امس الحمدلله اكملت اول 1000 كيلو في سيارتي الالنترا
وطبعا فيه اشياء ماتتكرر بعمرك الا مره وحده ولازم توثقها بصور :bigggrin:
لقطه تاريخيه للسياره عند وصولها الى مستوى 999 كيلو :xyxwave:
وهذي لقطه بعد تاريخيه عند وصول السياره لمستوى 1000 كيلو :wavey:
رحت الى الناغي فرع النسيم بالمطار القديم الساعه 8 ونص وتوقعت انهم يفتحون الساعه 9
لقيت انهم فاتحين من الساعه 8 صباحا
للمعلوميه دوامهم على النحو التالي
من السبت الى الاربعاء من الساعه 8 صباح الى 5 ونص عصرا يتخللها ساعه راحه وقت الظهر
يوم الخميس الدوام من الساعه 8 الى الساعه 12 ونص ظهرا
اول مره بحياتي اودي سيارتي لصيانتها بعد مامشيت 1000 كيلو
قال ماراح نغير زيت ولا شي بس مجرد فحص عادي مجانا وجيبها بعدين بعد اول 5000 كيلو لتغيير الزيت والفلتر
نص ساعه وجاني الفني بورقه قال وقع ووقعت وعطاني المفتاح قال استلم سيارتك
هذا اللي صار بخصوص الصيانه " المزعومه " لاول 1000 كيلو
السياره اخذتها انا ايجار قلت له ياخي ابغى مفتاح لان ماعندي الا واحد والثاني في بنك الراجحي
قال جيب لنا خطاب من بنك الراجحي واحنا نعطيك مفتاح بس غير مقصوص يعني خام بدون اسنان
وتروح تسوي له اسنان عند محل المفاتيح وتجيبه نبرمجه لك ويكلفك 150 ريال سعر المفتاح
اخيرا تعرفون سيارات هونداي اعتقد هي الوحيده اللي تجيب معها اسفنجه او فلينه على الباب لونها ازرق
صح شكلها مو حلو بس تبين ان السياره جديده
وعندي وحده منها طارت وسالت الموظف اللي يستلم السيارات للصيانه قال ان راحت يعني راحت ماعندنا غيرها لانها تجي من المصنع كذا
عموما لو فيه احد يعرف وين تنباع يدلنا عليها
هذا اللي صار معي ومشكورين على المرور
