كفو يالغالي بس السعر متأكد منه ؟
وتنصحني بالكرايسلر ؟
لان حتى التشارجر ثلاث انواع بس مادري وش الفرق
من ناحية انصحك ,, فأنا انصحك وبشدة ..
الكرايسلر شكل رسمي ,, والتشارجر شكل رياضي .
واذا التشارجر هيمي بـ 100 .. يا سلام .
_____________________________
شوف الي بقوله عن الموصفات الي في الكرايسلر بيكون هذا الي اعرفه ..
انوار هيدروجينية ,, فتحه جلد ,, جنوط <
اجل فيه طيس يعني :),, شاشة ملاحة ,, ومميزات الشاشات كثيرة . منها فتحه AUX واتوقع الـ USP .
ايرباق في الامام ,, والابواب . وسيارة تتحمل الحوادث بشكل ماشاء الله قوي جداً .
وانا سويت لها اختبار ونجحت فيه .. <
هع هع
http://www.assayyarat.com/forums/post2260037-8443.html
http://www.assayyarat.com/forums/post2260080-8445.html
.....
نكمل عن المواصفات .. المكيف منفصل ,, يعني الراكب يختار درجة البرودة الي يبيه والسواق بعد يختار الدرجة الي يبيها :)
الساعه الكلاسيكية < احلى شيء
التحكم من الدركسون والشاشة الي في الطبلون .. بأشياء والله من كثرها يقولون اعضاء رابطة كرايسلر وتشارجر " حس في القائمة " .
تكييف خلفي ,, لكن ضعيف نوعا ما .. لكن المكيف الي قدام اصلاً يكفي ,, عليه دفع هواء ماشاء الله ,, تقول ماطور .
خاصية تبريد المقاعد او التدفئة والله ناسي اي وحده فيهم ..
مفتاح السيارة ,, smart key .. يعني تدخل بدون ماتطلع المفتاح < بالله احد يتأكد لي .
وتشغيل السيارة عن بعد .
النظام الصوتي ,, تفجيييير .. من بوستن .
السيارة من الداخل اتوقع تجي لونين . < دلع والله .
حامل الاكواب في داخل انوار < زيادة دلع .
_____________________________________
طيب الحين نجي للجانب المظلم من السيارة ..
الفرامل ,, فيه رجه اذا جيت تهدي في السرعات العالية . فوق الـ 100 ,, ,وتستمر الى ماتنزل السرعه عن 80 .
الاعضاء الي في الرابطة ,, اشوفهم يشتكون ان السيارة تطفى عليهم .. لكن تقدر تعرف المشكلة بحركة المفتاح .. ( اكتب في الرابطة شلون حركة المفتاح وراح يشرحون لك ) .. ويمكن يعني احتمال بسيط ماراح تطلع سبب المشكلة .
_____________________
بالنسبة لي انا ماقد طفت علي , مع اني جالدها جلد ,, وقد صارلي موقف صدق خلاني اتمسك بالسيارة .
و القير لازم تحافظ عليه , لأن اذا راح يعلق معك ,, وبعدها توديه الوكالة يصلحونه لك وبعدها ماراح يعلق ..
الطريقة ,, اذا وقفت ,, امسك جلنط مضبوط ,, بعدين حط على الـ p . وبكذا بأذن الله ماراح تواجه اي مشكلة في القير < و أسأل مجرب .
باقي مواصفات زيادة ,,لكن ماذكر < لأني الي معي 6 سلندر تورينق 06 يعني مو ليمتيد الي بمواصفات الهيمي . و مواصفات السيارة الي معي زي الي ابيها , لكن ناقصني حساسات فقط .
بالنسبة لسعر القطع تقدر تلقاه في الرابطة ,, ويسعدنا تواجدك هناك
http://www.assayyarat.com/forums/thread141028.html
