سؤالي للاخ فني سيارات وش اسم القطعه الخربانه بالظبط عشان لايلعب علي الميكانيكي
اروح له واقول المشكله كذ كذا افحصها وان كانت هي فعلا المشكله اغير القطعه وارتاح
هناك حل وهو رفع ريس البنزين شوي من الاكسليسر
او تعديل العطل وهو من تدفق البنزين بزيادة من الخانق (الجوك)
السيارة وهي باردة تحتاج الى بنزين زايد شوي وفيه قطعه مسؤوله عن تنظيم هذا الموضوع وهيا لي خربت عندك وهي في منفول او على راس البخاخ مع الريس البنزين
و السيارات القديمة يكون واصح فيها المايسمى الشفاط او الجوك ومعادلة البنزين مع معدل الهواء
اخي العزيز ابو احمد مشكلتك تحتاج الى وقت في الفحص لكن ممكن افيدك ان شاءالله بالنسبة الى انه بعد ما تشتغل وتطفي قد تكون في ( مجس قياس حرارة المحركECT- مضخة الوقود وتغذيتها بالفولت المناسب ومعدل كمية التدفق منها- منظم ضغط الوقود في المحرك) هذه اقوى احتمالات وان شاءالله تنحل مشكلتك اخي .
ملاحظة اخي// هذه الاحتمالات هي السبب فقد تكون هناك احتمالات اخرى او حدوث عطل كرد فعل لعطل اخر في المحرك او ما شابه لكن حسب ما قرات مشكلتك تكلمت بما عندي :)
يا أخوي ما أعتقد أنا مغير البطارية ومغير الدينمو والبواجي على ماتقلون إلا هي البلكات و لا زالت المشكلة قائمة عندي نفس مشكلة الأخ ولكن بحسب ما طرح في المنتدى على من حلول ومن أصحاب الورش كانت تصب في وجود خلل ما في الأماكن التالية:-
1- حساس الهواء قد يكون محتاج تغيير وليس تنضيف لأنه لا ينظف.
2- حساس الريس يحتاج إلى تغيير.
3- حساس عمود الكرنك كما تسموه إللي هو حساس كام شافت.
وأخيراً تنظيف البخاخات وتغيير فلتر الزيت وتشييك مضخة الوقود وفحص ضغط الهواء لأن على مافهموني أن أنخفاض ضغط الهواء يؤدي إلى إنطفاء السيارة.
وللحين أنا ما سويت إلا إللي قلته ما فيني شدة أدفع على الفاضي لأنى أنقهر لما أدفع وما ألاقي نتيجة
وبعدين ما أحب أحد يعبث بالسيارة لأن كل ما تنفك أصحاب الورش أو الوكالة لازم تنقص عدد البراغي أو الوصلات أو يكسروا شي وما يقلون وإنت ما تلاحظه لأن في مكان يصعب الوصول إليه بالنظر وخايف ومتضايق من المشكلة في نفس الوقت لأن الأشياء المبينة أسعارها غالية جداً بس ما أدري بالنسبة لسيارتك كم الأسعار...
هذا وإنت على راحتك.. والله الموفق وإذا لقيت حل نورني وياك الله يخليك،،، أسأل فني السيارات آراءه في الغالب منطقية .
يالغالي انا حصلت معي هالمشكلة .. عندي ماركيز 95 >> طلع برأسي مزراع نخل المهم يالغالي اول شئ ممكن تكون اشياء بسيطه شيك على اصابع البطارية بالبداية نظفها وشف .. واذا لزم غيرها > اذا هي معدومه اذا مافاد الموضوع يمكن البطارية ضعيف شيك عليها هي والدينو > رح لاقرب محل زينه يفحص لك البطارية والدينو ... ببلاش لا يأخذ منك فلوس ويقول مدري وش ومدري وش قله شف البطارية تبي شحن والا لا ... وهو بيفحصها ببلاش ... اذا كل ذا سليم .. شيك على افياش الانوار الامامية يمكن فيها التماس .. فك الشمعات وحده وحده وشف الفيش اذا ذايب والا محترق .. واذا هذا كله سليم .. شيك على زيت القير .. اذا عشقتها بالدي ودس بنزين تسمع طقه ..اذا ناقص بتطفئ السيارة فجأة كذا يعني لو رحت مشوار مثلا ووقفت عند اشارة تحس السيارة ترجف ثم تطفئ .. ترى صارت لي شيكت على زيت القير طلع ناقص علبه زدتها والسيارة ماعاد تطفي علي .. اتمنى اكون افدتك يالغالي ... واي شئ عن الماركيز انا حاضر ... بساعدك بالمشاكل اللي واجهتها ..
ما راح تزبط أن معى نفس السالفة وعارض هالموضوع في المنتدى ولحد الآن ما طلع أي حل للمشكلة ولحد ألحين أسوق السيارة بنفس الطريقة إللي يسوق فيها أبو أحمد أدوس بنزين وبريك وعاد ما أقول لكم في الزحمة شيصير بأعصابي،، والنكته إن هذي الحالة مو دائمة مرات ومرات حسب الجني إللي فيها بس تكرر في اليوم وايد ،، قالوا حساس الهواء وغيرته سعره عندنا فالبحرين طلع ب 800 ريال تقريباً أي 80 دينار وكانت النتيجة سلبية،، وغيرت فلتر الهواء ونظفته بس ما في حل وبصراحة فلست لأن قالوا لي حساس الريس أو حساس ثاني مو ذاكر أسمه والأثنين ب 1200ريال 120دينار قلت لا صراحة السالفة ما تسوى خله جذي لين أعرف أساس المشكلة وأتأكد و الوكالة الله يخلف عليهم بس يبون فلوس رسوم الفحص بالكمبيوتر غالي حق كل حساس 150 ريال بالإضافة إلى شغل اليد 20 ريال وشغلهم بالساعة كل ساعة 300 ريال يعني يحتاج الواحد قرض جديد حق تصليح السيارة وبرى الورش جداً متطورة ههههه عموماً أخوى إذا لقيت حل فيدنا الله يخليك لا تنسى أخول
