القير الاوتو بعضها يشتغل بالكهرباء وحساسات يعني بشكل الكتروني
والموديلات القديمة تشتغل بضغط الزيت فقط
بالنسبة للجمس هذا ما ادري كيف يشتغل بس حاول انت تحط اخر غيار وتمشي عليه فترة ثم تغير يدويا وتمشي عليه فترة بدون ما تغير وبعده تروح للسرعة الاخيرة مثلا
تروح تحط 1 ثم تمشي عليه فترة وبعده تروح 2 وتمشي عليه فترة وبعده تحط على D وتمشي عليه فترة وبعده شوف الفلتر اذا الزيت اوكي او لا يعني طبيعي ولا فيه فقاعات بعد
وبعده امشي على الـ D وشوف اذا يغير معك عادي او لا
وللمرة الاخيرة غير الزيت والفلتر اذا ما ضبط معك وحتى بعد تغييرك ما ضبط يصير لابد تفتح القير والاختصاصيين يعدلون لك المشكلة باذن الله بس انت سوي اللي اقول لك عليه وباذن الله بيتعدل وانا جربتها على كابرس 79 وضبط لانه كان يعاني من نفس مشكلتك بس السبب كان تهريب بالزيت وسبب مشاكل وسويت اللي قلته لك وضبط شوي جرب واذا ما نفع خلهم يفحصونه لك بس فيه اسئلة لابد تجاوبنا عليها
1- هل لما تحط غيار D يتاخر في التلقيم ؟
2- هل النقلات سريعة وهادئة او فيه نقزة ؟
3-هل لما تدعس فيه استجابة ؟
4- هل لما تجي تهدي في لفة او مطب وتدعس مرة ثانية تحس ان القير ما يغير الغيار المطلوب؟
اولا اشكرك واشكر كل من شارك
- هل لما تحط غيار D يتاخر في التلقيم ؟
ج/1
أ -قبل المشكلة ما يتأخر بالعكس اول ماحطه في الD ينقز قدام .
ب - بعد المكلشه الهو الان يأخذ من 1-2 ثانيه .
2- هل النقلات سريعة وهادئة او فيه نقزة ؟
ج/ 2
أ- قبل المشكله لا تشعر فيها خفيفه .
ب - بعد المشكله (( ياليته يبدل بس )) .
3-هل لما تدعس فيه استجابة ؟
ج/ 3
نعم فيه استجابه قبل وبعد المشكله
4- هل لما تجي تهدي في لفة او مطب وتدعس مرة ثانية تحس ان القير ما يغير الغيار المطلوب؟
ج/4
نعم مايغير الا نمره واحده وبعدها بخبط
