ابي مشورتكم في مراوح للومينااا

اخوي الكريم نصيحة لوجهه الله وما ابي منك الا الدعاء

انا من اكثر الناس الي واجهو مشاكل في حرارة السيارات والحمدلله على كل حال وكانت لي تجربة مع اللومينا

اخوي الحرارة المفروض تكون ثابتة والمؤشر ثابت سواء ليل نهار مكيف شغال او لا

اذا الحرارة تتغير عندك من وقت لاخر فهذا يدل ان في مشكلة

والغالب ان بلف الهوا ماهو موجود والعاده يشيلونه بالصيف او اذا كان في مشكلة حرارة بالسيارة لانه يتحكم بدخول الماء للمكينة واذا شلته يدرعم الماي بدون تحكم بكميته ويبرد السيارة اكثر


بالنسبة لسؤالك انصحك تشوف وين العلة بالسيارة ..

تاكد من
1) المراوح شغالة
2) الراديتر والنظام كامل مافيه تهريب والماي يمشي فيه بسهولة ولا هو مسكر من داخل
3) طرمبه الموية شغالة
4) البلف موجود

ولا تركب مراوح زياده وتلعب في كهرباء السيارة وتتوهق

مراوح الللومينا قوية ومصممة انها تحافظ على الحرارة ثابتة بعز الصيف بس عندك علة بالسيارة ولازم تتاكد منها


تأكد من وجود البلف اول شي لاني اتوقع 99 بالمية ماهو موجود عندك (( حسب كلامك ان الحرارة تتغير بالليل والنهار ))

واذا كنت تسرع وتنزل الحرارة هذا يأكد عدم وجود البلف

بالتوفيق