هام للغايه اليوكن ولا تاهو ؟؟؟؟

الله يعطيكم العافيه جميع والله لا يهينكم .

وانا والله بصراحه للان ما قررت على واحد منها ولكن اشوف الغلبه لتاهو .
بس الي محيرني هو الفرق في الاسعار بين الوكالات مدري وش اختار بين الوكالات وهل فيه فرق في المواصفات في الوكالات ؟؟؟؟؟؟

صحيح انهم محيرين لكن تدري كيف اشتر اثنين :confused1:
تبي الحقيقه انا لو مكانك اخذ التاهو اجمل ,بس لايكون عزّمت على اليوكن لأني جيت متأخر ,عموماً هي سياسة شركه لا اكثر حتى لايمل المستهلك تخيل لو مافيه إلا الجمس ,
وبعدين ترا الشفر له شهره عظيمه وسياراتها اللتي تحمل علامة شيفروليه اكثر ومنتشره بانحاء العالم اكثر ,لكن GMC يحمل اسم الشركه المنتجه للأثنين ..


بالتوفيق

لا تفكر كثير ((تتعب)) .. خذ الي يبيه قلبك .. والعقل شغله في أشياء أخرى .. وكلهم

نفس الشي مع تفوق اليوكون في بعض المواصفات البسيطة ( المدفوع سعرها ) ..

والشريطي يفضل اليوكون على التاهو بسبب علامة (جمس) .. لأن الجمس له

شعبية في السعودية اكثر من الشفر (كانت الوكلات ما تجيب الا جمس ) .. اخوك .

^^^
ماسمعت بالي يقول :.
[ سعيد أخو مبارك ]
:bigggrin:
اليوكون والتاهو نفس الشي بأختلافات طفيفة تطغى عليها الرغبة بالشكل //

اشكر الجميع على تفاعلهم ويعطيكم العافيه .
بس عندي اقتراح لو توافقوني عليه عشان الاعضاء والزوار الي يدخلون ويبون يشوفون المقارنه يقدرون يشوفونها على طول والاقتراح هو ان يكون المقارنه ووضع الصفات لكل سياره في جدول واحد ولكل عضو يحط الملاحظه من خلال تجاربهم الشخصيه او عن طريق اقاربهم .

:xyxthumbs::xyxthumbs::xyxthumbs::xyxthumbs:

أنا متعقد من سالفة المكيف الخلفي لأني ما أقدر أركب شاشة بالسقف إلا قدام المكيف لكن للأسف ما يطلع مضبوط , وبنفس الوقت المكيف العادي أفضل لأنك تقدر تقفل الهواية بدون ما تشغل المكيف ولما تشغل السيارة بالريموت تقدر تخلي السيارة تشتغل بدون مكيف عكس اللإلكتروني فحسب ما أسمع إنه كل ما شغلت السيارة بالريموت لازم يشتغل المكيف .

وباليوكن فيه تصفيط مرايا والتاهو ما تجي إلا بالفل كامل

بالتوفيق

اليوكن ما اشوفه الا مع سواويق عكس التاهو

من ناحية الفخامة اليوكن افخم >>> ادا تشغلها عن طريق الريموت يشتغل المكيف بعكس التاهو مافي الا الفل اوبشن

من ناحية الشكل التاهـــو شكله رياضي وشبابي بعكس اليوكن

ابوي عنده تاهو 2008
وعمي عنده يوكن 2007
كنه مسافرين بالسياره مسافه تقريبا 8000 كيلو
وكانت صرفيه التاهو اقل من اليوكن

مشكله الشاشة زي مااقال مستر جي ام لها حل
اول حاجة تقدر تتحكم من قدام لورى يعني تقدر تفصل الا ورى وتركب شاشة مكانه
اسال مجرب ولا تسال طبيب ههههه

اول شي حياك بالمنتدى

ثاني شي انت نفس حالتي محتار بين اليوكن والتاهو

انا اقولك خذلك يوكن خاصا" اذا كان الشكل الطويل لأنه يمسك سعره ووجيته ارفه من التاهو

وفيه ميزة احلى من التاهو مثل التكييف الاكتروني والتحكم من الامام للتكيف الخلفي

بالتاهو من ورا التحكم يعني اذا تبغا تركب شاشة يقعد امورك بسبب التحكم بالمكيف الخلفي

(ولا تنسى الاستخاره)

سلامتك اخوي لاينفجر راسك ولا شي الموضوع بسيط

السيارتين توام ولايوجد اختلاف بينهم سوا بالشكل الخارجي

وبعض التخشيبات الداخليه فقط


والشكل يرجع للشخص وذوقه بالنسبه لي

اذا تبي تاخذ الفئه الطويله فالافضل شكلا اليوكن XL

واذا تبي تاخذ الفئه القصيره فالافضل شكلا هو التاهو



وانت استخير والله يكتب لك اللي فيه الخير

الشكل يابعدي كلن وذوقه

التاهو شكله شبابي وحلو ورزه , اليوكن شكله فخامه وهيبه ورزه

الحجم على حسب اهلك او عائلتك

والفرق الـ 7000 اللي تقول يمكن تفرق مواصفاتهم ولا مثل ماقال اخوي بالرد اللي قبلي

بالتوفيق .

والله شف اذا تبي نصيحتي خذ تاهو قصير ابدبل LT والله جامد التاهو شكله شكل شبابي عكس اليوكن توكل على الله او خذ تاهو