الموهافي ماله و ما عليه ؟ ؟

هل الشاشه فيها تلفزيون مثل الهونداي فيراكروز

هل أقدر أشغل أفلام DVD والسياره تمشي

كم وصل سعر الفل أوبشن في الرياض لأني مريت معارض النسيم قبل فتره ما حصلتها هل هي متوفره فقط في وكاله الجبر فقط ؟

مشكور اخوي على الرد و الشرح والصراحه يباله الواحد يجربها

نص الفل يتوفر به جلد وفتحة زيادة على الاستاندرد

أما الفل كامل فيزيد فيه الهيدروليك وزر تحكم المنعطفات والشاشة الملاحية الي فيها خرائط وهي الراديو والمسجل والديفيدي ويزيد فيه إضافات أخرى جانبية مثل تشغيل السيارة بدون مفتاح ونزول المرايات في الريوس ونزول الدركسون عند دخول السيارة واضاءة حمراء خافتة داخل المقصورة تعطي شيئا من الفخامة وغيرها.

ولا أنصح بتركيب شاشة ملاحة على نص الفل لأنها تختلف كثيرا عن الأصلية الي في الفل علما انها تزيد عنها بكاميرا خلفية ومع ذلك أقول شاشة الفل أفضل ومافيه منها وأنا شفت الاثنين.

أما تجربة السيارة أنا جربت القيادة في فرعهم الي في الشفا امتدداد طريق ديراب الفرع فاضي وتجرب براحتك

أتمنى أكون أفدتك

ممكن نعرف الفرق بين نص الفل والفل كامل هل يستاهل فرق السعر أم ممكن فرق السعر تركب نصه الاكسسورات الناقصه مثل شاشه ملاحه وغيرها

وكم أسعار 2010 فر فرعهم في الرياض

وكيف طريقه تجربه السياره هل نمر على مكتبهم إلي في خريص تطلب تجربه السياره فقط ويطلع معك واحد من موظفين

لأني دائما أمر على فرعهم في خريص زحمه ما تأخذ راحتك مع الموظف

هل في فرع ثاني لهم زحمتهم خفيفه

أبي استفسار بخصوص نص فل 2010 كم اسعارها ؟؟
لاني أذكر النص فل 2009 كان ب 105 الف ريال

ياليت الاخوة اللي عندهم السيارة ما يبخلون علينا

ما شا الله في 8 و انا ما ادري .. :)

شكلها راح اتكون وحش من وحش الكيا .

أخوي ما سألت عن سعر الاستاندر

وهل نزل موديل 2010

v8 مخلص حاليا من الوكالة الي هو 8 اسطوانات

بس بحسب سياقتي لل6 سرندل عزمه ودعسته ما عليها كلام

صراحة اني متردد كثيرا جدا في شراء هذه السيارة

^^
محرك 8 سلندر بقوة 340 حصان - 4.6 لتر
السعر : 143 ألف ريال ( فل )

محرك 6 سلندر بقوة 278 حصان - 3.8 لتر
السعر : 123 ألف ريال ( فل )

لا اخوي للحين كيا ما فيها اي موتر V8 ....

الا هيونداي في الجنسيس و الايكوس على ما اعتقد .

نبي الفئات بالاسعار
وهل فيه v8 ولا كله v6

والله اتشجع الواحد انه يشتري هذه السيارة .

^^
بدون مبالغة تكييفها عال العال
تخيل مره جربناه بعز الرطوبة في الدمام في شهر أغسطس والله ثم والله بارد جداً وحاطينه على رقم 1 باقي 2 و 3 و 4 و 5 و 6 و 7 و 8 وهذا يعتبر أهم ميزه ويحتاجها الشعب السعودي في ظل الأجواء الحارة التي نعيشها على مدى 9 شهور

لاتترد أبداً في شرائها والله يبارك لها فيها

اخي الكريم : انا والله معجب جدا بهذي السيارة ولكن سؤالي :
كيف السيارة مع اجوائنا الحارة و كيف التكييف وحرارة السيارة

ارجوا الافادة

الله يجزاكم الخير بصراحة اثريتم الموضوع

بصراحة انا عندي كيا اوبيرس مرتاح معاها وفيه بعض الاشكاليات بس بسيطة ان شاء الله

الكيا تطور بشكل عجيب ..

بخصوص ازار التكييف ورى و الله بلشه .. يعني كل شوي الاولاد بيشغلونه :(

بخصول القفل الاوتو في وجهة نظري مو مهم .. فيه ميزة في بعض السيارات احلى زي السوناتا اللي هيه انك ما تقدر تفتح الباب باي شكل من الاشكال ونت ماشي وهذا امان للاطفال بدل الحل العقيم (زر الاطفال) ..

و الله انا براسي الموهافي يعجبني ويشدني كثير ..