تحياتي
قريت اعلان افتتاح سابق وتجارب عن مشاركين يمدحون المزاد
وبناء على توصيت اعضاء المنتدى رحت الأسبوع الماضي...
ولكن للأسف وجدت الواقع عكس ذلك
طبعا الطريقة والالية نظرياً ممتازة بل رائعة جدا
التطبيق للأسف فيه تلاعب وهو كالتالي:
اولاً: تقييم السيارة يتم بشكل فردي (شخصي) عطريق موظف عادي لا يتجاوز عمره 22 سنة
لذا فالنتيجة تقييم غير منطقي وغير ثابت.... يعني انت وشطارتك ومفاوضاتك معهم (قابل للتفاوض)
ثانياً: فيه رسوم فحص سيارة 150 + رسوم مزاد 50ريال + 20 ريال غسيل... الخ وهذه اجبارية لادخال لاسيارة للمزاد.
ثالثاً: تأكدت ان الشريطية ورانا ورانا... يعني يوجد لوبيات واتفاقيات بين الشريطية لكسر سعر السيارة،
واحسست... (ركز ان احسست...شميت ريحت تلاعب) وابري ذمتي ...
ان المقييم ينسق مع الشريطية
بأن يقييم السيارة بسعر ضعيف ثم يشتريهال شريطيه ... وهكذا... وهذا لا يمكن أن يتأكد منه الا بعد التجربة اكثر من مرة. عشان نبري ذمتنا
انا سيارتي سيمت بالنسيم عند الشريطية 47الف.. قبل ايام، هم قيموها 34 الف في البداية
وبعد مفاوضات ومجادلات وضعو تقيمها ب42 الف... !!
وانت وحظك بالمزاد اذا صادف حضور مشتري جاد وسيستخدم ويعرف بقيمة السيارة... ممكن يسعفك ويفكك من الشريطية... لكن ما اعتقد حاليا ان عليه زحمة غير الشريطية
عموما وقفت بالمزاد عند 32 الف... عشان يضغطون علي ويطلبون مني انقص القيمة
الأمريكي الي مثل سيارتي بالصالات فوق الستين الف... وانا سيارتي سعودي ونظيفة مرررررة
قالو لي مافيه مزاد ثاني الا الاسبوع القادم الجمعة.. قلت ابي استلم السيارة وارجع لكم الاسبوع القادم اسلمك اياها... قالو لي
اذا اخذت السيارة ورغبت ترجعها للمزاد الأسبوع القادم لازم تدفع فحص مكينة وقير... يعني 200+ ريال... يحني طالعين ماكطلين نازلين مكاكلين@@@@@@
رابعاً: نظامهم نظام حكومي... لا تلفون يرد عليك
وتحتاج 3 ساعات عشان تخلص اجراءات تدخل السيارة...
وما تستلم السيارة الا بطلعت الروح...(اسلوب رح وتعال بكرا) سكرنا !!خلص الدوام! الموظف غير موجود...؟
عموما حضرت ثاني يوم الصباح الساعة 9 ونص... لايوجد احد من الموظفين!!! سألت السكيورتي قال الدوام 10
لكن افادني أن جميع الموظفين غير منضبطين بالدوامات ... واولهم المدير المسؤل.. يعني ممكن يجي 11 او 11 ونص على حسب ؟؟؟
طبعا خليت سواقي اليوم ينتظرهم حتى وقت كتابتي اغلب الموظفين لم يحضرو (الساعة قريب 2 ظهراً) !!!!
يعني المسألة لا اهتمام كاف ولا اسلوب تجاري محترف ... ولا شفافية واضحة...
المسألة تلاعب لعدم وجود رقابة ولا اشراف جيد.
حبيت اعطيكم تجربتي الفريدة/// وأحذركم طبعا كبائع... للأستفادة منها
وأخذ الحيطة والحذر
خلوكم على شريطيتنا على الأقل نعرف انهم نصابين ونتعامل معهم على هالأساس
