إنفجار إطار لتاهو 2010_ أنتبه من كفرات القوديير

فيه واحد من الأعضاء يقول اذا شريته من المعارض يطيح منك خدمة المساعدة على الطريق

والضمان على الكفرات


........................

تتوقع المشكلة سوء تخزين ؟؟؟

الله يسلمك يالغالي ملك الرمل ,, وفعلآ الكفر الخلفي اليمين الي ضرب معي بدون اي سبب
والحمدلله اني مو بحالي الي صار معي هالموقف علشان محد يقول اني اتبلى شركة قوديير
لان فعلآ ابي احد يفسر لي ضرب الكفر وهو جديد ؟ رغم مدة التخزين القصيره ؟
لكن الحمدلله على كل حال .. وشاكر لك على مرورك الكريم

وعليكم السلام والرحمه .. شاريه من معرض الفلاح بالنسيم بتاريخ 20/4/1431
والموتر كان من اخر دفعه للمعرض لاني شيكت على رقم هيكل السياره عند الوكيل وعن تاريخ انتاجه وكم من المده كان مخزون وكان تاريخ انتاجه تقريبآ ببداية عام 2010

لاوالله ماحصلت ورقه ولاشي لان يوم اخذ السياره لقيتها مغسله وشايلين عنها الاكياس
وان شاء الله قدرت افيدك

اخوي فهد حمدالله على السلامه ..

ياجماعة الخـير لو ترجعون لمواضيعي السابقة عن التـاهو 2010 .. راح تعرفون أني

كنت على حـق في كفرات (القوديير) للتاهو موديل 2010 .. وأنـا كنت متأكد من وجود

مشكلة في أغلب كفرات القوديير على موديل 2010 .. بحكم تجربتي للتاهو من موديل

2008 .. وهذا لا يعني أن (قوديير) شركة تعبانه لا بالعكس .. ولكن قوديير لم توفق

في الجنط مقاس (17) للتاهو 2010 فقط .. بعكس الجينرال وبقية الماركات التي كانت

افضل بمليون مره (بحكم تجربة سنوات للتاهو ) .. والحمدالله أني لم أكن موسوس فـي

موضوع القوديير ..

وعلى فكره موتري الآن ماشي 3000 كلم فقط ! .. والله ثم والله الغظيم أن ضرب معاي

الكفر الأمامي الأيمن .. والكفر الخلفي الأيمن أثناء هطول أمطار الرياض ..وتعطلت كثير

وأحسست أني فعلاُ وقعت في مشكلة كبيرة مع القوديير .. ولكن انشالله لي كلام مع شركة

الجميح وراح أطلع لـي كفرات جديده على الضمان من عيونهم .. وسوف ارفض أي عرض

لتركيب كفر من نوع قوديير .. وسوف أطلب ماركة (((جينرال ))) أو ماركة أخرى .. غير

القوديير ..

والحمدالله على السلامة مره اخرى .

السلام عليكم ورحمة الله وبركاته


اخوي الموتر شارية من معرض ولا وكالة؟؟؟


ومتى شريته في اي تاريخ؟؟؟

ويوم تشتري الموتر يحطون زي الورقة في المراية الداخلية في تاريخ مثلا 25 /11
ومكتوب فيها SAJED او SADMAM يعني شي يشبه لهذا الكلام

الورقة مكتوب في اي تاريخ؟؟؟؟

هانكوك لجنط 20 مريحه مرة

لك مني تاييد كامل ميشلان وكبر الوسادة

الى الان من فتره الي فتره

مره كنت جاي من الدمام الى مكه و بعد حلبان يا طويل العمر ما درينا الا ذاك الددسن الي فيه 4 اشخاص تعدانا و جا قدامنا و هدى السرعه الى 80 و بغى يجيب فينا العيد كانت الساعه تقريبا 2:30 الفجر

و نقعد معاه تقريبا 20 الى 30 كيلو الين ما ذلف و دخل البر مره ثانيه

أولآ أشكر كل من عطر موضوعي بمروره الكريم
والله يسلمكم جميعآ من كل شر

ثانيآ انا والله ماكتبت هالموضوع من فراغ او عبث
انا كتبته من واقع صار معي وصدقوني الموقف الي صار معي ماكان هـيـن
والي يقول ان يمكن من طول مدة التخزين فـ اقوله انا شيكت على تاريخ الصنع
ومدة التخزين لقيتها تقريبآ 3 شهور فقط أو يمكن أقل (يعني مده مو طويله)

وهي توافيق بالنهايه يمكن الي كانت معي غير جيده ويمكن ويمكن الخ علشان ماحط بذمتي شي

ومو معقوله سياره جديده ينفجر اطارها بدون سبب وكذلك وكيل القوديير مارضى يعوضني وتهرب بأعذار غير مقبوله ابدآ
والله يجزى وكيل العيسى كل خير والله ماقصرو معي أثلجو صدري بتعاملهم الطيب
وتكفلو بأصلاح الاضرار الي تسببه فيه الاطار للسياره

وانا فعلآ بعد الموقف قررت اغير اطارات القوديير ولا أعتمد عليها بعد الموقف الذي لاأحسد عليه
والله لايوريكم الي شفته .. لو انا بروحي عادي بس معي الاهل وباخر الليل مصيبه

ملاحظه للمره الثانيه / القصد من الموضوع أخذ الفائده والحذر .. حتى لو كانت سيارتك جديده وموديلها الفين ومليون لاتثق فيها والله يستر علينا وعليكم ويكفيكم من كل شر ويحفظكم
والله من وراء القصد

بحكم تجربتي لكفرات الجوديير رائعة جدا ومسكت فيها خطوط كثيرة
وجلست عندي قرابة السنتين ومشت حوالي ال 50 ألف وأشوف إنها من أروع
الكفرات وأكثرها تحملا على الدورانجو طبعا هذي الكفرات جايه مع السيارة
من المصنع .... بس في نقطة شديدة الأهمية ويغفل عنها الكثير في حالة شراء
سيارة جديدة وهي احرص دائما تكون وصول السيارة للميناء قريب بحيث
ماتكون السيارة طالت مدة وقفتها تحت الشمس الحارقة خصوصا في الصيف
ممايتلف الكفرات وقد يؤثر على ديكورات السيارة .... والوكالات عموما عندهم
في السستم يبين متى وصول السيارة للميناء .... والله خير حافظا

خوفتونا وانا مبسوط فيهم !!

معقول شركه عالميه تكون كفراتها مضروبه !!

اما انا جربت دنلوب جراند تريك والله مالقيت احسن منها في الصبر

بس فيها قساوة بعض الشي

تجربتي مع القوديير .. ممتازة جدا من حيث الراحة .. لليونته جدا جدا ..
وبإعتقادي انه الين من الدنلوب

وفي الطعوس أدائه عادي إلى جيد جدا

ودليل جودته إعتماده على سيارات BMW
وما حصل معك أعتقد انه مثل ما ذكر الاخوان


بحق انفجعت من موضوعك خفت أكون توهقت فيه لاني مركبه منذ 3 أشهر تقريبا


تحياتي ..

فيه نوع كان يجي على موديلات 2008 من اليوكن كان اسمه جنرال على ما أعتقد ..
ممتاز جداً و فيه واحد اعرفه ما شي عليه حول ال80 الف كلم

و عندك الميشلان ايضاً لا يعلى عليه ..

و الحمد لله على السلامة ,,

افضل شي

ميشلان

والله اخوي الوالد كفرات الوكاله مشت الجمس حقنا 150 النوع ميشلان وتم تغير اثنين امامي فقط وكملن الثانيات 50 الف وبعده غيرهن

الله العالم ان اللي مركب لك هنكوك لك عليه , لان الحذفه تكون من الترصيص ولا ان الكفر قديم :bigggrin:

وانا مركبهن ع الجمس وماشاء الله لهن سنه تقريبا , وسافرت عليه لاغلب مدن المملكه ( شمال جنوب شرق )

وكذا وحتى النقشه :xyxthumbs: ولا مشاكل ولا شي

وانا انصح بمشيلان ولا هنكوك غيره لاتاخذ والمشيلان اريح بالخط بس انه عكس الهنكوك غير مريح بالبر

والحمد لله ع سلامتك ,

غريبة قوديير شركة لها اسمها ... وانا مغطته بالدينالي مغط غير طبيعي ولا حصل شي
وحالتها الحالية ممتازة جدا ... رساوة ممتازة ... يعيبها قساوتها واعتقد ان كل الكفرات
للجنط 20 نفس الشي قاسية بعض الشي .

الحمدلله على سلامتك وماتشوف شر .

الآن فيه قطاع طرق بالهبل

سياراتهم بيضاء و فيها خطوط خضراء و زرقاء و فوق سياراته سفتي

هذولا لازم تعطيهم 150 ريال كل ما عديت من عندهم
و اذا ما سجنوك انت محظوظ

و الله العظيم انك ما تخاف الا منهم

نصيحه اخويه ركب بريلي صح انها غاليه
لاكن والله كفرات صدق متانه ولاتيبس ومريحه ويكفي ان نفس هالكفرات تركب على الامبورقيني والفيراي
وانا مجربها على الرنج جايه من المصنع بريلي

وانتبه تقرب لهانكوك والله اسوا كفرات جربتها ركبتها على الرنج صار الموتر فيه حذفه وانت تمشي حذفه قويه ويابسه مره وماكلمت 6 شهور !!
وان شالله هاليومين بركب عليه بريلي مثل حقات المصنع