ويستمر مسلسل سرقة الاستبنة ووو داخل السيارات انتبه قد تكون التالي

شباب الموضوع من 29-12-2008


وين مشرفنا العزيز يغلقه :smile:

احلى سلسله وقفل .. واحلى ربط والمفتاح معاك .

الله يلعن هالحرامية الي ما يتوبوا .. نصيحة لا تخلي اي شي ثمين في السيارة وان اضطررت غبيه لا تخليه مكشوف لان اي شخص يمرويشوفه يمكن يسرقه غطيه ولو وبورقة كلينكس اهم شي لا تخليه مكشوف .. الله يعين الجميع

اللي عنده حوش يكفي للسيارة ، يصفط السيارة بالحوش ، والله يعينه على الدخلة والخرجة
وجهاز الإنذار أصبح مهم جدا

ماشاء الله عليكم ياهل جدة .

عقبالنا ياهل الرياض .

يا اخوان الحين هذي السرقات كلها في الرياض .....؟؟؟ غريبة .. العاصمة وفيها كل هالسرقات .... حنا في جدة والله مافي سرقات الا نادرا والحمدالله

السلام عليكم

يوم الاحد الماضي كنت في العريجاء

كان عندي دوره الله لاتعيدها من السبت للثلاثاء

سمعت صوت الانذار ثواني وسكت !

كامري 2010
يوم نزلت والقى المثلث مكسور

والاستبنه مسروقه

كان في الشنطه عفريته وعده وشنطه سلامه وطفايه حريق وكلها لم تسرق !

السارق محترف انا حاط كيس زباله معلقه في القير لقيه شايله من محله وحاطه على القير
وفيه مناديل حاطها بالدرج الصغير اللي قدام القير لاقيها منظغطه

طبعا انا مفرط لاني نسيت اأمن الشنطه سبحان الله مكتوب

بلغت الشرطه طبعا

اللي قاهرني وشلون سكت الانذار
( لاحظت النور اللي داخل السياره على وضع off نور السقف )

السلام عليكم
اخواني ممكن تفيدونا عن الإنذار اللي يشتغل مع الجوال شلون ووين القاه وبالنسبه للسعر ما يهم ارجو منكم الإفاده وفقكم الله

الفكتوريا اللي معي انسرقت مرتين

المره الأولى كنت موقفها عند البيت
ويوم نزلت الصبح لقيت القزازه مكسوره والاستبنه مسروقه

المره الثانيه كنت موقفها عند العمل وتارك الجوال فيها
يوم رجعت للسياره لقيت القزازه مكسوره والجوال مسروق

قلت مالي الا اركب جهاز انذار
وركبت لي واحد من زيبارت بـ1250 ريال

مرات اسمع الانذار يشتغل وانزل للسياره ما القى احد..!

الله يعنيك يا اهل الرياض

يا حبايبي ركبوا جهاز انذاااار من الانواع الممتازة الي تقدم خدماتها مثل اذا صاح الانذار يرن الجوال وما الى ذلك صحيح يمكن تخسر 1000 - 2000 بس تكون مرتاح البال

ههههههه والافضل اطبع ورقة واكتب عليها :: عزيزي السارق .. هذه السيارة لا تحتوي على مقتنيات ثمينة كالنظارة والبوك واللاب توب وايضا لا تحتوي على الاستبنة لذلك نرجوا منك سرقة سيارة أخرى ،،، وشكرا


احلى حل

اعتقد هم شاطرين في القسايم والسرعه وهات الاي بجيبك ولكن احد يسرقك مالهم دخل ما ادري والله ويش هذا الامبالاه وين الدوريات اليليه

والله يا اخوان انا البارح انسرقت سيارتي
طبعا دخلت المنتدى ادور اي شي يحفزني نفسياً لكي اصبر نفسي :smilie20:من شاف مصيبة غيره :smilie20:هانت عليه مصيبته:smilie20:
المهم
مكان السرقه: الرياض حي العزيزيه
الوقت :الساعه 6 المغرب
نوع السياره :كراون فكتوريا 2009
جاي ابطلع من البيت والله العظيم اول مره تصير لي تفاجأت الا والقزاز مكسور واسرعت اشوف الوضع
والا اشوف الدرج مفتوح كنت واثق ان الإستبنه ما رح تنسرق عشان كنت مسوي تأمين القفل للشنطه
لكن هههههههههههه:bigggrin: مايعوق معهم قام ابن الحرام خلع زر فتح الشنطه اللي في باب السائق وقام بتشبيك الأسلاك وفتح الشنطه وسرقو الإستبنه واللاب توب ونظاره وعطر وبوك حاطه بالدرج فيه بطاقات مالقو فيه فلوس ورموه جنب السياره
المهم رحت لقسم الشرطه وربي قهر قهر
سويت بلاغ قال تعال الصباح بكره ومعك خطاب من شركة التأمين قلت طيب
اتصلت على اخوي قال رح الصباح للشرطه وخذ منهم خطاب على طول افضل من تروح للشركه والمشاوير الفاضيه
رحت الشرطه وربي ارتفع ضغطي بين المكاتب كل واحد ينطلني على الثاني
قالو الظابط اللي عنده الأوراق ما يداوم الا السبت واليوم الأربعاء
حاولت حاولت مافي فايده المهم رحت للمدير ونشبت له ولا طلعت الا بخطاب ورحت لشركة التأمين وما اخذت عندهم ربع ساعه وحولوني على شركة توكيلات الجزيره ورحت لهم قالو تعال االسبت بدري عشان السياره لازم تجلس عندنا يومين على الأقل قلت توكلنا على الله يوم السبت ابروح لهم
لكن من جد كيف نتخلص من هذي الآفه
انا عن نفسي قررت اركب كاميرا مراقبه والشاشه عندي في الصاله فوق التلفزيون واتمنى اشوفهم واقسم بالله لأخليه يفتح فمه على الرصيف وأحط رجلي على مقفاه وأخليه معاق طول حياته لأن الشرطه داجين ماعندهم سالفه
وادعو معي على اللي سرقني وسرق المسلمين
اللهم إني اسألك باسمك الأعظم اللذي إذا دعيت به أجبت وإذا سؤلت به أعطيت أن تجمد الدماء في عروقه وتجعله بالشلل
آسف آسف على الإطاله سامحوني :xyxwave:

الله يكون في العون

السلام عليكم ،،،

فعلا نتمنى من الأخوة الأعزاء مشاركتنا أفكارهم وتجاربهم في الطرق التي يمكننا تطبيقها لمنع السرقات...

الأخ صاحب جهاز الانذار ابو 1700 ريال ممكن معلومات أكثر عن الجهاز واين يتم تركيبه؟

حسبي الله عليهم المفروض تتطبق فيهم اقصى العقوبات ومن المفروض كل واحد اذا سكر سيارتة يوقل استودعك الله الذي لا تضيع ودائعة ويريح مخة

الله يارب يسترها عليك وعلينا وعلى اخواننا المسلمين جميعا ,,وامكن مثل ماتفضلت اخوي مامداهم يسرقون شي ,,بس لكن سيارتي كانت في مكان مناسب انهم يرجعون مثلا يكملون سرقتهم لأنه كان فيه مسافه شبه مخفيه خلفهم والسيارة امامهم مغطيه على الي يمر من جهة الشارع .[COLOR=red]وجاري الي ساكن بجنبي اكد لي انه سمع صوت الانذار امكن دقيقة وشوي قبل اذآن الفجر وبعدين اختفى كيف تمكنوا من اطفآئه ؟ [/COLOR]