السلام عليكم ورحمه الله وبركاته
أحب بالبدايه أبدي أعجابي الكبير بالمنتدى وأعضاءه الكرام
الصراحه يعتبر مرجع كبير بكل مايتعلق بالسيارت
عندي مشكله جننتني بالرنج وان شاءالله ألقى لها تفسير وحل عندكم
قبل سنه ونصف تغيبت خارج البلد لمده سنه كامله .. خلال هذه الفتره ماتم تشغيل السياره الا بعدد أًصابع اليد .. كان أخوي يشغلها بمعدل كل شهرين مره وبعدها يفصل البطاريه
بعد مارجعت وبمجرد أني أدرت مفتاح التشغيل بدأت السياره بالنفضه واسمع صوت المحرك بس بطريقه غريبه وحتى جربت ادعس بترول مايستجيب المحرك .. وظهرت أشره المحرك على الطبلون
أقرب تصور لحاله السياره .. أنك قاعد تشغل عراوي كربيتر وليس بخاخ بأيام الشتاء البارده
الصراحه خفت ليكون شي يخص المحرك وطفيتها .. وقعدت احاول اشغل وبمجرد اشوف نفس الموضوع اسارع بأطفائها
خليتها على اساس ثاني يوم بجيب لها بركدون وبوديها الوكاله
اليوم التالي قلت اجرب اشغلها قبل التوجه للوكاله .. والمفاجأه انها اشتغلت بشكل طبيعي
ورغم هذا رحت للوكاله وشرحت لهم الموضوع ومالقيت اي جواب .. الا معلومه وحده بأن اشاره المحرك التي كانت تظهر وقت المشكله هي اشاره الدينمو وفسر الشخص المختص بالوكاله بأن احتمال الدينمو قد ضعف نتيجه لوقوف السايره الطويل ونصحني بأستعمال السياره بكثره
الموضوع مر عليه 6 شهور وكل فتره والثانيه تطلع المشكله واليوم كانت آخرها وبزياده شي واحد ,,
أثناء تشغيل المحرك الغريب طفت السياره بروحها
حاولت مره وثنتين وثلاث مافي فايده ,, رجعت لها بعد 4 ساعات واشتغلت بشكل طبيعي
هذه مشكلتي بشكل مفصل .. وأن شاءالله القى لها تفسير وحل
وجزاكم الله خيرا
