نصيحتكم .. مرسدس C 300 ام باسات CC

كيفكم شباب
بس حبيت اسئل الأخو VIP 111
كم سعر المرسيدس المحرك : 8 اسطوانات سعة 6.3 لتر يولد قوة 457 حصان
ولك من اجمل تحيه,,,,

المرســــــــــــــــــــــــــــــيدس

المرسيدس ما يبغي لها كلام..

لكن الحجم ترى الباسات اكبر !

صحيح المرسيدس افخم ولها اسمها وسمعتها
بس تجي للواقع السي كلاس قوطي :D وصغيره صحيح يالغالي مرسيدس
بس لو تجي للواقع تعتبر من فئة السيدان الصغيره ومو كشخه زي ال إي كلاس وفوق
يعني عاديه بس حلوه اما السيسي سياره اكبر اقوى اسرع احلى اجدد مكينه جباره
دفع رباعي رياضيه ومن فئة سيارات قليله جدا وهي الكوبيه ذو الاربع ابواب
يعني السي سي سته سلندر صراحه ما عليها كلام فتحة سقف بانوراميه بارك ازست وال لاين ازست وشاشة ديفي دي ونفقيشن وتبريد وتدفئة اسيات زنن عالي وواطي طبعاً جنوط 18 وجديده بالسوق وسعرها فيها صراحه و300 حصان دفع رباعي تسارع جبار 5.5 من 0-100 وطبلونها 300 وتعشيق قير أف ون ولو بنتكلم بنطول يالغالي
من الاخ ررايي الباسات سي سي افضل من السي كلاس بـ مراااحل
ولا يوجد مقارنه لو علي وانا مغمض السي سي ومبروك عموماً وربي يوفقك بالاحسن
ويرزقك بالافضل دايماً واي شي بغيت تفضل أسأل

والله يا اخوك انا معاي c200 والله ما شاء الله راسيه و مكينه تعجبك و الشكل الداخلي انواع الفخامه

و فكر اذا جيت تبيعها الفلكس ما تجيب شي اما المرسيدس تمسك سعرها شوي

وبلتوفيق

ارشح لك الباسات سي سي وبقوة
شكل
قوة
سعر
مواصفات
تحياتي لك

الباسات سي سي جربتها تيست درايف أول ماجات ..وصراحة محرك ال4 سلندر رهيب وقيادة متعة أجل كيف ال6 سلندر ..!

شكل مميز وملفت للنظر أكثر من السي كلاس وطبعا اكبر بالحجم ..وطبعا موب نفس الفئة !

ربنا يوفقك وتوكل على الله..

السي سي افضل
فخامه وقوه وما ينقصك شي لما تسوقها الفخامه والقوه عندك

شكراً لك عالصور .. بس هل هي متوفره حالياً ولا نزولها راح يكون بعد فتره ..؟

هلا اخي عامور المواد لا تختلف لكن تختلف اللون و الدركسون مختلف ايضا و مثل ما تفضلت بدي كت اليك صور الباسات سي سي مع ار لاين كت

سعر المرسيدس اليوم مع كت الـ AMG بـ 195 الف .. و مافيها نافجيشن .. اشوف الباسات الخيار الافضل .. بحكم المحرك و المواصفات .. و ان شاء الله راح اتواصل وياكم فالموضوع هذا من امر الوكالتين .. سامي .. هل الـ R line مجرد كت على الباسات ام ان المواد المستخدمه داخل السياره تختلف و تصير اكثر رياضيه ..؟!

شكراً على مروكم ..

تسلم اخوي سامي

فعلا الاسعار نفس الياباني اذا ماكان ارخص

لكن على حسب ماقريت في المواضيع القديمة المشكله مو في اسعار القطع

وانما في تركيبها

لانه مثل مافهمت التركيب اغلى من القطلع نفسها و بعض الاحيان يكون بسعر القطع

وشكرا لك

عزيزي الفاضل اخوي المجرم

صحيح ان موديلات 2001 الي 2003 كانت قطعها غاليه بالحيل و الواحد كان يخاف منها لكن اسعار الموديلات الجديدة مناسبه جدا بالاخص لمن تشوف الفرق البسيط بينها و بين السيارات المنافسه يعني عندك اسعار قطع الباسات ارخص من قطع الهوندا اكورد و اللكزس es350

و هذا بصراحة يكفيني شخصيا

اليك بعض اسعار القطع الكثير منها ليست استهلاكية لكن على الاقل اعطيك فكرة

بخصوص الاسعار الاشياء الاستهلاكية عندك البريكات الامامية قمتها 350 ريال تقريبا و الخلفية 400 تقريبا يعني اسعارها مناسبة جدا

[COLOR=#a0522d]- غطاء --------------> 56 ريال .. cap
2- طرمبة مساحهـ ----> 183 ريال .. cylinder
3- زجاج -------------> 1405 ريال .. glass
4- كبوت -------------> 2058 ريال .. hood
5- قاعدة رديترات ----> 966 ريال .. carrier
6- نور أمامي --------> 2561 ريال .. headlamp
7- غطاء -------------> 2047 ريال .. cover
8- شبك --------------> 172 ريال .. grille
9- رفرف ------------> 915 ريال .. fender
10- نور ضباب ------> 286 ريال .. fog lamp
11- اشارة -----------> 160 ريال .. turnsignal
12- قربة رديتر ------> 141 ريال .. container
13- قربة مساحات --> 171 ريال .. container
14- باب ------------> 2516 ريال .. door
15- باب ------------> 1603 ريال .. door trim
16- مفصلة --------> 91 ريال .. hinge
17- مفصلة --------> 233 ريال .. hinges
18- زيج -----------> 210 ريال .. molding
19- زيج -----------> 2157 ريال .. subpart
20- طبلون ---------> 6490 ريال .. dashboard
21- وسادة هواء ---> 3483 ريال .. airbag
22- وسادة هواء ---> 4106 ريال .. airbag
23- حزام امان -----> 775 ريال .. seat belt
24- حزام امان -----> 775 ريال .. seat belt
25- كمبيوتر وسائد هواء ----> 1686 ريال .. module
27- مقص ---------> 789 ريال .. contr arm
29- عمود عكس ---> 3530 ريال .. driveshaft
31- مقص --------> 219 ريال .. conn link
32- مساعد ------> 1391 ريال .. shock ABS
33- جنط مقاس 18 ---> 1538 ريال .. wheel
34- مراية زجاج ------> 205 ريال .. mirror
36- قاعدة -------------> 324 ريال .. dampening
37- زيج --------------> 1797 ريال .. trim
38- حساس -----------> 248 ريال .. sensor
39- طرمبة -----------> 187 ريال .. pump
40- طرمبة -----------> 234 ريال .. pump
41- نور --------------> 69 ريال .. warning light
42- بطانة رفرف -----> 181 ريال .. wheel hous
43- بطانة رفرف -----> 97 ريال .. wheel hous [/COLOR]

اخوي سامي حقيقه انا استغرب كلامك عن قيمة القطع

لان و احد من الشباب كان عنده باسات موديل 2002 و كان يتشكي من اسعار القطع و الصيانة

اذكر مره و الوكاله يسون صيانة لها كانت الفاتوره فوق 9000 ريال

فاليت اذا تكرمت تطرح بعض اسعار القطع

هنا لاني افكر في CC لكن متخوف من قطعها

<-------- طول عمره معه ياباني و بالغلط CLS و عشان كذا ودي اخذ CC لانها مقاربه للـ CLS كا شكل

وانتظر رد و بالتوفيق

والله راي بصراحة السي سي افضل للاسباب التاليه

محرك اقوى
صيانة ارخص
مواصفات اعلى
تقنيات اكثر
فئة اعلى من راي ارى السي سي تنافس الاي كلاس و السي ال اس و الاقرب للسي ال اس

المرسيدس ميزتها الاسم و الشكل رغم ارى الباسات اجمل من نواحي ايضا الباسات اوسع صح انه السي كلاس ممكن يركب 5 في السيارة لكن المساحة لهم راح يكون ضيق عكس السي سي مريحة للكل الاربع الموجودين بالسيارة

ايضا احدى عيوب المرسيدس و عيب كبير بحق المرسيدس و ان ترى سيارة ارخص منها في مواد افخم من المواد الموجودة في السي كلاس البطانة في الشنطة بلاستيك ردئ عكس الباسات قماش و قماش من النوع الفخم

هلا بيك اخوي

مع اني من عشاق المرسيدس

وانه شكل هذا المرسيدس جميل وخاصة بهذه المواصفات لكن يبقى الحجم السيارة دور كبير

وشكل الباسات يبقى شبابي اكثر من المرسيدس وقرأت موصفات الباسات قبل رد عليك ليكون لدي فكرة عنها

بصراحه سيارة جميلة اشبهها مرسيدس CLS بصراحه وطبعا فرق عن C بفرق شاسع


وتجربة السيارة خير برهان

طبعا انا ارشح لك باسات وبالتوفيق

اخوك daij88

سامي .. خبير الVW :P .. شو رايك انت ..؟

VIP 111 .. شكراً لك على المعلومات القيمه .. الباسات فيها مواصفات المرسيدس و اكثر تقريباً و فوق هذا محركها اقوى بوايد .. كنت بفضل المرسيدس على طول لو مكينتها كانت 3.5 اللي تولد 272 حصان .. على فكره الباسات مافيها اللاين اسست عندنا فالامارات .. للحين محتار >< شكراً على ردك الغالي