نظام التأجير المنتهي بالتمليك هو هو نعمة ام نقمة ؟ (( دعوة للنقاش ))

وربي لو تحصل لي سياره جديده وربي لاحافظ عليها

اللي يلعبون بالسياره ناس مسكينه ومايعرف قيمتها الا اذا صدم عليها وقعد من دون سياره

اللي عليه قروض مجبر على التأجير لكن يجب ان يحاول يعطيهم دفعه لان القسط راح يقص الظهر

وش حادك يامسمار قال المطرقة
الناس ليش تاخذ سيارة جديدة إيجار منتهي بالتمليك أكيد انهم مايملكون ريال واحد ولاكان أخذو سيارة مستعملة وجيدة
بدون دفعة يعني بطاقة احوال وتعريف بالراتب وشغل السيارة ورح ولايقعد يشحذ سيارة اخوة ولد الجيران كل يوم يصلح في سيارتة القديمة

حسبنا الله ونعم الوكيل

الفوائد اللي مع التامين اذا سيارتك بـ 66 الف تطلع سيارتك بـ 96 الف ريال!!

عشان تامين وفوائد الشركة طبعا البنك بنك الرياض اللي هو اقل واحد فيهم ياخذ نسسبة

اللي هي 5%

لكن الشعب طفران ويبي يكشخ يعني يمرك ورع ولد تاجر ومعه رنج روفر وهو توه ما بلغ وتلقى ماهو سعودي اصلي الام سورية والخال كوري

وتلقا سعودي شايب معه اكسنت 94 فالواحد ينقهر ويرتفع ضغطه

صراحه التاجير بالتمليك ما جربته

لاكن انا عندي واحد من الربع عنده سياره تاجير بالتمليك و ما يبيها وش يسوي

يسحب عليهم و ياخذونا هم واذا خذوها يسون شي مثلن ولا بس يكتفون بسحب السياره لانه ما يبيها ياليت لو تفيدونا

والله أغلب الناس ما بيبغى التأجير , وبنفس الوقت يخاف يشتري سيارة ويصدم عليها ويقعد يتفرج عليها .

يعني الواحد يقول أشتري سيارة وتكون مأمنه وبطريقة مجازة شرعاً ( تأجير الراجحي)

لأنه لا سمح الله صار حادث بتكون خساير الواحد قليلة

أنا أتوقع لو تطرح شركة تأمين تعاوني مجازة شرعاً راح تخف المبيعات بنظام التأجير بحوالي 50%

[/CENTER]

كل الي قالوه الشباب صح !!
لكن السؤال // ماهي الأسباب والدوافع الي خلتهم يقولو كذا ؟
كلنا نعرف انو التأجير المنتهي بالتمليك له سلبياته وإيجابياته //
علشان كذا ودنا نشوف محور النقاش يسير بالشكل هذا ؟
يعني أنت لما تروح تأخذ سيارة أكيد أنك عارف وش بيكون ؟
وأتوقع العالم صار أصغر مما تتصور وبالتأكيد فيه ناس خاضو التجربة قبله
وهذا هو الفيصل بين أنك تأخذ السيارة وتلتزم وراح تمشي أمورك تمام
أو أنك تتركها وتمشي حالك لو برجلك طالما أنك أقتنعت أنو راح ينلعب عليك فيه
وأغلب المشاكل من الناس الي تتهاون بالتسديد أو تتهاون بالسيارة
كونها إيجار وفي حالة صار شي فيها تتورط في الدفع مع الشركة أو البنك أو حل المشكلة .
أضـاءة // الآن بعض الوكالات إذا تأخرت عن الأقساط تسكت عنك فترة
يمكن توصل الى السنه الين يصير المبلغ عليك ثقيل !! ثم تطلب الأقساط أو التسليم وهنا تصبح [ الكارثة ] .
[ موضوع جميل ]

أنا أسميه التاجير المنتهي بالتشليح .. ولا اتعامل به حتى لو قطعوا رقبتي ،

مثل ماتفضلوا اخواني ان امتلاك السيارة صار اسهل
اذكر ان مبيعات السيارات في المملكة عام 1414 كانت 120 الف سيارة وذلك ان اغلبها كان نقدا
اما الان مبيعات السيارات في المملكة رقم مهول جدا وهو 500 الف سيارة
وذلك بسبب كثرة عروض التاجير المدمرة حيث انها تبدأ بابتسامة وتنتهي بندامة
وذلك انها تكون كالجمرة من يمتلكها بعدك يعطيك فقط كم الف او حتى ياخذها بدون شيء وانت مالك الا الحسرة
و لوبغيت تسددهم كاش تجد انك بتدفع لهم مبلغ هو اعلى من قيمة سيارتك مستعملة بالسوق،

لذلك رأيي دائما ان يأخذ اي واحد قرض من بنك او من افراد ثم يشتري بالمبلغ السيارة التي تناسبة
وقضية الصيانة المجانية والتامين الشامل هذي نكبة العمر حيث انهم يركنونها لشهر او شهرين ثم بعد ذلك يصلحونها ان كان باقي في وجيههم مرق....

وسلم لي على وزارة التجارة وحماية المواطنين من الاستغلال

نعيد النقاس ممكن يثمر

اعتقد انه نقمة على المواطن
ولكن بسب الظروف المالية التي يعيشها الناس واغلبهم متورطين في قروض شخصية من البنوك لفترات طويله تمتد ل10 عشر سنوات
فنظام التاجير هو السبيل الوحيد للمواطن العادي لامتلاك سياره جديدة

يا عزيزي الفاضل انصحك من وجهة نظري انك تبتعد عن كل شي فيه شبهه
اول شي والله اغلب الي اعرفهم من الي اخذوا السيارة بنظام التاجير سارتلهم حوادث
واولهم اخوك في الله
بعدها تبت واخر سيارة مطلعها رحت طلعت قرض من البنك وشريت السيارة كاش وباسمي
وهذي لها عدة فوئد منها
في حالة الحاجه لاقدر الله تقدر تبيع السيارة وتستفيد من قيمتها
لاكن في التاجير انسى هالشي غير انك تتنازل وهذي صعب احد يتقبل منك السيارة
وهذي وجهة نظر وتقبل مروري