بالونات الهيدروليك ودعت اخر وداع هل تنصحوني بالييات

قاطع اشارة :3::

ترا أمزح معك اخوي نجم ومرحب بك في المنتدى أخ وعزيز
.

أها شكرا
طيب ليش تم ايقافه

أخوي نجم طيبه ياهلا وسهلا فيك وحياك الله وشكرا لك على المشاركة بس حبيت اذكرك والفت انتباهك بأنه الموضوع قديم صار له 8 سنوات والشخص والعضو ابو سعود موقوف واخذ Banned يعني بالمختصر غير موجود بالمنتدى الا اذا له عضوية أخرى واسم آخر

يا أخي أبو سعود للأسف معلوماتك غير دقيقة
البالونات أفضل وأكثر راحة و أكثر أماناً لأن السيارة في الخلف مربوطة بمقصات ودفرنس و مساعدات فكيف تنقلب؟ ثم إن البالونات متينة وإذا إنشقت تبدأ تنسم بالتدريج ولا تنسى إن فيه ماطور راح يشتغل لتعويض الهواء المفقود وماتنقلب السيارة وما عمرنا سمعنا عن سيارة انقلبت بسبب بالون.
(وترى تسميتها بالهيدروليك هي تسمية خاطئة يخطئ بها معظم الناس لأن الهيدروليك يوجد في المعدات والآليات الثقيلة والسيارات المعدلة فالبالونات شيئ ونظام الهيدروليك شيئ آخر)

وعن تجربة شخصية لا أستبدل البالونات باليايات أبداً أولاً أريح وأكثر ثباتاً وأفضل في التحميل ولولا هذه المزايا ماكان ركبتها أفضل الشركات على سياراتها وهجرت النظام القديم اليايات لوحدها.
وترى شغل اليد كله واحد 100 ريال تقريبا سواء بالون أو ياي اللهم البالونات أغلى وإذا غالية عليك إطلبها من النت تجيك في حدود 500 إلى 600 ريال

.لا يا اخوان

الحمد لله انك حليت مشكلتك وافتكيت من الهيدروليك وهمه ومشاكله
يأخي لو تفكر في الهيدروليك وتشوفه تلقاه عبارة عن مساعد فيه استك شبيه بأستك الكفر وصدقوني خطير جداً فتخيل واحد ماشي 180 او 160 وصادفه مطب او جحر وضرب الكفر وش تتوقع بيصير للهيدروليك اكيد بينفجر الاستك وتتقلب فيه السيارة اللي اسمه يوحيلك انه شيء وهو عبارة عن منفاخ واستك كفر هههههههههههه
وفيه ناس بتقول هذا هيدروليك افضل واحسن ولو عرفه على حقيقته ضحك 0

تحياتي للجميع

الحمد لله تم الانتهاء من المشكله واذكرها للفائدة

يايين الواحد الامريكي قيمته 70 ريال واثنين قيمتها 140 ريال
وشغل اليد 100 ريال
كلها على بعضها 240 وصلى الله وبارك والوقت ما تعدى ساعة شغل
باقي علي مشكلة جاري حلها وهي لمبة الهيدروليك في الطبلون بوديها للكهربائي يفصلها
والحمد لله وخل الهيدروليك يجلس ما ينفع في ديارنا كلها مطبات

الاخ الفاضل قديمك نديمك بيض الله وجهك ولا هنت واشكرك على رايك

الاخ الفاضل ابو سعود رايك محل اهتمام وانت راعي خبرة ولك باع طويل وانا اتابع مشاركتك وبالفعل اتصلت على مهندس خبير قال ركب يايات افضل لك ما دام الطرق كلها مطبات في مطبات
اشكر لك ردك

انا لو منك ركبت يايات بلا بالونات بلا هم 0 بالتوفيق