صــور نيسان باترول الجديد2010

مكينة الفتك الحاليه راح تنلغي وبتحل مكانها ميكينة 4000 على شكل 7 بالاضافه لمكينة الـ V8

وبتجي معاه مكاين ديزل بعزم جبار 405 نيوتن/متر

وقير من سبع غيارات

وحتى قدراته في البر بتفتك حتى في الفتك نفسه

بس ابشركم انه لا زال يجي بست بلوط نفس الفتك يعني نقدر نركب عليه رنجات الفتك الـ16 او الـ17 مع بوالين 900

يعطيك العافيه يالوس

واذا مازالت الدفرنسات فيه فكفو على نيسان مع اني توقعت انهم يتخلون عنها

اما بالنسبه للخل الوفي فالرجال ماكان يقصد الفتك عموما كان يقصد تقنية المحرك الان بالوقت الحالي اصبحت قديمه وصرفيته للبنزين عاليه فقط هذا اللي كان يقصده

انا مادري ليش كلكم ركزتوا على كلمة متخلفه وتركتوا كل كلام الرجال في مدحه للباترول

مع اني لا اجيز كلمة تخلف في قاموس العرب خصوصا في انتقادهم للمحركات او اي منتج مصنوع لان مع كامل الاحترام للعرب واولهم ابو اسماعيل وش سوينا عشان نقيم الاخرين (( الصناع )) الله يخلف علينا بس

888

نفس كلام اخوي لوس

يعني المواصفات اللي عرفناها غير المحركات هي :

1_ الباترول الجديد ياباني 100%

2_ دفرنسين أمامي وخلفي

3_ القير بسبع غيارات تبترونيك

4_ كذلك فيه منه خيارات استبنه على الباب او شنطة مثل اللي بالصورة


ملاحظة حتى كفر الاستبنة اللي تحت مرفوع كثييييير يعني مايمدية يحك بالطعوس

ونيسان مثل ماقالت لن تضحي بمقدرة الباترول في البر لانه اساسا مخصص للبر

والله عرفت لها النيسان صح

والمفاجات القادمة مذهله اكثر :ch9:

بسم الله الرحمن الرحيم
اخواني احب انقل لكم اخبار ان شاء الله انه موثوقه من شخص حضر الاجتماع السري لنيسان
االي صار فيه التصوير هذا يقول ان الباترول جا ب دفرنسين (يعني محور صلبه ) وانه يجي منه نوع
استبنه علاق (على الباب) هذا ما جا من اخبار جديده





واطلب من اخوي الخل الوفي انه ما يقول عن ال VTC متخلفه يعني ان كانه ما اعجبتك فهذا رايك لاكن قول فاشله (يرفع ضغطي)


انا داري ان بعض الشباب مستغرب من ردي هذا يقول الرجال بالرد الاول يسب والثاني يمدح لاني اخذت فكره من الرجال هذا اللي اقولكم ومدحه لي والرجال ثقه وذوقه حلو


وشكرا اخوكم ل و س 8 8 7

أحلى من اللند كروزر بوااايد وهذا اهم شي

بس بعده قبيح

8888

ابشرك مو بس دفرنس واحد

( دفرنسين امامي وخلفي + انه ياباني 100% + انه سبع غيارات تبترونيك )

هالكلام ماهو من عندي ... هذا الكلام كلام احد المشرفين الثقة في موقع نيسان ارابيا

هو جاته دعوة من نيسان الامارات لمشاهدة الطراز الجديد وابداء رايهم فيه

هذي الدعوة كانت خااصه جدا فقط للعملاء الخاصين لدى نيسان الامارات

وعلى الطبيعه مثل مايقول ( راااااائع بمعنى الكلمة )

يعني هذا هو الباترول الجديد اللي كنا منتظرينة يمكن كمان ينزل مع بعض الزوايد الاضافية

ولساتها في مفاجآت كمان بس كل شي بوقته حلو :)

^^^ متاكد يابو العز انه دفرنس اماامي؟؟

والله رائع جدا

وننتظر شوفته على الطبيعة افضل ثم نحكم الحكم النهائي

واهم شي انه دفرنس امامي(الخبر موثوق منه) :emot62:

رائع بكل ما تحمل هذه الكلمة من معاني


وأتمنى أن يكون من مصنع نيسان في اليابان ولا يكون من أمريكا المفلسة

والله تصميمه ولااروع منه ومن الطبيعي يكون شكله كذا
لانه يعتبر جيل جديد مثل الباترول عام 98 يوم يختلف عن 97 تغير يغيير جذري
اهم شي ان شركة نيسان لازالت محافظة على التعليق الصلب الللي هو الدفرنس الامامي وليس
اكسل مثل باقي السيارات الدفع الرباعي

تصميمه مقارب للاند لكن اشعر ان سعره مبالغ فيه جدا جدا وعموما سيارات نيسان باترول معروفه وقويه وهي من وجهة نظري افضل انتاج شركة نيسان قاطبه

الشكل مقبول جيد احلى من السابق ولو انه فعلا فقد من هيبته المعتاده ( افضل اللاند الجديد )

المحرك الثمانيه جبار اتمنى انها تكون نفس الارمادا وبكذا راح يكون ادائه رائع

بالنسبه للصناعه اتوقع انه امريكي ( مكسيكي مثل الارمادا و الالتيما ) واذا كان كذا بقول عليه السلام

بالعكس

انا اشوف شكله روعه نفس اللاندكروزر
بالرغم انه كوبي من اللاندكروزر
و اللي يخليها احلى هي الفتحات على الجانب نفس الكاديلاك اسكاليد

خلفيته شكله قبيح جدا

لكن المقدمة والداخلية والطبلون حلو جدا


والسعــــــــــــــــــــــــــــ جداً جداً ــــــــــــــــــــ غالي ــــــــــــــــــــــر


واشكرك اخوي على الطرح والصور

مشكور اخوي الوحش على المعلومات

وكذلك كل من شارك بالموضوع


وانا بانتظار الصور والمعلومات الرسمية من الشركة

السلام عليكم قبل كل شي,,, تعقيباً على المشاركات ,أنا على يقين تام أن المحرك الباترولvtc4800 (valve timing control)l سيتم تغيره أو على الأقل تحسينه , من واقع تجربتي له ((مع أحد الأقارب)) التجربة:
أجرينا مقارنة بينه وبين الاند كروزر في صحراء النفود فالباترول أذهلني (عزمه ماشاء الله) , لكن ملاحظتي وهي استهلاكه للوقود أيضاً أذهلني (وحش في الأداء ووحش في شرب البنزين )
انطباعاتي عن تجربة السيارة:
الباترول
+ أداء عالي ومتميز خصوصاً في المناطق الرملية.
- استهلاك عالي للوقود يكاد يجعلك تصرف النظر عن السيارة.
- جودة أقل من السيارة المنافسه ((للأمانة لا حظت لمبة التنبيه أن أحد الأبواب مفتوح تومض أثناء قيادتي له في المناطق التربية -ردمية[COLOR=red]!))[/COLOR]
الأرمادا بناءاً على تجربتي أيضاً -في الطرق المعبدة- كان أداه عالي حيث وجدت فرق كبير في العزم بينه وبين الباترول لصالح الأرمادا بينما استهلاكه للبنزين أقل بكثير بل بمراحل (بدون مبالغة)
من الباترول مع أنه V8.
فتوقعاتي أن شركة نيسان حتماً ستغير أو تحسن -على أقل- محرك الباترول الى الأفضل وتحسن مستوى جودته والله أعلم.

معلومات جديده "
الباترول راح يتوفر ب 3 محركات
-4.8 لتر 8 سلندر
-4لتر 6 سلندر
-3 لتر ديزل بقوه 265 حصان والعزم 405

اسمحلي يا الباترول <طحت من عيني
والله خساره فيه هالفلوس
مشكور اخوي
تحياتي

الشغلة تعديل فوتوشوب وسلامتكم...................