سالفتي مع الفكتوريا 2010 الحقوني قبل ابيعه (( يوجد احباط بالداخل اربط حزامك ))

اخ عبد العزيز

(( الدين النصيحه ))


عن أبي تميم بن أوس رضي الله عنه ، أن النبي صلى الله عليه وسلم قال :

( الدين النصيحة ، قلنا : لمن يا رسول الله ؟ قال : لله ، ولكتابه ، ولرسوله ، ولأئمة المسلمين وعامتهم )

ولله وانا اخوك انصحك خله لتفصله امان لك بعد الله شف الامريكي كم يفصل عليه يفصل على 170

انا اخذت فورد وعارف انها تفصل ومع ذلك اشتريتها


عالعموم انت لاتفكر بهالشي والسرعه وش تبي فيها وانا اخوووك

ياشباب هو ما دخل علشان يسمع نصايح

وبعدين وش تفرق معه

هو يمشي 180 اصلا يعني خاربه خاربه

حرام عليك والله فتكوريا وتبي تقاوم كان وفرت على عمرك واخذت وريون اصرف

88

للاسف الغالبيه العظمى يعشقون السرعه والسياره الي تفصل على سرعه معينه يتم نبذها وكأنها لاتساوي شيئا مهما كانت جودتها واعتماديتها

وكأن السيارات ماصنعت الا للسرعه والهلاك فقط ..!!!

ياخوان ماتشوفون ان 180 كافية جدآ...؟؟
انت لو بتقعد تطرد ورا كل من هب ودب بتتعب نفسيآ
والله نصيحه ياخوي فكر بالرقم هذا >>180<<ماتشوف انه كثيرر؟؟
وحتى لو جا وقت طارئ ومستعجل انا اشوف ان 180 كثييررره ومناسبة
وانتبه من الكوامري واصحابها
يهايطون وهم يدرون بقرارة انفسهم ان الكامري مافيها الا سرعتها بس لاويكرهونك بالموتر بعد خخخخخ معي بالدوام وكل ماقول لهم ابي اشتري ماركيز يسبون السيارات الامريكيه كلها ويمدحووووون بالكامري لدرجة اني اشك انها هي والبنتلي مصنعه في مستودع واحد من كثر مايعطوني مميزاتها

صحيح كلامك السرعة ضرورية ولكن وقت الحاجة وكلام اخوي جذاب هم صحيح لانك

اذا حسيت ان السيارة تمشي معاك راح تطير عليها والله يستر من تاليتها بس صراحة

على العنوان اللي انت حاطة انا توقعت ان مشكلة عويصة وخطيرة صايرة وسميت قبل

ادش وقمت اقرأ الموضوع بحذر وانا ارجف بس الحمدلله الليلة عدت على خير :bigggrin::bigggrin:

تقدر تبرمج برمجة اس سي تي


واذا جيبت تدخله الوكاله تقدر انك ترجع اعداداته ستوك عشان الضمان

الفاصل ماوضع الا من اجل السلامه

بل سرعة 180 كافيه وزياده وتعتبر خطر

اخوي عادي تفصلها تقريبا 300 ريال والمراكز موجوده في الصناعيه القديمه بالرياض

طبعا مركز البيان يفصلونه بـــ 500 ريال لا يهمونك غالين فيه مراكز متخصصه في الفورد في نفس الصناعيه موقعهم بجانب الحاج حسين والتقوى والرميزان داخل الصناعيه وسعرهم مناسب اتوقع مافيه اي ضرر واصحاب المراكز يفيدونك اكثرواكثر من واحد من اخوياي فاتح السرعه بدون اي مشاكل بالتوفيق لك والله يعطيك خيره ويصرف عنك شره

الحقيقه اوافقك ان موتر يفصل ما هو بموتر كذاء نفسيا حتى لو ما تمشي السرعه كلها

مشكورين ياخوان على الردود والافاده



ههههههههههههههه له وحشه ابوعوض يارباااه :bigggrin:
اللي حدني ياطويل العمر ان كم واحد اكدوا لي ان الفكتوريا السعودي مايفصل مثل الامريكي
وما اخفيك اني تعبت من القير العادي مع زحمات الرياض وبنفس الوقت كنت احب الفكتوريا
وهدوئه وراحته يكفي انه امريكي قلت خل اجربه




الله يجزاك خير ياجذاب على النصيحه
ومو سالفة اتفاخر او غيره محاكيك عنده عائله يبونه :bigggrin:
لكن ديني ودين شي اسمه فاصل ابي احس ان معي موتر متى ماجا
وقت اضطر اني اسرع القاه جاهز خاصه اني اول مره اخذ امريكي
بعد عدة سيارات من نيسان وتويوتا
اذكر منها التيما موديل 94 على وقتها ماكان ينافسها الا القراندي جي
لكن تبطي تطرحها طياره بس قوطي بنفس الوقت مافيها بودي
اخذت التيما 2005 قير عادي كانت ماشيه 40 الف بس نظيفه وهذيك ميزتها
مافيها فاصل تغير السادس عند ال 230 مجنونه تحس انك راكب زد لكن رساوه
مو لهذاك الزود استعملتها ثلاث شهور وبعتها
وحاليا معي ماكسيما 2001 فل لازالت معي
الى الان مطلعها وكاله ب 75 الف وماشالله عليها جتها مشاوير وجلد خطوط
لين قالت بس وبدون مبالغه فرق بينها وبين الالتيما من ناحية الثبات على الخط لصالح الماكس
وسلموني على اللي يقولون الماكسيما تهربد وتتفكك ومن هالهياط
عشان كذا لاتلومني يوم اقول توهقت بالفورد :bigggrin:

المسألة ليست كامري أو كورولا أو أو أنها تتعداك ..فهي ليست مفخرة في هذا الأمر .

وتعتبر قاتل لنفسك وكما أفتى بها الكثير من العلماء بأنها انتحار.


تقدر تشيل الفاصل ..لكن ماأنصحك فيه نهائيا .. تدمر نفسك وسيارتك وحياة الآخرين معك .

وهذا مثال على ماركيز أزال الفصله .

http://www.youtube.com/watch?v=CE9D6pjMvZU&feature=related

وأنت تحكم عقلك :)

فيه لها برمجه تفك الين 270

لكن ما خلوه كذا الا لحكمه

اذا انت من حقين الدعس شلي حادنك على فورد على قولت فارس عوض

برمجه بــ300 ريا وادخل عالم السرعه

تقدر تخليها ماتفصل بس اتوقع او يمكن ضمان يروح عليك مب متاكد من هالشي

انا مالي خبرة بالفكتوريا بس ان شاء الله يفيدونك الاخون خبراء الفورد عامة والفكتوريا خاصة
ا+يـ+جـ+I+بـ+ـي