الف مره قبل مايشتري سياره من هالوكالات النصابين ولا ادري وش اسوي وكيف احترس من النصب .

المهم انا باذن الله هالايام بشري سياره اكاديا 2010 مريت على شركه عبداللطيف العيسى وسعرهم اغلي من الجميح بعد اضافه شاشه ملاحه وشاشه دي في دي تقريبا 5000 الاف ريال الفرق بينهم العيسى قالي تكلف على 131000 الف ريال .
والجميح قالي 126000 الف ريال .

وايش الوكلاء اللي يتعامل معهم العيسى هو قالي درايف7 ومحل ثاني مادري ايش نسيت

اللي قريته بمواضيعكم ان الجميح اكبر نصاب وحرامي لا بالبيع ولا بالصيانه .

اما العيسى ماشفت احد يذمه ولا يسبه مادري ليش هل هو اقلهم نصب او اللي يشتكون منه مايعرفون المنتدي ..

هل تأيدوني اخذ معاي سمكري وبنشري اذا بغيت اطلع السياره من الوكاله او هم يرفضون ولا يدخلونهم

مااااااادي وربي احترت مادري وشلون تكفون طلبتكم لا تبخلون علي بالنصايح وشلون اعرف ان السياره سليمه هل اشغلها عندهم ساعتين واتاكد من المكيف وصوت المكينه واشيك على السياره بالنظر وايش يجي مع السياره من الوكاله

اخوكم المحروم من الرياض