متي يكون الدبل شغال

سمندرا @user_189631 · 12-10-2009

السلام عليكم ورحمة الله وبركاته......

وكل عام وانتم بخير......
من كثرة مدحكم في هذا المنتدى للتاهو....

شريت ... تاهو 2009لون اسود LT
والحقيقة اني .. اثق في أعضاء هذا المنتدى...... وأني شريت السيارة
بناءً على كلامهم عنها.....
والحمد لله سياره ..... ممتازه وماعليها كلام.....
ولكن عندي بعض الإستفسارات..... وارجوا منكم توضيحها لي

1 ـ بالنسبه للدبل متي يكون شغال ومتى يكون مفصول لأن فيه لمبه حمرا دائماً شغاله
أنا طبعاً حاطه على M1 بس احسه ثقيل
2 ـ انا توي مطلعه وماشي الحين3000هل انت ظر لين يوصل 5000 واغير الزيت في الوكاله
والا اغير الزيت هلحين ؟ وماهو نوع الزيت المناسب؟
ولكم خالص شكري وتحياتي

صديقكم الجدد / سمندرا:c0214:

abu_raghad @user_93479 ..:: TAHOE//YUKON GRP. MEMBER ::.. · 14-10-2009

تراني ماني خبير بس احاول اساعدك وبصراحه كل المعلومات اخذتها من هالمنتدى الشامخ والشباب ما يقصرون الله يعطيهم العافيه ، ، ،

شوف الصوره فوق رقم 1 : اللمبه لازم تكون شغاله على أي وضع تختاره

رقم 2 : يتحرك ويكون على الوضع اللي تختاره

" اولها من اليسار الدفع العادي وهو الخلفي ثم الاوتو ثم الخفيف ثم الثقيل ثم وضع الفاضي N و يكون مخفي "

* منقول بعد اذن أبو هذال . . .

وبالنسبة لوضع M = Manual يعني يدوي وتبدأ + و -

وهو مخصص لصعود المرتفعات والجبال وفي حالات السحب

وهذا مقطع لتجربة يوكون دينالي يمكن يفيدك ترا التاهو واليوكون عيال عم

http://www.youtube.com/watch?v=nSZtACkKivQ&NR=1

رجل قانون @user_169394 · 13-10-2009

اخي سمرند توقف عن قيادة السيارة فورا .... فاحتمال يكون الدبل شغال عندك .... والاستمرار بقيادة السيارة مع الدبل بيسبب لك مشاكل كثيرة فى الدبل والقير ...
تاكد من اطفاء الدبل ..... اولا ضع القير على الوضع الفاضى ثم حرك الدائرة الى اقصى اليسار ولا تحرك السيارة الا بعد ان يتوقف الوميض ......

عادي جدا @user_150137 · 13-10-2009

س

سمندرا

يعطيك العافيه يا ابو هذال ... انا مرجع الدبل لآخر شي يسار الي هو N1 واللمبه الحمراء دائماً شغاله ... هلي يعني هذا انه مو شغال الدبل :c0214:
ولك خالص الشكر

ياليتك تنزل صور للوضعيات اللي عندك

سمندرا @user_189631 صاحب الموضوع · 12-10-2009

يعطيك العافيه يا ابو هذال ... انا مرجع الدبل لآخر شي يسار الي هو N1 واللمبه الحمراء دائماً شغاله ... هلي يعني هذا انه مو شغال الدبل :c0214:
ولك خالص الشكر

أبوهذال @user_79203 · 12-10-2009

طيب اعطيك اقتراح بسيط

انت اذا جيت تمشي طبيعي خلك على D فقط

و رجع الدبل الى آخر شي يسار

ثم اقرأ الكاتلوج على رواقة او رح الوكالة وهم يقولون لك كيف تتعامل مع موترك !

سمندرا @user_189631 صاحب الموضوع · 12-10-2009

يعطيكم العافيه جميعاً ...
وشكراً يا ابو هذال ..... وابي استفسر منك ....
اذا ابي امشي بدون دبل....... كيف؟
احطه على N1
لاني من يوم طلعته وهو على N1
وكيف الوضع المخفي الي تقول.....
والمعذره ... على كثرة الأسئله

أبوهذال @user_79203 · 12-10-2009

اهلين سمندرا و الله يعطيك من خيره و يكفيك شره

اولا ما فيه شي في الدبل اسمه M1 هذي في القير فقط !!!! القير فقط حطه على D دائما و الـ M هذي اختصار لكلمة مانيول يدوي تحط القير على هالوضع و تتحكم في القير من خلال الـ + و - اللي على عصا القير و تطلع لك الارقام حسب النمرة اللي السيارة عليها

الدبل موجود على اليسار اولا دائرة اللمبات بجانبها دائرة الدبل و فيها 5 اوضاع
اولها من اليسار الدفع العادي وهو الخلفي ثم الاوتو ثم الخفيف ثم الثقيل ثم وضع الفاضي N و يكون مخفي
الخلفي والاوتو و الخفيف تقدر تنقل بينهم وانت تمشي بشرط ترفع رجلك عند الدواسة اما الثقيل فلازم توقف وتحط القير بـ N وتعشقه و نفس الطريقة تفصله طبعا لا تدعس على الموتر كثير ولا تتعدى سرعة 30 الى 40 بالكثير في حالة الدبل الثقيل لانه يخرب لك الدبل

اما الزيت فخلك على مواعيد الوكالة

و لافضل معلومات راجع الكاتلوج المرفق مع السيارة و راجع الوكالة ايضا

حاسب الاحساس @user_177551 · 12-10-2009

وعليكم السلام ورحمة الله وبركاته
حياك الله اخوي و مبروك عليك الموتر
بودي افيدك اخوك بس انا مثلك توني مطلع يوكن 2009 slt اسود ماشي 2000 كم
و اتمنى من الأخوان يفيدونا

salehhd @user_17805 · 12-10-2009

السلام عليكم

حياك الله عزيزي ومبروك السيارة والله يعطيك خيرها ويكفيك شرها

خير من يفيدك عن السيارة اصحابها لذلك اترك لهم الاجابه