السلام عليكم ورحمة الله وبركاتة
اخواني الاعضاء عندي كابريس 2003 ولدي مشكلة في التحكم في الدركسون بحيث انه (بعض الاحيان) يحجر الدركسون يعني يصير ( يابس - قاسي - قوي - ) وسوا لي مشاكل اذا جيت الف (ادور)
يعني عندما : اخذ يو ترن فلا استطيع!! وتحصل مقاومه شديده من المقود !!
وهناك ملاحظه : وهي عندما اضغط على دواسة البنزين, الدركسون يصير خفيف (يعني طبيعي) ؟؟
والمشكلة تاتي فجاه وتذهب فجاه ,,
يوم السبت الماضي ذهبت الى ورشتين .. وقال الميكانيكي الاول : لازم شوف مشكله !!
قلت له : الحين دركسون كويس بس قبل ساعه مافي كويس !
قال: مافي معلوم لازم شوف مشكله
قلت : لحطه خلني اشغل واطفي
طفيت السياره وشغلتها ولم تظهر المشكله
عشقت السيارة بالـD وحركت المقود , الوضع طبيعي
فالاخير شرحت للميكانيكي ( تحتفظ الجريدة بجنسيته ) وشرحت له وحلفت له
قال صديق انا صدق انتا ! انا مافي كلام انت كذاب ؟ انا معلوم , بس لازم شوف مشكله اول بعدين كلام !!
قلت الله يخلف على من جابك !!
شغلت السيارة ومشيت وفجاه صار الدركسون ثقييييييييل !!!!!!
على طول اقرب ورشه وافتح الدريشة واصيح باعلى صوتي لاحد العمال وقلت وين الميكانيكي ؟؟ فجاء مسرعا وقلت له تعال شف الدركسون ويوم جلس على المرتبه صار الدركسون طبيعي !!؟؟
طيب انا قلت السيارى فيها عمل ؟؟؟ مو معقول هالكلام !!
يعني حتى السياره تعرف تستهبل !!
الحين مدري وش اسوي ؟
امس صارت لي على طريق خريص وانا على اعصابي ويدي على قلبي
ابشركم طلع لي عضلات من الدركسون ؟؟
