شركة اليسر لتقسيط , سرقه عيني عينك

موضوع قديم

[COLOR=Red]يغلق

أخوكـ
[/COLOR]

طيب يا اخوان
انا اخذت عن طريقهم يوكن 2010 في رمضان ودفعت دفعة اولى 50 الف وصار القسط 1903 ريال لمدة 5 سنوات ودفعة اخيرة على ما اظن 29 الف
المهم انا ناوي اعطيهم اول قسط في شهر اكتوبر الجاي لانهم اعفوني من فترة سداد لمدة 60 يوم وبعدين تسدد
وبعدين ناوي اني اسدد قيمة السيارة كاملة كاش وارتاح لانها تيسرت فلوسها
فهل تتوقعون انهم يوافقون ؟
قيمة السيارة كاش 143 الف
وبالنسبة للعقد ما اعطوني نسخة منه اقدر اطلبه منهم
انا في الرياض
ارجوا الرد مشكورين

السلام عليكم, وانا ادور بالمنتدى الحلو, لاحظت هالموضوع واللي شدني الكلام فيه من ناحيه المتضرر, ومن ناحيه الاخوة اللي يبون الحقائق......

انا اقدر اوضح بعض النقاط المهمه وبحكم اني من عملاء اليسر واخذت منهم ما يقارب عشر سيارات الى الان, طبعا كلها صفيتها وحاليا في سياره واحده.

اولا اللي يقولون الكاش مافي ازين منه....انا معكم الكاش راحه بال.....بس في ناس كثيرين ما يملكون الكاش.... وش يسون؟؟؟ يسرقون ؟؟ ولا يروح يركب سياره مستعمله ملعون جدفها...... وعشان ما يدخل بالديون واقساط مثل ما قال البعض......طيب نمشي مع بعض...اشتريت فورد مستعمل وب 20 الف نقول مثلا.....وريحت راسي من الايجار بالتملك.....لكن شوي خرب عندي شي..ودخلته للورشه وطلب مني مبلغ معين...ويوم ثاني خرب المكيف... ويوم ثالث خرب القزاز...الخ....بدفع فيه اصلاح ومشاكل المستعمل.....واخر شي ببيع السياره عشان افتك منها ومن مصاريف الاصلاحات واللي كلفتني دل سعر السياره...وهذا مثال بسيط...وروحوا للورش وياما تشوفوا الويلات والمشاكل.........طيب ما عندي كاش انا وش اسوي.....انا ما ودي بعوار الراس ... ابي سياره تريحني من مشاكلها......مالي الا الجديد...والجديد يبيله كاش.... وحكمه الله انه مو كلنا اغنياء...فيه الفقير وفيه الغني......اذن مالي الا الجأ لشركات التقسيط والبنوك..واولا اتأكد من الشرعيه عشان الله يبارك لي فيه..... ومما اروح اخذ سياره يكون قسطها 4000 ريال مثلا وانا راتبي كله على بعضه ما يجي 7000 ريال......افكر زين واحسبها....

طولت عليكم ولكن حبيت اوضح بهالنقطه واللي يقول الكاش...

بخصوص العمل بشركه اليسر وانظمتها....انا اشهد انه كانت بالماضي سيئه وبعض الموظفين سيئين جدا.....لكن بالسنتين الاخيرتين, لاحظت تغيير جذري....تم استقطاب مجموعه من الموظفين الاكفاء....موظفين بنوك وموظفين شركات كبيره....وانا والله اني اشهد بالتغير بالتعامل...مع وجود البعض من الموظفين السيئين ولكن حسب ما سمعت انه في طريقهم للزوال................من الناس اللي استقطبوهم مدارء على مستوى وكانوا يعملون ببنوك كبيره.... ايضا موظفين ومشرفين كانوا يعملون بشركات كبيره.....حتى مدراء المناطق بالمنطقه الغربيه والوسطى والقصيم والشرقيه على مستوى كبير من التعلم والاحترام.....حتى قسم التحصيل تم استقطاب ناس متعلمه وفاهمه عمل التحصيل والمحصل كيف يتم بشكل احترافي.

واخيرا....عمليات الاحتساب.... نعطي مثلا ان السياره سعرها 30000 ريال وانت بغيتها وعلى مده 4 سنوات ودفعت مقدم 5000 ريال وبدون دفعه اخيره, ونحسب ان المرابحه 7% والتأمين 4%
حسب الحسابات راح يكون القسط 767 ريال ولمده 48 شهر والاجمالي حيكون 36816 ريال اضافه الى دفعتك المقدمه 5000 ريال بيكون 41816 ريال

نقول انك انت سددت مده سنه وثلاث شهور ( 15 شهر )
767 ريال في 15 شهر = 11505 ريال
وتوفر معك مبلغ وبغيت تقفل العقد.....وتبي طبعا خصم لانك تبي تعمل سداد مبكر
شركه اليسر حسب نظامها اذا ودك تبي تعرف كم الخصم, لازم تدفع مبلغ 30 ريال.... وهذه تعتبر رسوم خدمه, ومن حقهم يعملوا هالشي بدون ما تعترض, والرد بيكون خلال 24 ساعه بعد التغيير اللي حصل بالهيكله,
طبعا .. لا احد يقول انه الخصم لازم بيكون على السنين الباقيه, الشركه لو عملت ذا وين ربحها...الشركه ما ودها انك تسدد مبكر وتلتزم بالاقساط لأجل تأخذ اربحاها منك.
لكن نقول الحين انه بعد ما سدد المبالغ اللي عليك حسب ما ذكرنا اعلاه المتبقى
الاجمالي 36816 - المدفوع من الاقساط 11505 ريال = 25311 ريال
فالحين انت تبي الخصم على هالمبلغ 25311 ريال

اولا يتم احتساب الاستهلاك......انت لك عميل 15 شهر, يعني تم احتساب المرابحه للسنه الاولى والتأمين للسنه الاولى.....وبما انه تم دخول السنه الثانيه واحتسب عليك ثلاث شهور بالتالي يكون السنه الثانيه محسوبه عليك من ناحيه التأمين والمرابحه, ويتبقى سنتين لك, والشركه لها الحق بأعفائك من السنتين او جزء منها ويحق لك الاعتراض وتقديم الطلب مره اخرى ومره ثالثه, حتى تسقط السنتين الباقيه, لكن هذا ليس بالمجهود السهل ويجب مراجعه الاداره العامه بالرياض لان المناطق الاخرى لن تستطيع عمل اي مجهود اكثر من المصرح لها.

ارجوا ان اكون قد وفقت ولاي استفسار نرجوا عدم التردد

الحين الناس الى تشتكي من البنوك والقروض وشركات التاجير المنتهي بالتملك سوال لو سمحتم لو البنوك ذي والشركات ذي كان ركبت سيارة ولا بنيت بيت ولا تزوجت طبعا بعد فضل الله علينا وعليك !!!!!! كان احد يقدر يسلفك ويصبر عليك وتشتري السيارة الى في بالك !!!!!!!والى يقهرني اكثر في ناس اخذت من البنوك قرض ودخلت سوق الاسهم وخسرت تدرون وش يقولون ؟؟؟؟انواع السب في البنوك والقروض !!!!!! عجبا ولا يلوم نفسة وعقلة وتفكيره ....ياخوي البنك وشركات التقسيط موؤسسات ربحية ماهي جمعيات خيرية ...انا ما دافع عنها ولا احث الناس عليها لكن الحق حق انا اخذت قرض وبنيت فيه بيت واخوي اخذ قرض ودخل سوق الاسهم واكل هواء ..... اذن المشكلة في عقلية ذا الشعب الى مايعرف حاجة اسمها دراسة جدوى وما يعرف حاجةاسمهادراسة العقود ولا يحب انه يتعرف على حقوقه بس داااااااااااااج .....

استغفر الله سود الله وجه
يمــــــــــن حقه عقال على ظهره
ولا يا خووي بلغ علي الاداره
لان حرام واحد زي هذا يشتغل
شفلك حل معاه
اسال الله ان يفرج كربك

إلى الآن لا زلت أنتظر الرد منك بأي رقم أو دليل يوصلني لأوراقك الشخصية بالشركة :)

وبالنسبة للناس الثانية المنهوبة على قولتك .. أي واحد من الناس يحس نفسه منهوب من اليسر يكلمني هنا أو على الخاص ولا يكون كلام فقط .. أرجو إبراز الأدلة عشان يتم توضيح كل شيء حسب القانون لو سمحتم يا إخوان

وكما قلت لكم سابقاً أنا رجل ما أحب الكلام الكثير .. قدملي أوراقك وأنا عيوني أعطيها لك

اللهم أمين ويعين جميع المسلمين , الحذر ثم الحذر من نظام التأجير يا اخوان التساهيل و النتيجه

غرابيل

في البدايه يالغالي كلامي عن نظام الشركه وليس على أشخاص اما بالنسبه للغلط ارجو منك الاستفسار اذا بقي لديك 44 الف ريال و مضى سنه 3 شهور ورغبت بالسداد كامل المبلغ طبعا

راح تفكر بخصم قيمة الفوائد على الفتره المتبقيه ( صح - لا ) الأمر الاخر قيمة التامين على

المركبة 11 الف ريال حين اتصالي تم ابلاغي بان القيمه فقط 6500 ريال ؟ معقوله اقراه في \\

العقد 11 الف و بالهاتف 6500 ريال ؟ , و مجمل الكلام اخي الكريم صوتي رساله تحكي عن

معانات الكثير من الاشخاص ممن تعرض بنظام التأجير الى نهب الاموال بطريقه قانونيه

و بدون حماية من وزارة التجاره للمستهلك و انعدام دورها تجاه تلك الشركات , ولكن هذذ غلطه

نتعلم منها و المؤمن لا يلدغ من جحر مرتين ,

اشكر على مساعيك الطيبه من اجل حل المشكله و التعاون اخي الكريم و بارك الله فيك و اسئل الله

لك التوفيق بالدارين

اشكرك يالغالي على المرور , سؤال ليطرح نفسه وين وزارة التجارة ...؟

اي الله ماغيره الكاش يريح البال , و درس تعلمته ما اعيده مره ثانيه

اخي الكريم اشكرك على المرور , المبلغ اللي تم احتسابه لو تم خصم قيمة الفوائد بالاضافه الى قيمة التامين راح يقل بشكل كبير ولكن اللي صار بانهم يحسبون قيمة الفوائد لسنه و 3 شهور

مثل اربع سنوات ما يتغير شي وهذا العمل ما ارضاه ابدا سواء كان بعقد او بدون عقد المستهلك

اصبح التاجر يتحكم به لا رقيب من وزارة التجاره كي تضع معايير شروط على شركات التأجير او

التقسيط من شركة الى اخرى يختلف العقد لما لا يكون لها مرجع واحد هي وزارة التجارة تضع

الشروط التي تكون بصف المستهلك ولا تضلم الشركات و توحيدها .

اما عبداللطيف جميل في حال رغبتك بالسداد المبكر يتم اسقاط مبلغ كبير مقارنه مع اليسر او غيره

وانا لمن ذكرت شركة اليسر لا اقصد الاسائه الى احد من موظفيها او ذاتهم او تعاملهم ولكن عن السياسه المتبعه و شروط العقد و النظام المتبع فقط

ربي يعين الجميع

اخي الفاضل سؤال هل جربت نظام التقسيط بالوكالة و اسعارهم الخيالية

انا سبق و جربت سيارة اجار و كالة و السعر بعد ما تجمعه يوصل لمئات الالاف لو تشتري فورد بالمبلغ يكون افضل

صحيح الوكالة و انا اتكلم عن تويوتا لا تطالبك بدفعة اولى و لكن شوف الاقساط الشهرية و الدفعة الاخيرة و النبلغ الاجمالي

الان انا قدمت عاليسر و الله بحكم تعاملي معاهم ميسريين الامور و مرابحتهم اقل بكثييييييييييير من مرابحة الوكالة بالرغم انها نفس السيارة و ناس تحاول تساعدك بصراحة مدري لو في شركات افضل منها.

المعارض اذا كانت اسعارها غالية لكن ما توصل لغلا الوكالة صراحة و انا استغرب من هذه النقطة

والله يا اخي الفاضل انا اشوف اليسر رحيمة اكثر من الوكالة و كلامي عن تجربة و مقارنة سيارة من وكالة و من معرض بتقسيط من اليسر

فاتمنى نتحلى بالعدالة و زي ما يقول المثل اذا ما تبغوه حق الله اعطوه

و صدقني المبلغ اللي احتسب عليك افضل بكثيييييييييير لو كان عن طريق بنك او وكالة

و عندهم خاصية التملك و تقسيطها و صح ما تفرق عن الاجار بشي بمعنى الدفعة اللي راح تدفعها اولى و اخيرة في التملك يجمعوها و تدفعها دفعة اولى و السيارة تطلع باسمك و ترتاح و ربك ييسر امور عبيده

تقبل مروري

ياااااااااااااازيـــــــــــــن الكااااش زيـــــناه

الله يعينك عليهم

إمبرا

والله وأنا أخوك الناس بالإدارة أطيب من كذا بكثير .. ولا لهم في رفع القضايا وهالخرابيط :)

من أول الحارس لين المدير .. على العموم أنا أنتظر صاحب الموضوع أن يزودنا بأي رقم يمكننا من التوصل للعقد وبيانه .. عشان نقدر نساعدك لو كلامك صحيح .. عاد لو كلامك مغلوط أو شي .. هذا راجع لك وبينك وبين ربك .. لكن أطلب من إدارة الموقع تحري الأمر وإيقاف اللي صاير

عزيزي .. أنا مالي في الكلام الكثير
ودك نساعدك .. حط لنا Ref. Number أو رقم العقد ونساعدك

ودك تسوي أفلام وسبق صحفي في نهب الشركات وإشاعات .. عاد الطريق ممهد لك ولكن أخرجني من دائرة الشك لو سمحت

وللعلم ,, أنا كلمت صديقي اللي بالإدارة العليا اللي بالرياض
وقالي مستحيل نعطيه فوايد على سيارة بــ 37 ألف توصل الإجمالي 100 ألف ..
وقام يضحك .. وشرحلي كيف يتم احتساب التأجير + التأمين لكل مشتري يقدم على الشراء
وتوقيع العقد

وبحسبة بسيطة حسبتها لحالي ... طلع إن الطبيعي لا يفرض غبر 70 ألف وشوي

ثانياً : بالنسبة للتراجع عن التأجير ودفع المبلغ كامل .. الأخ أرسلي نسخة من العقود المعمول بها وأحد الشروط أنه في غرامات أو مصروفات بيدفعها كل من يتنازل عن الإيجار أو يريد دفع ما تبقى كاش وهو ما يأتي خلافاً للعقد الموقع عليه العميل والمعمول به طيلة فترة الإيجار

ثالثاً : احمد رب العباد إن هذا التمويل تمويل من شركة اليسر .. لو كان تمويل من بنك كان شفت الفوائد اللي تراكمت عليك في كل الشهور اللي تأخرت في دفعها

رابعاً : إدارة شركة اليسر بالرياض وليست بالأحساء .. ولن يستطع أحد من كوادر العمل من الإدارة بخارج الرياض بأن يبت في موضوع كهذا .

خامساً : أرجو منك أن ترفق بعض ما يثبت مما تقول .. كي نصدق .. لأني الصراحة لا أصدق حتى أري بعيني .. وأرجو أنك ما تتحسس من الكلام هذا .. لأني أريد للحقيقة أن تظهر .. سواءٍ لصالحك أو لصالح الشركة .

وفي الأول وفي الآخر إحنا نبغا نظر الحق .. ونحل الموضوع لو تبغا