مشكلتين في قراند ماركيز موديل 2000

[إبن الحرمين]

السلام عليكم

يا شباب طلعت لي مشكلتين وابي اعرف من وش الحل معها.

1- فصلت صباع البطرية ورجعته قام طلع عندي صوت طقطقة ( طق طق ) مستمر من يوم ما اشغل السياره ومحلة تقريباُ خلف المكيف او في الطبلون او خلف المسجل ما ادري بس هو في هالمكان مزعج ولاهو راضي يروح له يومين.. وترى الصوت داخل السياره يعني ما احد يقدر يقول انه في المكينة اوفي الكبوت..

2- ازارير الارقام السرية بعضها شغال وبعضها لا .. مدري وش العله؟

3- يوم اقفل السياره واضمنها بعدها بشوي تولع لمبة القف لوحدها وتاخذ شوي وتطفي و بعدها بشوي كمان ترجع تشتغل وتطفي الين خلصت عليا البطارية ..

اتمنى تجدوا لي حل يا شباب

[ابو خلود.]

الاولى قسام المكيف الحار بارد خربان خليه يفصله لك فصل بس راح يكون على البارد بس وش حاجتك بالحار اصلن بالجو الحار
الثانيه مدري بس دامها خربانه خل احد يفحصها او يفصلها


لمبة السقف كانت غاثه اخوي بس ما كانت ترجع تشتغل من حالها

[خالد338]

يا خوي إبن الحرمين حياك الله
بالنسبة للمبة السقف المشكلة حصلت لي وجلست قرابة أربعة شهور أعاني منها
غيرت مفتاح النور جديد وكالة على كلام الكهرباء بعد ما فحصه ومازالت المشكلة قائمة ولكن
المشكلة انحلت بفصل سلك الرقم السري للباب وكذا أنتهت

[klee_wfaa]

اخوي بالنسبة للمشكله الاولى هو محول المكيف للحار او البارد الغه وخلاص وسعره حول 140 جديد
المشكله الثانيه والثالثه سببها التماس بأزرار الباب نتيجه دخول مويه بعد الغسيل
وحلها انك تفصل الازرار نهائيا ( عن طريق فك الديكور للباب وفصل السلك ) او تغيرها وسعرها اذكره حول 200 ريال
طبعا النور الداخلي يولع لان الالتماس من الازرار فكأن احد ضاغط ع الازرار

[إبن الحرمين]

بيض الله وجيهكم يا شباب وإن شاء الله بروح افصل المحول حق المكيف واغير ازارير الباب ما دام البلا منها أو اني افصلها وأرتاح...

وراح ارد لكم خبر بإذن الله

[عاشق ماركيز2001]

بالنسبه للطق طق بداية التشغيل رش ع الاصابع ماء حار ثم نظفها وانشاءالله تروح