هذي المشكلة تحدث للموديلات القديمة من 98 ،99، 2000 ويمكن 2001 (ماشيكت عليه) ونادرا جدا من الميكانيكيين يعرفونها. وحلها بسيط بس أدع لوالدتي بالشفاء وخل اللي بتوديها له يسويها ببلاش (أجرة تعليمك أياه) لأنه ما رايح يعرفلها الا اذا كان نبيه جدا أو تعامل مع الفوردات بانتباه شديد وللغاية.
يوجد مسمارين (حقات التوازن) في الفلنجات االيمين واليسار وهي عبارة عن مسمار وعليه صاموله يحك في البدي الحديد عند اللفات. وخل الميكانيكي يرفع السيارة ويجييب شحم ويدهن الصامولتين دار مادار زي ما يقولون باكملها وبعدين يجيب قطعة من لي قوي أسود ويدهنها من الداخل و يكبس القطعة بمطرقة الربل بحيث تكون الصامولة داخل اللي ويقص الكمية الزائدة من اللي ثم يشحم اللي من الخارج ايضا، ويسوى نفس الطريقة في الجهة الأخرى وانس الموضوع نهائيا وأنا جربتها بعد ملاحظات طويلة وتجارب حتى وصلت الى هالحل والرجاء تفيدنا بما تم ولا خير فيمن يكتم العلم.
أرجو لك التوفيق ولا تنسانا من دعاءك الصالح.
سبحان الله وبحمده سبحان الله العظيـــــــــــــــــــــــــــــــــــــــــــــــــــــــــــــــم
أولا اسأل المولى عز وجل ان يشفي والدتك ويلبسها لباس العافيه وان لا يرها بأس
ثانيا المديل مثل ما ذكرة 98 والطريقه مفهومه جدا غدا باذن الله سأجربها وافيدكم بما حدث
