[CENTER]السلام عليكم
أنا أخوكم من الإمارات إشتريت ولله الحمد كراون فكتوريا من لوكالة 2009 ستاندرد من غير أي مواصفات (لأنه الإستاندارد هو فقط الموجود عند وكيلنا!!!)
طبعا كما تعلمون الكراون فكتوريا غير مشهورة ولا مرغوبة في الإمارات ..... بس أنا إشتريتها لأنها تلبي إحتياجاتاي ورغباتي...
المهم......
بعد أول 1000 كم إستخدام لاحظت السيارة تسرب زيت في المنطقة فوق الإطار الخلفي!!!!!!
وديتها الوكالة وصلحوها وبدلوا القطع اللازمة على الضمان!
بعد ما كملت 16000 كم إختربت معاي طرمبة البنزين ووقفت السيارة على الطريق السريع!!!!
طرشولي الوكالة خدمة قطر السيارات وبدلوا الطرمبة على الضمان!!!
ولين يومك اعاني من مشكلتين ناوي أخبر الوكالة عنهن عل التشييك القادم:
1- أسمع صوت طقطة داخل الطبلون وخاصة يوم يكون المكيف مسكر
2- السيارة دايما تحذف يمين، على الرغم من إصلاح الوكالة المتكرر للمشكلة واستبدالهم لإطارين، طبعا كله على الضمان اللي أنا محلل فيه جيمة السيارة :smilie16:
الزبدة وآسف على الإطالة:
شو سالفة سيارتي أحسني مغشوش فيها كل مشكلة وأنا بصراحة محبط وايد .... شوركم وهداية الله يا خبراء الكراون فكتوريا....... هل سمعتوا أي عيوب على موديل 2009؟؟؟؟
وشكرا
[/CENTER]
