إخواني الاعزاء أعضاء هذا المنتدى الراقي بطرحه وأعضاءة ومنتسبيه من إداريين ومشرفين ..
<====== يبي يسوي موضوع رسمي ... |10|
موتري سابقاً .. مثل هذا اللي تحت بس لونه أبيض
صح توقعكم .. فورد F-150 .. موديل 1999 ...
خلال هالشهر شهرين .. راح أطلع موتر جديد إن شاء الله ..
وأبغى شوركم .. وأنا واحد الصراحه ما يبي يطلع من عند الفورد <=== من يجربه ما يخليه ..
طبعاً قلت لنفسي .. خلاص تعبت من هالبعير ... أبي شيء أصغر .. ودي أجرب سيدان مرة في حياتي ..
لأن طول عمري ما كان عندي موتر غير ذي الدعله اللي فوق .. اللي بورثها لأخوي الصغير ..
قلت مالي إلا الكراون فيكتوريا .. مافي مثلها .. سيدة العصر الماضي والحاضر في قاموس FORD
لكن ما إن دخلت توكيلات الجزيرة .. وخلاص عزمت .. الشهر الجاي بيطلع القرض من البنك وآخذها ..
قبل لا أمشي من التوكيلات .. إلا المسووق السعودي هناك .. سحبني .. قال وش رايك في مواصفات أحسن وسعر أفضل بكثير ..
قلت له .. بتسوي لي خصم ؟؟.. جزاك الله خير :c024:
قال لي لا ... بوريك الفورد الفايف هندرد .. ..
قلت له .. شفتها من قبل على التلفزيون .. حالها وحال الأبيكا واحد .. ما تصلح لي ..
قال تعال أنت بس ولا عليك ... إن ما إقتنعت فيها أنت .. فالكراون موجودة .. ماهي بطايرة ..
قلت له توكل على الله .. وخذني لزاوية الفايف هندرد ....
وأطالعها ... :c024:
ناظرتها من بره ... وناظرتها من داخل .. فتح لي الكبوت .. فتح لي الشنطه .. جلسني بوسط السيارة ..
طلعت .. وأنا وجهي متغير .. وش ذا الموتر ...
قلت له يالحبيب .. انا أبي موتر ستاندرد ... ما أبي فل أوبشين ...
قال لي هاذي الستاندرد ... .. فكت راسي زيادة .... وبدت الفيكتوريا تنمسح من راسي ؟؟؟
قعدت أفكر أفكر أفكر ...
ياخي مواصفات خيال بالنسبة لموتر ستاندرد .. ..
والإضافة اللي عليها .. إنها أرخص من ستاندرد الفيكتوريا على كل المواصفات اللي بها ..
الفيكتوريا .. قال لي بـ 87 ألف ريال سعودي ... والفايف هندرد بـ 78 ألف ريال سعودي .. طبعا ثنيناتهم 2009
وأنا محتار ... حيرتي الوحيده بشيء واحد بس ...
كيف قطع الفايف هندرد ؟؟؟ هل هي متوفرة ؟؟
كيف أسعارها قطع الغيار؟؟؟ هل هي مناسبة ؟؟
لأني متعود على اللي كان عندي .. قطعه موجوده ورخيصه .. وتقدر تلفق قطع غيار الويندستار عليها
مشاكل السيارة وخراباتها؟؟؟ هل بان خلال فترة نزولها أي مشكلة تطرأ على الموتر ..
ومن الأشخاص اللي جربوه ...
أنا قريت تقريباً موضوعين عن الفايف هندرد في هذا المنتدى .. لكن ما وصلت لي المعلومات اللي أبيها
التسائلات اللي فوق .. هي أهم شيء بالنسبة لي ..
أحتاج خبراتكم ...
ونصائحكم ..
أنا ما سألتكم عن الفيكتوريا .. لأن الكل يعرف الفيكتوريا ...
وشكراً لكم .. :)
