ماخاب من استشار ..

السلام عليكم ..

يالغالين انا ناوي اطق موتر ان شاء الله بس محتار الصراحه .. و قلت استشيركم .. منها انا استفيد و اللي بنفس حالتي يستفيد ..

لعل و عسى تفيدوني اذا عندكم خبره .. خصوصا اني مااني مرره في مجال السيارات ..

عموما انا ميزانيتي بحدود الـ 85 ألف .. و احترت بين سيارات كثير الصراحه .. بس اغلبها ماهي فل اوبشن طبعـاا ..

اولهـا رحت شفت الفورد فيوجن .. بس بعد ماشفت المواتر الثانيه طلعتها من راسي ..


بعدين رحت لوكالة هوندا .. و شفت الأكورد سبيشآل تجي فتحه و جنود اصغر من الفل والشاشه اصغر والمساكات نفس لون السياره .. ( يعني فيها مميزات أقل من الفل ) تقريبا سعرها بـ 85 الف


بعدها رحت لوكالة مازدا .. و شفت المازدا 6 الترا .. و صراحه شكل السياره مره حلو ..

بس سألت عن الفل و طلعت بـ 100 :( :( :( ..

وشفت الستاندر اللي اقل من الفـل تجي 4 سلندر .. وفيها 6 اختلافات تقريبا .. هذا اللي اخذته من الوكيل .. اللي هي الصدام الخلفي مايجي شكمانين نفس الصور اللي بموضوع ابو اسد .. فتحة السقف ماهي موجوده بالستاندر .. مراتب مخمل .. الجنوط تختلف لكن حلوهـ .. انوار عاديه ماهي زينون .. المكينة طبعا 4 سلندر ..



بعدها رحت للتويوتا .. ( على انه ماكان ودي لأن اشكال سياراتهم كلاسيك و بكل مكان )

الكامري >> ممنوعه ..

شفت الأوريون .. اقل نوع بدون فتحه يجي بـ 83 تقريبا و مع فتحه يجي بـ 86 و هذا اللي خططت عليه .. جي ال اكس بفتحة سقف .. طبعا المستشارين كلهم مشغولين ما احد عطانا وجه ..

ولا كانت موجوده بالعرض اللي هي جي ال اكس بفتحة سقف .. كان موجود الفل اوبشن ام شاشة اللي تصك الـ 100 بالراحه ..

فما اعرف وش مواصفاتها ووش تفرق اتمنى تفيدوني و تنصحوني يا اخوان ...

وسمعت برضوا ان الـ 2010 راح تتغير شي بسيط و راح تنزل في 20 رمضان و بنفس السعر ..

فما ادري هل فعلا بتنزل بنفس السعر ... ؟ او تنصحوني اصبر شوي ممكن تقل اسعار بعض السيارات .. ؟؟

ولا تقولون لي على موتر اتووكل على الله و اطقـه ..؟؟



والله يجزاكم خير و يرزقكم .. و راح ادعيلكم من قلبي ...