السلام عليكم ,, أخواني هذي سالفه صارت معي وانا راجع من مكه
والقصد من هالموضوع هو اخذ الحذر والاستفاده
السياره معي جديده موديلها 2010 ممشاها 5الآف فقط
وانا كنت على طريق مكه الرياض راجع للرياض ومعي اهلي وكانت الساعه تقريبآ الواحده ليلآ
وكان باقي على الرياض420 كيلو .. تفاجآت بإنفجار الاطار الخلفي اليمين بدون اي سبب
الطريق كان نظيف ولاوجود لاي شي بالطريق.. وضغط الاطارات كانت جيده.. والحمدلله بلحظة الانفجار كان امامي محطه على بعد اقل من كيلو واحد .. وأضطررت ان اوقف عنده واركب اطار تجاري (هذا الي حصلت عنده)(لاني خفت من باقي الاطارات لاتسوي مثل الاول) ثم اتوهق بالطريق ومالقى محطه
مالكم بالطويله .. زبدة الكلام
السياره تضررت كثيرآ أنكسر الاصطب الخلفي والدواسه الجانبيه تكسرت رغم ان سرعتي 120 كيلو
ذهبت لوكالة العيسى وطلبو مني الذهاب الى وكيل الراشد (القوديير) بمخرج 15
ويوم رحت لهم قالو انك ضارب شي ولايشمله الضمان ويوم سألتهم طيب ليش الكفر الامامي ماجاه شي دام اني ضربت شي بالطريق؟ قالو لي يمكن السياره طارت وماجاء الكفر الامامي شي< بالله هذا كلام مقنع؟ مع اني احلف لهم اني ماضربت شي بالطريق!!
توهقو وقالولي انت شريت من العيسى رح لهم (زحلقوني يعني)
رحت لوكالة العيسى بمخرج 5 وقابلت مدير الصيانه (ابوهيثم) وجزاه الله خير ماقصر
تكفل بصيانة السياره كلها وبالاضرار الي صارت معي .. رغم ان السبب من وكيل الاطارات الراشد(القوديير) وليس من العيسى لان ضمان الكفرات على وكيل الكفرات
وياشباب انا صراحه كرهت اطارات القوديير ووكيلها وابي اغير كفرات التاهو بشي أطيب منها
وش تنصحوني بأي نوع ؟
ونصيحه ابعدو عن كفرات القوديير والله ياهي اعدمت سيارتي بقوه وحسبي الله ونعم الوكيل على وكيل القوديير نكد علي سفرتي لكن ربي ستر الحمدلله
ملاحظه / الهدف من رواية القصه هي اخذ الحذر والاستفاده فقط ..!!
